Asus ​ទើប​ប្រកាស ​ចេញ​ស្មាតហ្វូន Android ស៊េរី​ថ្មី​ទំនើប កាមេរ៉ា​មុខ​ពីរ នៅ​ប្រេស៊ីល លក្ខណៈ​សម្បត្តិ​ខ្ពស់ តម្លៃ​ល្មម​ប្រើ

ផ្សាយចេញ ៖ 15-Jan-2016 4:06 pm

ប្រ​ភព៖​​ PhoneArena

ក្រុមហ៊ុន Asus ថ្មីៗ​នេះ​ទើប​បាន​ប្រកាស​ចេញ​ស្មាតហ្វូន​ស៊េរី​ថ្មី​ដំណើរការ​ដោយ Android OS នៅ​ប្រទេស​ប្រេស៊ីល។ ស្មាតហ្វូន​ថ្មី​នេះ​មាន​ឈ្មោះ Asus Live ​ភ្ជាប់​អេក្រង់ IPS display ទំហំ ៥អ៊ីញ ជាមួយ HD resolution 1280x720px ជា​ស្មាតហ្វូន​ទំនើប​តម្លៃ​សមរម្យ​ត្រឹមតែ ២១០ដុល្លារ​ប៉ុណ្ណោះ។



Asus Live ​មាន​លក្ខណៈ សម្បត្តិ​ដូច​ជា៖ បំពាក់​អង្គ​ប្រតិបត្តិ MediaTek MT6580 ល្បឿន 1.3GHz, RAM 2GB, អង្គ​ផ្ទុក​ទិន្នន័យ 16GB ហើយ​អាច​បន្ថែម microSD ​បាន។ ស្មាតហ្វូន Asus ថ្មី​នេះ ដំណើរការ​ដោយ Android 5.1 Lollipop ​ហើយ​មាន​កាមេរ៉ា​មុខ​ពីរ dual camera ទំហំ 2MP និង​ខាង​ក្រោយ​ទំហំ 8MP។


Asus Live ​មាន​តំណភ្ជាប់ Wi-Fi, Bluetooth និង 3G ​ហើយ​មាន​រន្ធ​ដាក់​ស៊ីម​កាត២។ ទូរស័ព្ទ​នេះ មាន​លក់​នៅ​លើ​ទីផ្សារ​ប្រទេស​ប្រេស៊ីល​ក្នុង​តម្លៃ​ប្រហែល ២១០ដុល្លារ។ យ៉ាងណា​មិន​ទាន់​មាន​ព័ត៌មាន​អំពី​ការ​ចេញ​លក់ Asus Live ​នៅ​លើ​ទីផ្សារ​ដទៃ​នៅ​ឡើយ៕



ប្រែសម្រួលដោយ ៖ រឹទ្ធិរាជ
ប្រភព ៖ Phone Arena

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared