អត្ថបទថ្មីបំផុត
ទំព័រដើម > demo > BRED Bank ធនាគារ​បារាំង​វិនិយោគ​នៅ​កម្ពុជា​ដោយ​សំឡឹង​ឃើញ​​ចន្លោះ​ខ្វះខាត​លើ​សេវាកម្ម​ស្ដង់ដារអន្តរជាតិ

BRED Bank ធនាគារ​បារាំង​វិនិយោគ​នៅ​កម្ពុជា​ដោយ​សំឡឹង​ឃើញ​​ចន្លោះ​ខ្វះខាត​លើ​សេវាកម្ម​ស្ដង់ដារអន្តរជាតិ

BRED Bank ​ជា​ធនាគារ​មួយ​ដែល​មាន​ការិយាល័យ​កណ្ដាល​នៅ​ទី​ក្រុង​ប៉ារីស​ប្រទេស​បារាំង ​ចាប់​ផ្ដើម​ចូល​មក​​វិនិយោគ​​នៅ​ប្រទេស​​កម្ពុជា​នៅ​ខែ​មីនា ឆ្នាំ​២០១៧។ បើ​គិត​មក​ដល់​ពេល​បច្ចុប្បន្ន​​ ​BRED Bank​ មាន​សាខា​ចំនួន​៣ គឺ​នៅ​ការិយាល័យ​កណ្ដាល​ផ្លូវ​នរោត្តម ​សាខា​​ខណ្ឌ​ទួលគោក​ និង​សាខា​ខេត្ត​សៀម​រាប​ដែល​នឹង​ត្រៀម​សម្ពោធ​នៅ​ថ្ងៃ​ទី​១៧​ ខែ​តុលា​ ឆ្នាំ​២០១៨ ខាង​មុខ​នេះ។ ខាង​ក្រោម​នេះ​គឺ​ជា​កិច្ច​សម្ភាសន៍​រវាង​ Bizkhmer និង លោក​មិន​ សុផា នាយក​ប្រតិបត្តិរង​នៃ​ធនាគារ​ BRED Bank៖

BizKhmer៖ ហេតុ​អ្វី​បាន​ជា​ធនាគារ​សម្រេច​មក​វិនិយោគ​នៅ​កម្ពុជា​នៅ​ក្នុង​ខែ​មីនា ឆ្នាំ​២០១៧?
លោក មិន សុផា៖ ចំពោះ​គោល​ដៅ​របស់​​ BRED Bank​ក្នុង​ការ​មក​វិនិយោគ​នៅ​កម្ពុជា ​មិន​មែន​ត្រឹម​តែ​នៅ​ក្នុង​ខែមីនា​ ឆ្នាំ​២០១៧​នោះ​ទេ គឺ​ចាប់​ផ្ដើម​សិក្សា​តាំង​ពី​ ២ទៅ​៣​ឆ្នាំ​មុន​ ដូច​ជា​ការ​សិក្សាទៅ​លើ​សក្ដានុពល​ទី​ផ្សារ សិក្សា​ទៅ​លើ​តម្រូវ​ការ ភាព​ខ្វះ​ចន្លោះ​​ចំពោះ​ទី​ផ្សារ​ធនាគារ​នៅ​ស្រុក​ខ្មែរ ហើយ​ចំពោះ​ការ​សម្រេច​ចិត្ត​ថា​មក​ស្រុក​ខ្មែរ​គឺ​ដោយ​សារ​តែ​យើង​បាន​ស្គាល់​ពី​ស្ថាន​ភាព​ទី​ផ្សារ​ខ្លះៗ​របស់​ធនាគារ​នៅ​ស្រុក​ខ្មែរ។ ជាក់​ស្ដែង​ធនាគារ​​ BRED គឺ​ធ្លាប់​មាន​ភាគហ៊ុន​នៅ​ក្នុង​ធនាគារ​អេស៊ីល៉ីដា ហើយ​ទន្ទឹម​នឹង​នោះ​ដែរ ​បើ​យើង​មើល​ពី​សក្ដានុពល​ទីផ្សារ ​មើល​ទៅ​លើ​ធនាគារ​ ​មាន​ច្រើន​ ប៉ុន្តែ​ចំពោះ​ធនាគារ​ដែល​មាន​លក្ខណៈ​ស្ដង់ដារ​អន្តរជាតិ​ ​នៅ​មាន​ចន្លោះ​ខ្វះខាត ដូច្នេះ​ធនាគារ​យើង​នៅ​មើល​ឃើញ​ពី​សក្ដានុពល​ទី​ផ្សារ​ដែល​អាច​ឲ្យ​យើង​វិនិយោគ​នៅ​ស្រុក​ខ្មែរ​បាន។

