Casio ទើប​​បញ្ចេញ​​នាឡិកា​ Smartwatch ស៊េរី​ថ្មីទំនើប​​មាន GPS ដើរ​ដោយ Android Wear 2.0 និង​មិន​ចូល​ទឹក

ផ្សាយចេញ ៖ 05-Jan-2017 1:31 pm

ថ្មីៗ​នេះ​ក្រុមហ៊ុន​ឯកទេស​ផលិត​នាឡិកា Casio ​បាន​បង្ហាញ​ចេញ​នាឡិកា​ដៃ​ឆ្លាតវៃ ទំនើប​ស៊េរី​ថ្មី​នៅ​ក្នុង​ពិព័រណ៍ CES។ Smarwatch នេះ​មាន​ឈ្មោះ​ថា Casio WSD-F20 ​ដំណើរការ​ដោយ​ប្រព័ន្ធ​ប្រតិបត្តិការ Android Wear 2.0។


នាឡិកា WSD-F20 ថ្មី​របស់​ក្រុមហ៊ុន​ជប៉ុន​នេះ បាន​ផលិត​ដោយ​បំពាក់​នូវ​មុខងារ​ការពារ​ការ​ជ្រាប​ទឹក MIL-STD-801G ​ដែល​អាច​ធន់​នឹង​ជម្រៅ​ទឹក​រហូត​ដល់ ៥០ម៉ែត្រ។ ពិសេស​ទៀត​នេះ វា​ត្រូវ​បាន​បំពាក់​ប្រព័ន្ធ GPS sensor ​ហើយ​អាច​បង្ហាញ​ផែនទី​ទាំង​ក្នុង​ទម្រង់​អនឡាញ (online) និង​អូហ្វឡាញ (offline) ​ជាមួយ​ផែន​ទី​កូល័រ អម​ជាមួយ​មុខងារ​ចាប់យក​សកម្មភាព​ផ្សេងៗ​ទៀត (activity tracker)។


នាឡិកា Casio WSD-F20 នឹង​មាន​លក់​នៅ​លើ​ទីផ្សារ​ចាប់ពី​ខែ​មេសា​ខាង​មុខ ​ខណៈ​ដែល​តម្លៃ​របស់​វា​ត្រូវ​គេ​រំពឹង​ថា ប្រហែល ៥០០ដុល្លារ​អាមេរិក៕



ប្រែសម្រួលដោយ ៖ រឹទ្ធិរាជ
ប្រភព ៖ Digital Trends

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared