អត្ថបទថ្មីបំផុត
ទំព័រដើម > បច្ចេកវិទ្យា > Oppo ទើប​សម្ពោធ​ស្មាតហ្វូន​ទំនើប​ ២ម៉ូដែល Oppo R15 និង R15 DME ​រចនាបថ​ដូច iPhone X

Oppo ទើប​សម្ពោធ​ស្មាតហ្វូន​ទំនើប​ ២ម៉ូដែល Oppo R15 និង R15 DME ​រចនាបថ​ដូច iPhone X

​យើង​ធ្លាប់​បាន​ឪ​ចចាមអារ៉ាម​ខ្លះៗ​ជុំវិញ​ស្មាតហ្វូន​ថ្មី​របស់ Oppo ​កន្លង​មក​ដែល​ស្ថិត​ក្នុង​ស៊េរី R15 ។ ចំណែក​ពេល​នេះ ក្រុមហ៊ុន​ទូរស័ព្ទ​ចិន​នេះ បាន​ប្រកាស​វា​ជា​ផ្លូវការ​ហើយ​ដែល​ចេញ​ម្ដង ២ម៉ូដែល​តែម្ដង​គឺ Oppo R15 និង R15 Dream Mirror Edition ជា​មួយ​រចនាបថ​ស្អាត​ទាន់សម័យ ឌីហ្សាញ​គែម​អេក្រង់​ស្ដើង និង​មាន​ចំណុច​ឆក notch ​ខាង​លើ​ដូច​ទៅ​នឹង iPhone X របស់ Apple ដែរ។

​ស្មាតហ្វូន​ទាំងពីរ បំពាក់​ដោយ​អេក្រង់​ទំហំ ៦,២៨អ៊ីញ​ប្រភេទ OLED ​កម្រិត FHD+ ​នៅ 2280x1080px ។ ចំណែក​រចនាបថ​អេក្រង់​របស់​វា គឺ​មាន​គែម​អេក្រង់​ស្ដើង និង​មាន​ចំណុច​ឆក notch នៅ​ផ្នែក​ខាង​លើ​ដូច iPhone X របស់ Apple ដែរ។ ស្មាតហ្វូន​ចេញ​ថ្មី​ទាំង​ពីរ​ម៉ូដែល​របស់​ក្រុមហ៊ុន​ចិន​នេះ គឺ​មាន​ការ​ឌីហ្សាញ​ដូច​គ្នា ដោយ​ប្រើ​ស៊ុម​លោហធាតុ និង​មាន​ខ្នង​ទូរស័ព្ទ​ក្រាល​ដោយ​កញ្ចក់។

​ស្មាតហ្វូន Oppo R15 ​បំពាក់​ដោយ​អង្គ​ប្រតិបត្តិ Octa-Core Helio P60 ​និង​មាន RAM 6GB ​អង្គ​ចងចាំ​ទំហំ 128GB ។ វា​មាន​កម្លាំង​ថ្ម 3450mAh និង​មាន​កាមេរ៉ា​សរុប ៣គ្រាប់។ កាមេរ៉ា​មុខ​មាន​ទំហំ​ដល់ 20MP ​ឯកទេស​សម្រាប់​ថត​រូប Selfie ។ ចំណែក​កាមេរ៉ា​ភ្លោះ​ខាង​ក្រោយ​វិញ មួយ​មាន​ទំហំ 16MP ​និង​មួយ​ទៀត​ទំហំ 5MP។ R15 នឹង​មាន​លក់​ជាមួយ​ជម្រើស​ពណ៌​ក្រហម Hot Red, ស្វាយ​បែប Star Purple និង​ពណ៌​ស​បែប Snow White ។

ងាក​មក​មើល R15 Mirror Edition វិញ​គឺ​បំពាក់​ដោយ​ឈីប Snapdragon 660 ​និង​មាន RAM 6GB ​អម​ដោយ​កម្លាំង​ថ្ម 3400mAh ។ កាមេរ៉ា​ក្រោយ​របស់​វា មួយ​មាន​ទំហំ 16MP ​និង​មួយ​ទៀត​ទំហំ 20MP។ ចំណែក​កាមេរ៉ា​មុខ​មាន​ទំហំ 20MP ផង​ដែរ។ ស្មាតហ្វូន R15 DME ​នេះ មាន​ជម្រើស​ពណ៌​ក្រហម​​បែប Dram Red ​និង​ខ្មៅ​បែប Ceramic Black ។ Oppo R15 នឹង​មាន​លក់​រាយ​តម្លៃ ២៩៩៩យ័ន ​ឬ​ប្រហែល ៤៧៤ដុល្លារ ខណៈ​ម៉ូដែល Dream Mirror Edition ​វិញ​នឹង​មាន​តម្លៃ ៣២៩៩យ័ន ឬ​ប្រហែល ៥២១ដុល្លារ៕

​ដោយ៖ រឹទ្ធិរាជ
ប្រភព៖ OppoGSM Arena

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​គំនិត ២១ ក្បាច់​​របស់ «​អ្នក​មាន» ខុស​ពី​គំនិត​​របស់​ «មនុស្ស​ទូទៅ»

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ធ្វើ​យ៉ាង​ណា​ទៅ​ដើម្បី​កាត់​បន្ថយ​ពាក្យ​ថា​ «ចាំ​ស្អែក​ចាំ​ធ្វើ​»?

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

ស្រាបៀរអាន់ឆ័រ (Anchor) នឹងចាប់រង្វាន់ផ្តាច់ព្រ័ត្រនៅថ្ងៃអាទិត្យចុងសប្តាហ៍នេះ

BarCamp ឆ្នាំ​នេះ​កាន់​តែ​ប្លែក! ប្រធានបទ​“សន្និបាតបច្ចេកវិទ្យា និង​ការចាប់ផ្ដើមអាជីវកម្ម” ថ្ងៃទី ២០-២១ ខែតុលា​ នៅ​តិចណូ

ក្រុមហ៊ុនចូលរួមលក់បញ្ចុះតំលៃជាច្រើន ក្នុង​ឱកាស​ពិព័រណ៍អាពាហ៍ពិពាហ៍​ចុង​ខែ​កញ្ញា

អបអរអ្នកឈ្នះរង្វាន់ iPhoneX ពីក្រុមហ៊ុនស្រាបៀរកម្ពុជា CBL

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031