អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ការសិក្សារបស់​ Harvard៖ ទម្លាប់អាថ៌កំបាំងសាមញ្ញ​ទាំង៥ ដើម្បីឲ្យអ្នករស់បានយូរ

ការសិក្សារបស់​ Harvard៖ ទម្លាប់អាថ៌កំបាំងសាមញ្ញ​ទាំង៥ ដើម្បីឲ្យអ្នករស់បានយូរ

បើយោងតាមការសិក្សាស្រាវជ្រាវថ្មីមួយដែលដឹកនាំដោយសាលាសុខភាពសាធារណៈហាវឺដ (Harvard School of Public Health) ប្រសិនបើអ្នកអាចប្រកាន់ខ្ជាប់នូវទម្លាប់ទាំង ៥ មានជាអាទិ៍ ការញ៉ាំល្អ ធ្វើលំហាត់ប្រាណជាប្រចាំ ការរក្សាទម្ងន់ ការមិនទទួលទានគ្រឿងស្រវឹងច្រើន និងការមិនជក់បារី ពីក្មេងពិតជាអាចបន្ថែមអាយុសង្ឃឹមរស់របស់អ្នករហូតដល់ជាង ១០ឆ្នាំបន្ថែមទៀត។

ក្រុមអ្នកសិក្សាស្រាវជ្រាវនិងក្រុមការងាររបស់សាលាសុខភាពសាធារណៈហាវឺដ (Harvard School of Public Health) បានចំណាយពេល ៣៤ឆ្នាំដើម្បីធ្វើការសិក្សាទៅលើទិន្នន័យពីស្រ្តីអ្នកចូលរួមចំនួន ៧៨ ៨៦៥នាក់ និងចំណាយពេលអស់ ២៧ឆ្នាំទៅលើទិន្នន័យពីអ្នកចូលរួមបុរសចំនួន ៤៤ ៣៥៤នាក់។ អ្នកសិក្សាស្រាវជ្រាវទាំងនោះមានបំណងចង់ដឹងពីទម្លាប់ទាំង ៥ដែលធ្វើឲ្យមានសុខភាពល្អដូចជា ការមិនជក់បារី ការរក្សាទម្ងន់ ការធ្វើលំហាត់ប្រាណយ៉ាងតិច៣០នាទីក្នុងមួយថ្ងៃ ការទទួលទានស្រាក្នុងកម្រិតល្មមក្នុងមួយថ្ងៃ និងរបបអាហារប្រចាំថ្ងៃ មានឥទ្ធិពលយ៉ាងណាចំពោះអត្រាមរណៈរបស់មនុស្ស។

ក្រុមអ្នកសិក្សាស្រាវជ្រាវបានរកឃើញថា ស្រ្តីនិងបុរសជនជាតិអាមេរិកដែលមានទម្លាប់ទាំង៥ខាងលើ មាន៨២% មិនមានការស្លាប់ដែលបណ្ដាលមកពីជំងឺបេះដូង និង៦៥%មិនមានការស្លាប់ដែលបណ្ដាលមកពីជំងឺមហារីកឡើយ ប្រសិនបើប្រៀបធៀបជាមួយនឹងអ្នកដែលមិនសូវមានទម្លាប់ថែរក្សាសុខភាពប្រចាំថ្ងៃល្អ ក្នុងរយៈពេលជាង ៣០ឆ្នាំនៃការធ្វើការសិក្សាស្រាវជ្រាវនោះ។

ការសិក្សាស្រាវជ្រាវនោះក៏បានរកឃើញផងដែរថា អ្នកចូលរួមស្រ្តីដែលបានប្រកាន់ខ្ជាប់នូវទម្លាប់ទាំង ៥ខាងលើបានខ្ជាប់ខ្ជួន មានអាយុរំពឹងទុកកើនឡើងដល់ ១៤ឆ្នាំ ហើយបុរសអាចកើនដល់ ១២ឆ្នាំ ប្រសិនបើធៀបទៅនឹងអ្នកចូលរួមដែលមិនសូវមានទម្លាប់ថែរក្សាសុខភាពឲ្យបានល្អ។ ដូចនេះ ការសិក្សាស្រាវជ្រាវនេះបានរកឃើញថា វាពិតជាមានទំនាក់ទំនងរវាងទម្លាប់រស់នៅប្រចាំថ្ងៃល្អ និងការកាត់បន្ថយហានិភ័យនៃការស្លាប់មុនអាយុ និងជួយពន្យាអាយុស្លាប់របស់មនុស្សពិតប្រាកដមែន៕

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មូលហេតុ​៥​យ៉ាង​ ដែល​បុគ្គលិក​ទ្រាំ​​លែង​បាន​​ ហើយ​សម្រេច​​​លាឈប់​ពី​ក្រុមហ៊ុន​​

សញ្ញា ​៦​យ៉ាង​ ​ដែល​បញ្ជាក់​ថា ​​បុរស​ម្នាក់​នោះ​នឹង​មិន​អាច​ឈប់​ស្រលាញ់​អ្នក​ជា​ដាច់​ខាត

កុំ​ព្យាយាម​ជាមួយ​​​មនុស្ស​៤​ប្រភេទ​នេះ ​​ ​​ព្រោះ​អ្នក​មិន​ងាយ​នឹង​បង្កើត​ទំនាក់ទំនង​ល្អ​បាន​ដោយ​ងាយ​ឡើយ​!​

សៀវភៅ​ ​៦​ក្បាល​​នេះ​​​អាច​ផ្លាស់​ប្ដូរ​គំនិត​របស់​​អ្នក​​​ ដើម្បី​​ឱ្យ​​អាជីវកម្ម​​ទៅ​មុខ​ជា​​និច្ច​

អត្ថបទពាណិជ្ជកម្ម​

ស្រាបៀរអាន់ឆ័រចាប់រង្វាន់លើកទី១ សម្រាប់កម្មវិធីអាពាហ៍ពិពាហ៍ ឆ្នាំ ២០១៨-២០១៩

រួសរាន់ឡើងចូលរួមពិព័រណ៍លំនៅដ្ឋានកម្ពុជា២០១៩ដើម្បីទទួលបានការទិញផ្ទះដែលមានតម្លៃពិសេស

ក្តៅៗ Huawei អេ 7​ អាចកុម្ម៉ងទុកមុន  តម្លៃត្រឹម $189 កាដូខប់ៗ​​ សមត្ថភាពខ្លាំងសាហាវ!

សំណាងផ្ទួនៗ ជាមួយអាំងប៉ាវ ហេង ហេង ពី LG Brandshop

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031