អត្ថបទថ្មីបំផុត
ទំព័រដើម > បច្ចេកវិទ្យា > ចំណុច​ខ្លាំង​នៅ Android ជំនាន់​ថ្មី Marshmallow គឺ​ត្រូវ​បាន Google ​បន្ថែម​អាយុកាល​នៃ​ថ្ម​រឹតតែ​វែង​ជាង​មុន

ចំណុច​ខ្លាំង​នៅ Android ជំនាន់​ថ្មី Marshmallow គឺ​ត្រូវ​បាន Google ​បន្ថែម​អាយុកាល​នៃ​ថ្ម​រឹតតែ​វែង​ជាង​មុន

Google ​បន្ថែម​អាយុកាល​នៃ​ថ្ម​រឹតតែ​វែង​ជាង​មុន

ប្រ​ភព៖​​ www.techspot.com

រឿង​ដែល​អ្នក​ប្រើប្រាស់​ស្មាតហ្វូន​សព្វថ្ងៃ​កំពុង​រអ៊ូរទាំ​ច្រើន​នោះ គឺ​ទៅ​លើ​ថាមពល​ថ្ម ប្រើ​មិន​បាន​យូរ ពោល​គឺ​ឆាប់​អស់ថ្ម​តែម្ដង។ ដោយសារ​តែ​បែប​នេះ បណ្ដា​ក្រុមហ៊ុន​ទូរស័ព្ទ​ធំៗ​លើ​លោក កំពុង​យក​ចិត្ត​ទុកដាក់ ផលិត​ស្មាតហ្វូន​ក្រោយៗ​ភ្ជាប់​ជាមួយ​កម្រិត​ថាមពល​ថ្ម​ខ្ពស់។

យ៉ាងណា វា​នៅ​មិន​ទាន់​គ្រប់គ្រាន់​នៅ​ឡើយ​ទេ ព្រោះ​ថ្ម​ឆាប់​អស់ ក៏​អាស្រ័យ​ទៅ​លើ​សូហ្វ៊ែរ​មួយ​ផ្នែក​ដែរ។ ដូច្នេះ ប្រព័ន្ធ​ប្រតិបត្តិការ​ជំនាន់​ចុងក្រោយ Android Marshmallow នេះ ត្រូវ​បាន Google បង្កើត​ជាមួយ​មុខងារ​បន្ថែម​អាយុកាល​ថ្ម​ស្មាតហ្វូន ប្រើប្រាស់​បាន​យូរ​ជាង​មុន។

ដូច្នេះ​ចំណុច​ខ្លាំង​នៅ​លើ Android platform ជំនាន់ Marshmallow នេះ គឺ​នៅ​ត្រង់ ធ្វើ​ឱ្យ​ទូរស័ព្ទ/ថេប្លេត​កាន់​ថ្ម​បាន​យូរ​ជាង​មុន។

គេហទំព័រ Android Police ថ្មីៗ​នេះ បាន​រក​ឃើញ​ថា បណ្ដា​ដៃគូ​ពាណិជ្ជកម្ម​ទាំងអស់​របស់ Google ដែល​ជ្រើសរើស​យក Android OS ទៅ​បំពាក់​នៅ​លើ​ឧបករណ៍​ឆ្លាតវៃ​របស់​ខ្លួន នឹង​ពេញចិត្ត​ជា​ខ្លាំង​ជាមួយ លក្ខណៈ​ពិសេស​ ថ្ម​កាន់​បាន​យូរ មាន​នៅ​លើ​ប្រព័ន្ធ​ប្រតិបត្តិការ​ជំនាន់​ចុងក្រោយ Android Marshmallow នេះ។

នៅ​មាន​មុខងារ​ពិសេស Doze ថែមទៀត។ នៅ​ពេល​លោក​អ្នក ទុក​ទូរស័ព្ទ​ដោយ​ផ្អាក​ការ​ប្រើ Doze នឹង​ប្ដូរ​ទៅ​ជា​ទម្រង់ sleep ដោយ​ស្វ័យប្រវត្តិ ប៉ុន្តែ​ទូរស័ព្ទ​របស់​អ្នក នៅ​តែ​ដំណើរការ​ម៉ោង​រោទ៍​ព្រឹក​ឡើង​បាន​ដដែល ថ្វីត្បិត​អ្នក​ភ្លេច​សាក​ថ្ម​ទូរស័ព្ទ​ក៏​ដោយ។