BizKhmer៖ សម្រាប់​ក្របខ័ណ្ឌ​ទីផ្សារ​ក្រៅ​ប្រទេស​នៃ​ការ​វិនិយោគ​របស់​ តើ​កម្ពុជា​ជា​ប្រទេស​ទី​ប៉ុន្មាន​ដែរ?
លោក មិន សុផា៖ សម្រាប់​ការ​វិនិយោគ​ក្រៅ​ប្រទេស​របស់​Bred Bank​គឺ​កាល​ពី​៦​ឆ្នាំ​មុន​ ធនាគារ​បាន​ចាប់​ផ្ដើម​នៅ​ប្រទេស​ឡាវ ក្រោយ​មក​នៅ​ប្រទេស​​កម្ពុជា ហើយ​យើង​ក៏​មាន​នៅ​ប្រទេស​ថៃ​ក្រោម​រូបភាព​​ជា​មូលដ្ឋាន​នៃ​​ក្រុម​បច្ចេកវិទ្យា(IT) ​របស់ BRED Bank ​ទាំង​អស់​គឺ​នៅ​ទី​នោះ BRED ក៏​មាន​ការិយាល័យ​តំណាង​នៅ​ភូមា​ដែល​កំពុង​តែ​ធ្វើ​ការ​សិក្សា​ដើម្បី​ទទួល​បាន​សិទ្ធិ​​ពេញលេញ​នៅ​ទី​នោះ​ ទន្ទឹម​នឹង​នោះ​ក៏​មាន​នៅ​តំបន់​ប៉ាស៊ីហ្វិក ​និង​ប្រទេស​អាហ្រ្វិក​មួយ​ចំនួន​ទៀត​ផង​ដែរ។

BizKhmer៖ តើ​លោក​អាច​ជម្រាប​ពី​ទិដ្ឋភាព​រួម​បាន​ទេ​ពី​ការ​ប្រកួត​ប្រជែង ថា​តើ​វា​មាន​ទំហំ​ប៉ុណ្ណា​ចំពោះ​ក្របខណ្ឌ​​ធនាគារ​ពាណិជ្ជ​ក្នុង​ស្រុក​និង​ប្រភេទ​ដែល​ផ្ដល់​សេវាកម្ម​លក្ខណៈ​ស្ដង់ដាអន្តរជាតិ​?
លោក មិន សុផា៖ បើ​និយាយ​ពី​ចំនួន​ធនាគារ​សព្វ​ថ្ងៃ​ គឺ​មាន​ប្រមាណ​ជា​ជាង ​៥០​ ​ទាំងធនាគារ​ពាណិជ្ជ​​និង​គ្រឹះស្ថាន​មីក្រូ​ហិរញ្ញវត្ថុ​ ដូច្នេះ​ចំពោះ​ការ​ប្រកួត​ប្រជែង​​ មាន​លក្ខណៈ​តានតឹង​ ហើយ​ចំពោះ​ការ​ប្រកួត​ប្រជែង​លក្ខណៈ​ស្ដង់ដា​រនិង​ទំនុក​ចិត្ត​គឺ​នៅ​មាន​ចន្លោះ​ខ្វះ​ខាត​នៅ​ឡើយ សម្រាប់​ធនាគារ BRED គឺ​យើង​បង្កើត​ឡើង​ មាន​គោល​ការណ៍​សំខាន់ ​៥​ចំណុច​គឺ ទី១ ធនាគារ​គឺ​ជា​ដៃ​គូ ជាមួយ​អតិថិជន​មិន​មែន​គ្រាន់​តែ​ឲ្យ​លុយ​គេ​ខ្ចី​ ឬ​ក៏​ទទួល​លុយ​គេ​ផ្ញើរ​គឺ​ចប់​នោះ​ទេ គឺ​យើង​មាន​ការ​រៀប​ចំ​រវាង​ប្រធាន​ធនាគារ​នាយក​សាខា ​ប្រធាន​ទំនាក់​ទំនង​នានា​ដែល​មាន​សមត្ថភាព និង​បទពិសោធន៍​ឲ្យ​ធ្វើ​ការ​ជា​មួយ​អតិថិជន​ដើម្បី​ឲ្យ​គាត់​យល់​ពី​តម្រូវ​ការ​របស់​អតិថិជន ទី២ កត្តា​តម្លៃ​ Fair Price គឺ​អត្រា​ការ​ប្រាក់​ចំពោះ​ធនាគារ​គឺ​រកស៊ី​ដាក់​នៅ​លើ​តុ​មិន​មែន​លាក់​ចុះ​ឡើង​ទេ ទី ៣ ​ធនាគារ​បើក​ទ្វា​ពី​ម៉ោង​ ៨​ព្រឹក​ដល់​ម៉ោង ​៨យប់ ដែល​ទន្ទឹម​នោះ​ធនាគារ​ភាគ​ច្រើន​គឺ​បើក​ត្រឹម​ម៉ោង​៨ព្រឹក​ដល់​ម៉ោង​៤ ទី៤​សេវា​កម្ម​កញ្ចប់​និង​ទូលំ​ទូលាយ​ និង​មាន​ផលិតផល​មាន​គ្រប់​ប្រភេទ​។

