អត្ថបទថ្មីបំផុត
ទំព័រដើម > បច្ចេកវិទ្យា > Apple នឹង​ផលិត​ iPhone អេក្រង់ ៥អ៊ីញ​ថ្មី​ នៅ​​ឆ្នាំ២០១៧ ភ្ជាប់​​កាមេរ៉ា​ភ្លោះ​ទម្រង់​បញ្ឈរមិន​ធ្លាប់​មាន!

Apple នឹង​ផលិត​ iPhone អេក្រង់ ៥អ៊ីញ​ថ្មី​ នៅ​​ឆ្នាំ២០១៧ ភ្ជាប់​​កាមេរ៉ា​ភ្លោះ​ទម្រង់​បញ្ឈរមិន​ធ្លាប់​មាន!

ផ្អែកតាមរបាយការណ៍ពីប្លុកនៃគេហទំព័រ Mac Otakara ថ្មីៗនេះ ឱ្យដឹងថា ក្រុមហ៊ុន Apple ទំនងនឹងសម្រេចចិត្ត ក្នុងការផលិតម៉ូដែល iPhone ភ្ជាប់អេក្រង់ ៥អ៊ីញ អមមកជាមួយកាមេរ៉ាចំនួនពីរគ្រាប់នៅផ្នែកខាងក្រោយ។ យ៉ាងណា កាមេរ៉ាពីរគ្រាប់នោះ គឺត្រូវបានតម្រៀបដាក់បញ្ឈរលើក្រោម មិនដូចជាការតម្រៀបឆ្វេងស្ដាំ ដូចនៅលើ iPhone 7 Plus បច្ចុប្បន្ននោះឡើយ។

untitled-3

iPhone អេក្រង់ ៥អ៊ីញនេះ ត្រូវគេរំពឹងថា នឹងបង្ហាញខ្លួនផ្លូវការដំណាលគ្នានឹង iPhone 7s និង iPhone 7s Plus ក្នុងឆ្នាំ២០១៧ ខាងមុខ។ របាយការណ៍ពីដៃគូសហការរបស់ Apple ដែលមិនបញ្ចេញឈ្មោះ បានអះអាងថា នេះគឺជា iPhone ថ្មីផ្សេងមួយទៀត ដែលត្រូវបំបែកចេញពីម៉ូដែល S។ លក្ខណៈសម្បត្តិរបស់វា អាចដូចបេះបិទទៅនឹង ម៉ូដែល iPhone អេក្រង់ ៤,៧អ៊ីញ និង ៥,៥អ៊ីញដែរ ប៉ុន្តែវានឹងភ្ជាប់កាមេរ៉ា dual-camera ដែលនឹងមានទម្រង់បញ្ឈរលើក្រោម ខុសពីកាមេរ៉ាតម្រៀបតាមជួរដេក នៅលើ iPhone 7 Plus។

ទោះជាយ៉ាងណា ពេលនេះគេមិនទាន់ច្បាស់នៅឡើយថា តើការផ្លាស់ប្ដូររចនាបថថ្មីនេះ នឹងធ្វើឡើងទៅលើ iPhone 7s Plus ដែរឬអត់ទេ។ របាយការណ៍បានឱ្យដឹងបន្ថែមថា ក្រុមហ៊ុនអាចមានគម្រោងផ្លាស់ប្ដូររចនាបថនេះ មុនពេលបណ្ដាដៃគូសហការទទួលបានគម្រោងសម្រេចសម្រាប់ឆ្នាំ២០១៧ ទៅទៀត។ ជាក់ស្ដែង គេហទំព័រ Nikkei Asian បានលើកឡើងថា អាចនឹងមាន iPhone អេក្រង់ ៥អ៊ីញស៊េរីថ្មី ត្រឡប់មកបង្ហាញខ្លួននៅលើទីផ្សារ ក្នុងអំឡុងខែតុលា ឆ្នាំ២០១៧ ខាងមុខ ដែលអាចត្រូវស្រោបដោយកញ្ចក់សុទ្ធសាធ និងមានបច្ចេកវិទ្យាសាកថ្មឥតខ្សែ។

គេរំពឹងថា Apple នឹងបញ្ចេញម៉ូដែល iPhone ស៊េរីថ្មីត្រកូល S ជាទាយាទបន្តពី iPhone 7 និង iPhone 7 Plus បច្ចុប្បន្ន ប៉ុន្តែក៏មានចចាមអារ៉ាមថា វាអាចត្រូវក្រុមហ៊ុន Apple ប្រើឈ្មោះ iPhone 8 ឬ iPhone 8 Plus តែម្ដង ដោយយោងទៅលើលក្ខណៈសម្បត្តិ មានការផ្លាស់ប្ដូរច្រើន ហើយរូបរាងឌីហ្សាញក៏ដូចគ្នា ដែលអាចឈរលើលេខកូដខាងក្នុងថា “Ferrari”៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​​និយម​ន័យ​សំខាន់ៗ​នៃ​ពាក្យ​ថា ​«​ភាព​ជា​អ្នក​ដឹកនាំ​»​ ដែល​កំណត់​ដោយ​បុគ្គល​ជោគជ័យ​ក្នុង​​លោក

រឿង​ល្អ​ៗ​​ទាំង​នេះ​នឹង​កើត​ឡើង ​ប្រសិន​បើ​អ្នក​​ព្រម​លត់ដំ​ខ្លួន​ជា​មួយ​ការ​លំបាក​ពី​ក្មេង​ឲ្យ​បាន​ច្រើន​

​សញ្ញា​ ៥​យ៉ាង​បញ្ជាក់​ថា ​អ្នក​កំពុង​​តប់ប្រមល់​ក្នុង​ចិត្ត​ខ្លាំង​បំផុត​​ ​​​ហើយ​គួរ​រក​វិធី​ដោះស្រាយ​បន្ទាន់​!​

អត្ថបទពាណិជ្ជកម្ម​

កម្មវិធី ABC Exceptional Night ជាមួយកញ្ញា ឱក សុគន្ធកញ្ញា

បច្ចេកវិទ្យាថ្មីរបស់ទូរទឹកកក LG អាចរក្សាអាហារឱ្យ​នៅស្រស់បានរហូតដល់ 14 ថ្ងៃ

បៀរថៃហ្គ័រចាប់ឆ្នោតលើកទី ១ ជូនគូស្វាមីភរិយាថ្មីក្នុងកម្មវិធីអាពាហ៍ពិពាហ៍ស្រាបៀរថៃហ្គ័រ ឆ្នាំ ២០១៨

ស្រាបៀរ ABC អិចស្ត្រាស្តោត បានពាំនាំកម្មវិធីរាត្រីដ៏ល្អឯកជូនដល់អតិថិជន

អានអត្ថបទតាមខែ

April 2018
M T W T F S S
« Mar    
 1
2345678
9101112131415
16171819202122
23242526272829
30