អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ស្វែងយល់អំពីនីតិវិធីក្នុងការបើកអាជីវកម្មនៅកម្ពុជា

ស្វែងយល់អំពីនីតិវិធីក្នុងការបើកអាជីវកម្មនៅកម្ពុជា

ប្រ​ភព៖​​

ដូចដែលលោកអ្នកបានស្វែងយល់រួចមកហើយ នៅក្នុងអត្ថបទសែ្វងយល់ពីច្បាប់ពាណិជ្ជកម្មនៅ កម្ពុជា (ភាគទី ២) ក្រុមហ៊ុនអាចត្រូវបានបង្កើតឡើងក្នុងទម្រង់មួយចំនួនដូចជា ក្រុមហ៊ុនសហកម្មសិទ្ធិ ក្រុមហ៊ុនមូលធន និង ក្រុមហ៊ុនពាណិជ្ជកម្មបរទេស។ នៅក្នុងអត្ថបទនេះ លោកអ្នកនឹងបានស្វែងយល់ អំពីនីតិវិធីក្នុងការបើកអាជីវកម្មនៅកម្ពុជា។ ខាងក្រោមនេះ គឺជាជំហានសំខាន់ៗក្នុងការកិច្ចនីតិវិធី ដែល ត្រូវអនុវត្តដើម្បីបង្កើតអាជីវកម្មស្របច្បាប់មួយ៖
ជំហានទី ១៖ ការចុះបញ្ជីពាណិជ្ជកម្ម
ការចុះបញ្ជីពាណិជ្ជកម្មគឺជាកាតព្វកិច្ចដែលកំណត់ដោយច្បាប់ ហើយនេះគឺជាកិច្ចការដំបូងបំផុត ដែលពាណិជ្ជករចាំបាច់ត្រូវតែបំពេញ។ យោងទៅលើច្បាប់ស្តីពីវិធានពាណិជ្ជកម្ម និង បញ្ជីពាណិជ្ជកម្ម យ៉ាងតិចបំផុតដប់ប្រាំ (១៥) ថ្ងៃ មុនពេលចាប់ផ្តើមបើកធ្វើពាណិជ្ជកម្មរបស់ខ្លួន ពាណិជ្ជករ ត្រូវចុះ ឈ្មោះក្នុងបញ្ជីពាណិជ្ជកម្មនាកន្លែងដែលខ្លួនធ្វើអាជីវកម្ម។
បន្ថែមលើនេះទៅទៀត ផ្អែកទៅលើប្រកាសលេខ ២១៣ ចុះថ្ងៃទី ២៤ ខែ មិថុនា ឆ្នាំ ២០១៦ របស់ក្រសួងពាណិជ្ជកម្ម រាល់សហគ្រាសទាំងអស់ដែលមានបំណងប្រកបពាណិជ្ជកិច្ចនៅកម្ពុជា តម្រូវឱ្យ ធ្វើការចុះបញ្ជីពាណិជ្ជកម្ម តាមរយៈប្រព័ន្ធស្វ័យប្រវត្តកម្ម (Automation System)។
ជំហានទី ២៖ ការចុះបញ្ជីពន្ធដារ
ផ្អែកទៅលើច្បាប់ស្តីពីពន្ធដារ និង ប្រកាសស្តីពីការចុះបញ្ជីពន្ធដារ រាល់សហគ្រាសទាំងឡាយ ដែលមានបំណងប្រកបពាណិជ្ជកិច្ចនៅកម្ពុជា តម្រូវឱ្យធ្វើការចុះបញ្ជីពន្ធដារនៅរដ្ឋបាលសារពើពន្ធក្នុង រយៈពេលដប់ប្រាំ (១៥) ថ្ងៃនៃថ្ងៃធ្វើការ បន្ទាប់ពីចាប់ផ្តើមសកម្មភាពអាជីវកម្ម ឬ បន្ទាប់ពីទទួលបាន វិញ្ញាបនបត្របញ្ជាក់ការចុះបញ្ជីពាណិជកម្មពីក្រសួងពាណិជ្ជកម្ម។
ជំហានទី ៣៖ ការចុះបញ្ជីការងារ
ក្រោមច្បាប់ស្តីពីការងារ សហគ្រាសដែលធ្វើអាជីវកម្ម និងជួលបុគ្គលិកនៅក្នុងប្រទេសកម្ពុជា ត្រូវចុះបញ្ជីជាមួយក្រសួងការងារ និង បណ្តុះបណ្តាលវិជ្ជាជីវៈ ក្នុងរយៈពេលសាមសិប (៣០) ថ្ងៃ បន្ទាប់ ពីថ្ងៃចាប់ផ្តើមដំណើរការអាជីវកម្ម ប្រសិនបើសហគ្រាសនោះ ប្រើប្រាស់កម្មករនិយោជិតតិចជាង ៨ នាក់ និង មិនប្រើគ្រឿងម៉ាស៊ីន។ ចំពោះសហគ្រាសដែលប្រើកម្មករនិយោជិតចាប់ពី ៨ នាក់ឡើងទៅ តម្រូវឱ្យ ចុះបញ្ជីនៅក្រសួងការងារ និង បណ្តុះបណ្តាលវិជ្ជាជីវៈ នៅមុនពេលដំណើរការសហគ្រាស។
ជំហានទី ៤៖ ការស្នើសុំអាជ្ជាប័ណ្ណ ឬ លិខិតអនុញ្ញាតពីក្រសួង ឬស្ថាប័នពាក់ព័ន្ធ
ជាការពិតណាស់ នៅក្នុងប្រព័ន្ធទីផ្សាសេរី (Free Market System) សហគ្រាសអាចត្រូវបាន បង្កើតឡើងនៅក្នុងគោលបំណងអាជីវកម្មជាច្រើនផ្សេងៗគ្នា។ ជាឧទាហរណ៍ សហគ្រាសមួយត្រូវបាន បង្កើតឡើងក្នុងគោលបំណងសាងសង់ខុនដូ (Condominiums) សម្រាប់លក់ ឬជួល បន្ទាប់ពីបានចុះ បញ្ជីនៅក្រសួងពាណិជ្ជកម្ម រដ្ឋបាលសារពើពន្ធ និង/ឬ ក្រសួងការងាររួចរាល់ហើយ សហគ្រាសនោះ ចាំបាច់ត្រូវស្នើសុំលិខិតអនុញ្ញាតសាងសង់ពីក្រសួងរៀបចំដែនដី នគរូបនីយកម្ម និង សំណង់ ដើម្បីអាច ធ្វើប្រតិបត្តិការសាងសង់បាន។ នីតិវិធីលម្អិត និង ឯកសារតម្រូវសម្រាប់ជំហាននីមួយៗ នឹងមានរៀបរាប់ នៅក្នុងអត្ថបទជាបន្តបន្ទាប់ទៀត។
ដោយ៖ ប៉ុម ទូច

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31