អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

ខឹង​ខុស​ខឹង​ខាត៖ ​​ទោះបី​ជា​ខឹង​ប៉ុណ្ណា​ក៏​ដោយ​ ​សូម​កុំ​ធ្វើ​រឿង​​ទាំង​នេះ​ឲ្យ​សោះ​​

ប្រ​ភព៖​​ pixabay.com

លោក Thomas Jefferson បិតាស្ថាបនិករបស់សហរដ្ឋអាមេរិកបាន​លើកឡើងថា៖ «​បើ​អ្នក​ខឹង​ល្មម​ៗ អ្នក​គួរ​រាប់​លេខ​ឲ្យ​ដល់​១០ រួច​សឹម​និយាយ តែ​បើ​ខឹង​ខ្លាំង​ដល់​កំពូល​ហើយ គួរ​រាប់​ឲ្យ​ដល់​លេខ​​១០០ រួច​ចាំ​និយាយ»។ វា​គឺ​ជា​ឃ្លាដ៏​មាន​ន័យ​បំផុត ព្រោះ​ថា អ្នក​អាច​ឲ្យ​ពេលវេលា​មក​ធ្វើ​ឲ្យ​អារម្មណ៍​ល្អ​វិញ​បាន តែ​អ្នក​មិន​អាច​ឲ្យ​ពេលវេលា មក​ជួសជុល​ពាក្យ​ដែល​អ្នក​បាន​និយាយ​ទាំង​កំហឹង​នោះ កើត​ទេ។ ខាង​ក្រោម​នេះ​ជា​អ្វី​ដែល​អ្នក​គួរ​ដឹង ថា​តើ​ពេល​ខឹង​មិន​គួរ​ធ្វើ​អ្វី​ខ្លះ​៖

១) លាក់​អារម្មណ៍​ខឹង​៖ កុំ​ព្យាយាម​លាក់​កំហឹង​ ដែល​អ្នក​មាន ព្រោះ​ថា​ វា​មិន​ល្អ​ឡើយ​សម្រាប់​សុខភាព។ ការ​សិក្សា​មួយ​បាន​បង្ហាញ​ថា « អ្នក​ងាយ​នឹង​ប្រឈម​មុខ​ នឹង​ជំងឺ​បេះដូង បើ​ អ្នក​ចូលចិត្ត​បៀម​ទុក្ខ និង​លាក់​អារម្មណ៍​ខឹង​។»

២) ចូល​គេង​ទាំង​ចិត្ត​នៅ​ខឹង​៖ តាម​ពិត​ទៅ ចូល​គេង​ទាំង​ខ្លួន​មិន​ទាន់​បាត់​ខឹង គឺ​វា​កាន់​តែ​ធ្វើ​ឲ្យ​កំហឹង​អ្នក​​ងំ​​លើស​ដើម​។ ហេតុ​នេះ​ហើយ បើ​អ្នក​​នៅ​មាន​​កំហឹង អ្នក​គួរ​និយាយ​គ្នា​ដោះស្រាយ​​បញ្ហា​ឲ្យ​បាន​ហើយ ឬ​មួយ​ទៅ​ធ្វើ​អ្វី​មួយ​ដើម្បី​រំសាយ​កំហឹង​ឲ្យ​បាត់​សិន​ទៅ​ទើប​ល្អ​។

៣) កុំ​បន្ត​ការ​ឈ្លោះ​គ្នា​ទៀត​៖ មនុស្ស​ដែល​ខឹង គឺ​និយាយ​តាម​តែ​ចិត្តខឹង​ទេ។ ហេតុ​នេះ​ហើយ​បើ​អ្នក​នៅ​មាន​ចិត្ត​ខឹង​នៅ​ឡើយ កុំ​បន្ត​ការ​ឈ្លោះ​គ្នា​ទៅ​មុខ​ទៀត​អី។ ពេល​ខ្លះ​អ្នក​អាច​ធ្លោយ​មាត់​និយាយ​អ្វី​ដែល​អ្នក​មិន​គួរ​និយាយ​​ក៏​ថា​​បាន​។