ឯកសារ​និយមន័យ​នៅ​លើ Marshmallow ថែមទាំង​បាន​បញ្ជាក់​ថា ដៃគូ​ពាណិជ្ជកម្ម​ត្រូវតែ​បង្ហាញ​នូវ​ដំណើរការ​របស់​ប្រព័ន្ធ​ដែល​មាន​ភាព​លាក់​កំបាំង (hidden system processes) ដែល​ធ្វើឱ្យ​ស៊ី​ថ្ម ហើយ​អ្នក​ប្រើ​ទូរស័ព្ទ Android ក៏​អាច​ដាក់​សម្ពាធ​ដល់ OEMs ផង​ដែរ ឱ្យ​រៀបចំ​ដំណើរការ​របស់​ឧបករណ៍​ខ្លួន កាន់​ថ្ម​ប្រើ​បាន​យូរ ជៀសវាង​លាក់​បាំង process ដែល​ប៉ះពាល់​ដល់​ថាមពល​ថ្ម។

សូម​បញ្ជាក់​ថា សេចក្ដី​រាយការណ៍​អំពី​កម្មវិធី Android របស់ AVG ថ្មីៗ​នេះ បង្ហាញ​ថា នៅ​លើ Software ក្នុង​ទូរស័ព្ទ Samsung ត្រូវ​បាន​គេ​រក​ឃើញ com.sec.android.fwupgrade ជា service ដែល​តែង​ដំណើរការ​ដើម្បី​ទទួល​បាន​ការ​ធ្វើ​បច្ចុប្បន្នភាព​ជាប់​ជានិច្ច​នៅ​លើ​ឧបករណ៍ ជាហេតុ​ធ្វើ​ឱ្យ​ថាមពល​ថ្ម​ចុះ​ខ្សោយ​រហ័ស ឬ​ឆាប់​អស់​ថ្ម៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ចង់​ទន្ទេញ​មេរៀន​​ឲ្យ​ឆាប់​ចាំ​ ​និង ​មិន​ងាយ​ភ្លេច​ ​គួរ​សាកល្បង​​​វិធី​ងាយៗ​ទាំងនេះ​!​

បើ​​​ចង់​ក្លាយ​ជា​អ្នក​គ្រប់គ្រង​ ​ឬ ​អ្នកដឹកនាំ​ដ៏​អស្ចារ្យ​ម្នាក់​ ត្រូវ​ជម្រុះ​​ចំណុច​អាក្រក់​​ទាំង​៦​នេះ​សិន​ ​!​

​ត្រូវ​ព្យាយាម​បណ្ដុះ​ផ្នត់គំនិត​ទាំង​៥​យ៉ាង​នេះ ​ដើម្បី​​សាង​អនាគត​ដ៏​ជោគជ័យ​​នា​ពេល​ខាង​មុខ​

​វិធីសាស្ត្រ​​សំខាន់ៗ​៥​យ៉ាង​​ ​ដើម្បី​​លុបបំបាត់​ការ​ខ្ជិល​ច្រអូស​របស់​អ្នក​!

អត្ថបទពាណិជ្ជកម្ម​

ឱកាសបង្ហាញ​សមត្ថភាព​និង​គំនិត​ច្នៃប្រឌិត​ផ្នែក​អាជីវកម្ម​សម្រាប់​​យុវជន​បានមក​ដល់​ហើយ​!

​គុយទាវ​បាក់​សៀក​ពិសេស​ឈ្មោះ​ធម្មតា តែ​រសជាតិ​ឆ្ងាញ់​មិនធម្មតា​ទេ ​ធានាថា​ឆ្ងាញ់​បោស​ចាន !

everjobs បង្ហាញ​ពី​ជំនាញ​មួយចំនួន​ដែល​​ចាំ​បាច់​​ក្នុងតួនាទី​គ្រប់គ្រង​ (Management) នៅក្នុង​ប្រទេស​កម្ពុជា​​

វត្តមានគម្រោងបុរីល្បីៗជាច្រើននៅក្នុងពិព័រណ៍អចលនទ្រព្យកម្ពុជាលើកទី២

អានអត្ថបទតាមខែ

September 2017
M T W T F S S
« Aug    
 123
45678910
11121314151617
18192021222324
252627282930