BizKhmer៖ ចំពោះ​ការ​វិនិយោគ​នៅ​ស្រុក​ខ្មែរ ពាក់​ព័ន្ធ​នឹង​​ការ​វិនិយោគ​ តើ​ជា​របស់ ​BRED Bankទាំង​ស្រុង​ឬ​ក៏មាន​ភាគហ៊ុននិក​​ផ្សេងទៀត​ ហើយ​ក្នុង​នោះ​​ធនាគារ​ត្រៀម​​មូល​ធន​សរុប​ប៉ន្មាន​ដែរ​សម្រាប់​កម្ពុជា?
លោក មិន សុផា៖ ចំពោះ​ដើម​ទុន​វិនិយោគ​ គឺ​ជា​របស់ ​​BRED Bank​ ទាំង​ស្រុង​ ហើយ​បើ​តាម​ច្បាប់​ធនាគារ​ជាតិ​នៅ​ស្រុក​ខ្មែរ​គឺ​ត្រូវ​ការ​មូលធន​ចំនួន​ ៧៥​លាន​ដុល្លារ​​អាមរិក​សម្រាប់​ធ្វើ​ជា​ដើម​ទុន​ ចំពោះ​ការ​ចាប់​ផ្ដើម​ដំបូង​របស់​យើង គឺ​ចាប់​ផ្ដើម​ត្រឹម​ដើម​ទុន​ ៥០​លាន​ដុល្លារ​​ទេ​បើ​យើង​និយាយ​ពី​ល័ក្ខខណ្ឌ​ដើម​ទុន​ ទន្ទឹម​នឹង​នោះ​ដោយ​សារ​តែ​តម្រូវ​ឲ្យ​ត្រូវ​ទៅ​តាម​ល័ក្ខខណ្ឌ​ធនាគារ​គឺ​យើង​ត្រូវ​វិនិយោគ​ដើម​ទុន​ ៧៥លាន​ដុល្លារ ប៉ុន្តែ​មិន​មែន​ត្រឹម​តែ​ដើម​ទុន​ប៉ុណ្ណឹង​នោះ​ទេ យើង​មាន​ច្រើន​ជាង​នេះ​​ ព្រោះ​ដោយ​សារ​តែ​ពួក​យើង​មក​នេះ​ក្រោម​រូបភាព​ជា​កូន​របស់​ធនាគារ​ BRED នៅ​ទី​ក្រុង​ប៉ារីស​ប្រទេស​បារាំង​។