៤​​) កុំ​ឲ្យ​ចិត្ត​បិសាច​មក​ក្រប​ដណ្ដប់​អ្នក​បាន​៖ រាល់​ពេល​ដែល​អ្នក​ខឹង​អ្វី​មួយ អ្នក​គួរ​រៀន​ប្រាប់​ខ្លួន​ឯង​ថា ក្នុង​នាម​អ្នក​ជា​មនុស្យ​ម្នាក់​​ដែរ អ្នក​មិន​គួរ​ណា​ឲ្យ​ចិត្ត​បិសាច​មក​បញ្ជា​អ្នក​ និង​គ្រប​ដណ្ដប់​អ្នក​បាន​​ស្រួល​យ៉ាង​នេះ​ទេ។

៥) កុំ​ព្យាយាម​នៅ​តែ​ម្នាក់​ឯង​អី​៖ កុំ​ព្យាយាម​នៅ​តែ​ឯង អ្នក​គួរ​រក​មិត្ត​ គ្រួសារ​ឬ​ក៏​អ្នក​ណា​ក៏​បាន​ដើម្បី​និយាយ​ពី​កំហឹង​ដែល​អ្នក​មាន ដើម្បី​ឲ្យ​វា​បាន​ធូរ​ខ្លះ​។ ថា​មិន​បាន​ពួក​គេ​អាច​​ជួយ​ដោះ​ស្រាយ​បញ្ហា​អ្នក​ឲ្យ​ធូរ​ស្រាល​ជាង​មុន​ទៀត​ក៏​ថា​បាន​។

៦) កុំ​ដាច់​ចិត្ត​សេព​គ្រឿង​ស្រវឹង ៖ វា​ហាក់​ដូច​ជា​ដាក់​សម្ពាធ ហើយ​ធ្វើ​បាប​ខ្លួន​ជាង​មុន​ទៀត។ អ្នក​មិន​អាច​ពិបាក​ទាំង​ចិត្ត ហើយ ខាត​​សុខភាព​ហើយ អស់​ថវិកា​ទៀត​នោះ​ទេ។ នេះ​គេ​ហៅ​ថា ទុក្ខ​លើ​ទុក្ខ​ហើយ​៕

ប្រែ​សម្រួល៖ ព្រំ សុវណ្ណកណ្ណិកា
ប្រភព៖ www.chasejarvis.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

នីតិវិធី​គយ​ក្នុងការ​នាំចូល​ទំនិញ​តាមផ្លូវ​គោក ​លោក​អ្នក​គួរ​ស្វែង​យល់​បើ​ចង់​រក​ស៊ី​នាំ​​ចូល​ទំនិញ!

គន្លឹះ៤​​យ៉ាង​ ​ដើម្បី​​រៀប​ចំ​​ផែនការ​ដែលជួយ​ឲ្យ​អ្នក​រៀន​ឆាប់​ចេះ​និង​ពូកែ​ជាង​មុន

តើត្រូវធ្វើដូចម្តេចខ្លះដើម្បីទទួលបានលិខិតអនុញ្ញាតប្រកបអាជីវកម្ម-សេវាកម្ម សម្រាប់អាជីវកម្មថ្មី?

អត្ថបទពាណិជ្ជកម្ម​

ព្រឹត្តិការណ៍តាំងពិព័រណ៍អចលនទ្រព្យដ៏ធំសម្បើមរបស់កម្ពុជានឹងវិលមកវិញជាថ្មីនៅខែក្រោយ

អ្នក​បន្ទាយ​មានជ័យ​ជួបគ្នា​នៅ «សិក្ខាសាលាអាជីវកម្ម ខ្នាតតូច និង មធ្យម» នៅ​ថ្ងៃ​ទី២៩ កញ្ញា

អេ អឹម ខេ លើកកម្ពស់ស្រ្តី៖ ជាង​ ៨០% នៃ​អ្នក​កម្ចី​សរុបគឺ​ជា​ស្ត្រី

កម្មវិធី​សន្និសីទ​​ក្រោម​ប្រធាន​បទ “ត្រៀម​សម្រាប់​ដំណើរ​ផ្លូវ​ដ៏វែង​ឆ្ងាយ”

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930