អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ទម្លាប់​ល្អៗ ​៤​យ៉ាង​ដែល​អ្នក​ត្រូវ​ធ្វើ​​​​រៀងរាល់​​ព្រឹក​​ ​ដើម្បី​ឲ្យ​ជីវិត​របស់​អ្នក​​ល្អប្រសើរ​!

ទម្លាប់​ល្អៗ ​៤​យ៉ាង​ដែល​អ្នក​ត្រូវ​ធ្វើ​​​​រៀងរាល់​​ព្រឹក​​ ​ដើម្បី​ឲ្យ​ជីវិត​របស់​អ្នក​​ល្អប្រសើរ​!

រូបតំណាងអំពីទម្លាបល្អពេកព្រឹក

ពេលព្រឹក គឺជាវេលាដ៏សំខាន់មួយសម្រាប់មនុស្សគ្រប់គ្នា ព្រោះជាទូទៅបើមានបញ្ហាអ្វីមួយកើតឡើងនៅ នោះ វានឹងមានឥទ្ធិពលមិនល្អសឹងតែមួយថ្ងៃក៏មាន។ ដូច្នេះហើយសម្រាប់អ្នកដែល មានទម្លាប់ល្អនៅពេលព្រឹក ពួកគេនឹងផ្តល់ប្រយោជន៍ជាច្រើន ទាំងសុខភាពផ្លូវចិត្ត រាងកាយ និង ការងារ។

អ្នកគួរបង្កើតទម្លាប់ល្អៗទាំងនេះនៅពេលព្រឹក៖

១) ក្រោកពីព្រលឹម៖ការក្រោកពីព្រឹកព្រលឹមគឺពិតជាចាំបាច់បំផុត ព្រោះវាជួយឲ្យអ្នកអាចមានពេលគ្រប់គ្រាន់ក្នុងការរៀបចំ ការងារដែលចាំបាច់សម្រាប់ធ្វើក្នុងមួយថ្ងៃ។ ប៉ុន្តែប្រសិនបើអ្នកគេងយូរ វានឹងធ្វើឲ្យអ្នកគ្មានពេលវេលាគ្រប់គ្រាន់ក្នុងការរៀបចំខ្លួន សូម្បីតែបរិភោគអាហារពេលព្រឹក។ ដូច្នេះហើយគួរបណ្ដុះទម្លាប់ ក្រោកពីគេងឲ្យបានពីព្រលឹមជារៀងរាល់ថ្ងៃ ដើម្បីឲ្យជីវិតកាន់តែប្រសើរ។

២) ហាត់ប្រាណ៖ការធ្វើលំហាត់ប្រាណ គឺពិតជាមិនអាចខ្វះបាននោះឡើយសម្រាប់មនុស្សគ្រប់រូប ព្រោះវាជួយឲ្យមានសុខភាពល្អ និង មានអារម្មណ៍ស្រស់ស្រាយ ដែលអាចបន្តធ្វើការងារ ឬ សិក្សាបានពេញមួយថ្ងៃ។ ដូច្នេះហើយអ្នកមិនគួរខ្ជិលហាត់ប្រាណនោះឡើយ ព្រោះវាជាទម្លាប់ល្អនៅពេលព្រឹកដែលមិនអាចខ្វះបាន។

៣) បរិភោគអាហារពេលព្រឹក៖ដោយសារតែក្រោកពីដំណេកយឺត មនុស្សមួយចំនួនមិនសូវយកចិត្តទុកដាក់លើការបរិភោគអាហារនៅពេលព្រឹក។ អាហារពេលព្រឹកគឺ ពិតជាសំខាន់សម្រាប់រាងកាយ និង ខួរក្បាលព្រោះអ្នកនឹងមិនអាចមានកម្លាំងគ្រប់គ្រាន់ក្នុងការធ្វើការងារ ឬសិក្សាបានយ៉ាងល្អនោះឡើយប្រសិនបើគ្មានអាហារនៅក្នុងពោះ។ ដូច្នេះហើយ ទោះរវល់ប៉ុណ្ណាក៏ដោយមិនគួរមើលរំលងអាហារពេលព្រឹកឡើយ ទោះតិចក្តីច្រើនក្តីគឺត្រូវតែបរិភោគជាប្រចាំ។

៤) អាន ឬ ស្តាប់ព័ត៌មាន៖ជារៀងរាល់ព្រឹក មុនពេលចាប់ផ្តើមធ្វើការ អ្នកគួរតែឆ្លៀតពេលស្តាប់ឬ អានព័ត៌មានសំខាន់ៗជាមុនសិន ដើម្បីដឹងអំពីស្ថានការណ៍ជាក់ស្តែងក្នុងសង្គម។ ការអាន និងស្តាប់ព័ត៌មាននេះនឹងជួយឲ្យអ្នកក្លាយជាមនុស្សដែលដឹងនូវរឿងរ៉ាវជាច្រើនដែលបានកើតឡើង ហើយក៏មានប្រយោជន៍ក្នុងការប្រើប្រាស់ជាប្រយោជន៍ទាំងផ្នែកសិក្សា និង ការងារ។ ដូច្នេះហើយ អ្នកមិនគួរមើលរំលងទម្លាប់ដ៏ល្អមួយនេះឡើយ៕

ដោយ៖ អ៊ុន ភក្តី
ប្រភព៖ www.forbes.com, www.lifehack.org & bembu.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ជំនាញ​សំខាន់​ៗ​ទាំង​ ៦​ របស់​គណនេយ្យករ​ ​Skill Set of Accountant?​ ដឹង​ថា​មាន​អ្វី​ខ្លះ​អត់?​

អ្នក​និពន្ធ​​ដ៏​ល្បី​ លោក​ ​​សន  ខូវិយ៍ (Sean Covey)៖ ​ទម្លាប់​អាក្រក់​៧​យ៉ាង​ ​​ធ្វើ​ឲ្យ​យុវជន​​​រក​មិន​ឃើញ​ភាព​ជោគជ័យ​ក្នុង​ជីវិត

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728