BizKhmer៖ ចំពោះ​គម្រោង​សម្រាប់​ថ្ងៃ​អនាគត​របស់ BRED Bank​តើ​នឹង​ពង្រីក​សាខា​ដល់ ​២៥ខេត្ត​ក្រុង​ឬ​យ៉ាង​ណា?
លោក មិន សុផា៖សម្រាប់​ទស្សនៈ​វិស័យ​រយៈ​ពេល​ខ្លី​ នៅ​ក្នុង​គម្រោង​ដែល​យើង​បាន​អនុវត្តន៍ ​គឺ​អាច​ខ្ទង់​ពី​១៥​ទៅ​២០​សាខា​នៅ​ក្នុង​២ទៅ​៣​ឆ្នាំ​ខាង​មុខ​។
BizKhmer៖ តើ​  BRED Bank មាន​កំណត់​វិស័យ​ណា​មួយ​ជា​ វិស័យ​គោលដៅ​សម្រាប់​ការ​ផ្ដល់​សេវាកម្ម​របស់​ខ្លួន​ឬ​ទេ?
លោក មិន សុផា៖ ជា​ទូទៅ ​សម្រាប់​វិស័យ​ធនាគារ​ បើ​និយាយ​រឿង​ផ្ដោត​ទៅ​លើ​វិស័យ​ណា​មួយ​នោះ គឺ​​យើង​ផ្ដោត​ទៅ​លើ​វិស័យ​ណា​ដែល​គាំទ្រ​ទៅ​នឹង​លក្ខខណ្ឌ​សេដ្ឋ​កិច្ច​របស់​ប្រទេស ហើយ​ក្នុង​នោះ​គឺ​យើង​ផ្ដោត​ទៅ​លើ​វិស័យ​កសិកម្ម​ការ​នាំ​ចេញ​ស្រូវ​អង្ករ វិស័យ​ទេសចរណ៍ ក្នុង​នោះ​​ដែរសម្រាប់​ផលិតកម្ម​ក្នុង​ស្រុក វិស័យ​កាត់ដេរ និង​វិស័យ​ផលិតកម្ម​ផ្សេងៗ​ជា​ដើម ប៉ុន្តែ​មិន​មែន​មាន​ន័យ​ថា​ យើង​ផ្ដោត​តែ​ទៅ​លើ​សំខាន់​ទាំង​នោះ​ទាំង​ស្រុង​នោះ​ទេ គឺ​សំខាន់​ឲ្យ​តែ​វិស័យ​នោះ​មាន​សក្ដានុពល។

BizKhmer៖ តើ​លោក​អាច​ប្រាប់​ពី​ទំហំ​ឥនទាន​សរុប​របស់​ធនាគារ​បាន​​ដែរ​ឬ​ទេ?
លោក មិន សុផា៖ តាម​ពិត​ទៅ ​ទំហំ​សាច់​ប្រាក់​ទាំង​អស់​នោះ​ វា​ស្ថិត​នៅ​ក្នុង​ផែន​ការ បើ​មើល​​ទៅ​គឺ​ថា​ គិត​ចាប់​ពី​ខែ​​៩​នេះ ​គឺ​មាន​ទំហំ​ប្រហែល​ ១០០លាន​ ហើយ​សម្រាប់​ការ​សម្លឹង​មើល​ដើម​ទុន​អាច​កើន​ដល់​១៥០​លាន​នៅ​បំណាច់​ឆ្នាំ​នេះ​៕


ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

រស់ម៉េចបានយូរ បើបារម្ភខ្លាចតែខុសនោះ

គន្លះយកឈ្នះលើខ្លួនឯង មិនបាច់គេប្រាប់

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

ឧបករណ៍បំពងសម្លេង XBOOM របស់ក្រុមហ៊ុន LG ជាឧបករណ៍ មានអានុភាពដ៏អស្ចារ្យជាងឧបករណ៍ដ៏ទៃ

សេវាកម្មគ្រប់គ្រង Facebook Page សម្រាប់​អាជីវកម្មរបស់អ្នក! ល្បីជាងមុន! លក់ដាច់ជាងមុន

BRED Bank ​សម្ពោធ​សាខា​ថ្មី​បន្ថែម ​១ទៀត​នា​ទឹក​ដី​​សៀមរាបអង្គរ

ស្រាបៀរ HEINEKEN® និង EDM CAMBODIA នឹងរៀបចំកម្មវិធី“AFTERLIFE: DAY OF THE DEAD”

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031