អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ចំណីអាហារ ៤ប្រភេទដែលអាចមានប្រយោជន៍សម្រាប់បង្កើនថាមពលខួរក្បាល និងការចងចាំរបស់អ្នក

ចំណីអាហារ ៤ប្រភេទដែលអាចមានប្រយោជន៍សម្រាប់បង្កើនថាមពលខួរក្បាល និងការចងចាំរបស់អ្នក

ដើម្បី​ឲ្យ​ខួរក្បាល​របស់​អ្នក​មាន​ថាមពល និង​អាច​ផ្ចង់​ស្មារតី​ធ្វើ​កិច្ចការ​អ្វីមួយ​ប្រកប​ដោយ​ប្រសិទ្ធភាព​បាន នោះ​អាហារ​ដែល​អ្នក​បរិភោគ​ប្រចាំ​ថ្ងៃ​ក៏​បាន​ចូលរួម​ចំណែក​សំខាន់​នៅ​ក្នុង​កិច្ចការ​នេះ​សម្រាប់​ខួរក្បាល​អ្នក​ដែរ។ ខាងក្រោម​នេះ​នឹង​រៀបរាប់​អំពី​ចំណី​អាហារ​ដែល​អ្នក​គួរ​ទទួលទាន​សម្រាប់​បង្កើន​ថាមពល​ខួរក្បាល​និង​ការ​ចងចាំ​របស់​អ្នក៖

១) គ្រាប់​ល្ពៅ៖ គ្រាប់​ធញ្ញជាតិ​ប្រភេទ​នេះ​មាន​សារធាតុ​ប្រឆាំង​នឹង​អុកស៊ីតកម្ម ដែល​មាន​សមត្ថភាព​ជួយ​ការពារ​ខួរក្បាល​និង​រាងកាយ​របស់​អ្នក​ពី​ពពួក​រ៉ាឌីកាល់​សេរី ហើយ​វា​ក៏​ជា​ប្រភព​អាហារ​ដ៏​ល្អ​បំផុត​មួយ​សម្រាប់​ឲ្យ​អ្នក​ទទួល​បាន​នូវ​ជាតិ​ម៉ាញេស្យូម ស័ង្កសី ទង់ដែង និង​ជាតិ​ដែក​ផង​ដែរ។ ជីវជាតិ​បំប៉ន​ទាំងនេះ​សុទ្ធតែ​ជួយ​ដល់​ការ​ចងចាំ​របស់​អ្នក និង​ជួយ​ទប់ស្កាត់​ជំងឺ​ទាំងឡាយ​ដែល​មាន​ទំនាក់ទំនង​ជាមួយ​នឹង​ប្រព័ន្ធ​ប្រសាទ​ខួរក្បាល​និង​ដំណើរការ​របស់​វា។

បានអានឬនៅ ? តើអាហារអ្វីខ្លះដែលមិនល្អសម្រាប់ខួរក្បាលរបស់អ្នកទាល់តែ​សោះ?

២) រមៀត៖ រមៀត​តែងតែ​ត្រូវ​បាន​គេ​ប្រើប្រាស់​ជា​គ្រឿងផ្សំ​សម្រាប់​មុខ​ម្ហូប​សម្ល​ការី។ ប៉ុន្តែ គ្រឿង​ទេស​នេះ​ក៏​មាន​អត្ថប្រយោជន៍​ផង​ដែរ​សម្រាប់​ខួរក្បាល​របស់​អ្នក ហើយ​វា​ត្រូវ​បាន​គេ​រក​ឃើញ​ថា​មាន​ប្រសិទ្ធភាព​អាច​ជួយ​បង្កើន​សមត្ថភាព​ចងចាំ​របស់​អ្នក​ផង​ដែរ។

៣) សាច់​ត្រី៖ សាច់​ត្រី​គឺជា​ប្រភព​នៃ​អាស៊ីដ​ខ្លាញ់​អូមេហ្កា៣។ ខួរក្បាល​របស់​អ្នក​ត្រូវការ​វា​ដើម្បី​ផលិត​កោសិកា​ប្រសាទ​ថ្មីៗ ហើយ​អាស៊ីដ​ខ្លាញ់​ទាំងនេះ​ក៏​មាន​ប្រយោជន៍​ដល់​ការ​រៀន​សូត្រ​និង​ការ​ចងចាំ​របស់​អ្នក​ដែរ។ មិនត្រឹមតែ​ចំពោះ​ខួរក្បាល​ប៉ុណ្ណោះ​ទេ តែ​ការ​ទទួលទាន​សាច់​ត្រី​ក៏​មាន​គុណសម្បត្តិ​ច្រើន​យ៉ាង​ទៀត​ចំពោះ​រាងកាយ​របស់​អ្នក​ទាំងមូល។

៤) ផ្លែ​ក្រូច៖ វីតាមីនC​ដែល​មាន​នៅ​ក្នុង​ផ្លែ​ក្រូច អាច​ជួយ​ការពារ​កោសិកា​ខួរក្បាល​របស់​អ្នក​ពី​ការ​ខូចខាត និង​ជួយ​ថែទាំ​សុខភាព​របស់​ខួរក្បាល។ ក្រៅ​ពី​ផ្លែ​ក្រូច អ្នក​ក៏​អាច​ទទួល​បាន​វីតាមីន​នេះ​ពី​ផ្លែ​ប៉េងប៉ោះ ស្ត្រប៊ឺរី ត្របែក គីវី និង​ម្ទេស​ប្លោក​ជាដើម​បាន៕

ដោយ៖​ ស្រីពៅ

អត្ថបទទាក់ទង៖ គុណសម្បត្តិ​នៃ​ការហាត់ប្រាណ ទៅលើដំណើរការណ៍​អភិវឌ្ឍ​ ខួរក្បាល​​មនុស្ស​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31