អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > គន្លឹះ ៣យ៉ាងដើម្បី​គ្រប់គ្រងលុយកាក់ឱ្យ​នៅ​សល់ជាដុំកំភួននឹងគេ​

គន្លឹះ ៣យ៉ាងដើម្បី​គ្រប់គ្រងលុយកាក់ឱ្យ​នៅ​សល់ជាដុំកំភួននឹងគេ​

ការមានចំណេះដឹងហិរញ្ញវត្ថុមានសារៈសំខាន់ខ្លាំងណាស់សម្រាប់មនុស្សគ្រប់រូប។ ប្រសិនបើអ្នកមិនមានចំណេះដឹងខាង​ ហិរញ្ញវត្ថុទេ អ្នកមិនអាចក្លាយជាអ្នកមានបានឡើយ។ ប្រសិនបើអ្នកមិនចេះទុកដាក់លុយកាក់របស់អ្នកឲ្យបានត្រឹមត្រូវទេ អ្នកប្រាកដជាគ្មានសល់អ្វីមួយសេនឡើយ បន្ទាប់ពីខិតខំធ្វើការរាប់ឆ្នាំ។ ខាងក្រោមនេះគឺជាគន្លឹះទាំង ៣យ៉ាងក្នុងការគ្រប់គ្រងលុយកាក់ដកស្រង់ពី success.com៖

១) គ្រប់គ្រងចំណាយ៖ តាមដានទម្លាប់ចាយវាយប្រចាំថ្ងៃរបស់អ្នក ដោយអនុវត្ត​នូវ​ការ​សរសេរការចំណាយទាំងអស់របស់អ្នកលើ​សៀវភៅ​ ហើយរកមើលថា តើការចំណាយរបស់អ្នកណាដែលមិនត្រូវគោលដៅ។ ប្រសិនបើអ្នកមានទម្លាប់ចាយវាយលើរបស់របរដែលមិនចាំបាច់ អ្នកត្រូវផ្លាស់ប្តូរទម្លាប់នោះជាបន្ទាន់។ ការចំណាយរបស់អ្នកត្រូវមានតុល្យភាពរវាងលំហូរសាច់ប្រាក់ ចេញនិងចូលរបស់អ្នក។ កុំចាយហួសមាឌ។ ប្រសិនបើអ្នកចាយមិនដឹងអីនោះ ទោះខំធ្វើការរាប់ឆ្នាំទៀតក៏មិនសល់ដែល។

២) គិតអំពីការសន្សំ៖ តើអ្នកត្រូវសន្សំប៉ុន្មានប្រចាំខែ? គណនាចំណូលសរុបទាំងអស់របស់អ្នកហើយគិតថាត្រូវដកសន្សំប៉ុន្មាន។ វាជារឿងពិបាកសម្រាប់អ្នកត្រូវបង់ថ្លៃផ្ទះ ថ្លៃទឹក ភ្លើង បង់ថ្លៃសាលា និងចំណាយប្រចាំថ្ងៃជាដើម។ ប៉ុន្តែ អ្នកត្រូវតែតាំងចិត្តថាអ្នកត្រូវតែសន្សំឲ្យបាន យ៉ាងហោចណាស់ ១០ឬ២០ភាគរយនៃប្រាក់ចំណូលសរុបរបស់អ្នកដែរ។ ប្រសិនបើអ្នកមិនចេះសន្សំទេ គ្មានថ្ងៃអ្នកសល់លុយសម្រាប់ប្រើប្រាស់ពេលត្រូវការចាំបាច់ ឬពេលអ្នកចង់ទិញរបស់អ្វីមួយឡើយ។ ដើម្បីក្លាយជាអ្នកមានបានលុះត្រាតែចេះសន្សំសិន។ ដូចលោក Robert Kiyasoki បានមានប្រសាសន៍ថា៖ « រកចំណូលបានប៉ុន្មានវាមិនសំខាន់ទេ អ្វីដែលសំខាន់ត្រង់ថា សន្សំទុកបានប៉ុន្មាន»។

៣) បង្កើតចំណងទំនាក់ទំនង៖ បង្កើតចំណងទាក់ទងជាមួយមនុស្សដែលមានចំណេះដឹងផ្នែកហិរញ្ញវត្ថុ។ ពួកគេមានការយល់ដឹងអំពីបញ្ហាលុយកាក់ច្រើន និងអាចជួយអ្នកឲ្យចេះពីរបៀបគ្រប់គ្រងលុយកាក់ផងដែរ។ ប្រសិនបើអ្នកសេពគប់តែមិត្តភក្តិដើរស៊ីផឹក ចូលហាងនេះហាងនោះ អ្នកនឹងគ្មានថ្ងៃសល់លុយឡើយ។ ដូចនេះត្រូវចេះបង្កើតទំនាក់ទំនងជាមួយអ្នកដ៏ទៃដែលមានចំណេះដឹងផ្នែកហិរញ្ញវត្ថុ ប្រសិនបើអ្នកចង់ចេះពីរបៀបគ្រប់គ្រងលុយកាក់បានត្រឹមត្រូវ៕

ចុចអាន៖ Robert Kiyasoki៖«​​រក​​ចំណូល​​បាន​​ប៉ុន្មាន​​វា​​មិន​​សំខាន់ ​ អ្វី​​ដែល​​​សំខាន់​​ត្រង់​​ថា​​ ​សន្សំ​​ទុក​​បាន​​ប៉ុន្មាន»

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​មិន​ចង់​អាយុ​ខ្លី​ទេ ​អ្នក​គួរ​អនុវត្ត​គន្លឹះ​សុខភាព​ទាំង​នេះ

គន្លឹះទាំង ១០យ៉ាងរបស់សង្ឃសៅលិញពីរបៀបថែរក្សាសុខភាព

គតិទាំង៨ឃ្លាដែល​ពោរពេញដោយអត្ថន័យសម្រាប់សិក្សានៅក្នុងជីវិត

សកម្មភាពចំនួន ៣ដែលអ្នកគួរចៀសវាងធ្វើមុនពេលចូលគេង

អត្ថបទពាណិជ្ជកម្ម​

Tech Startups កម្ពុជា​ចំនួន ១៣ ចូលរួមបង្ហាញ​អាជីវកម្ម​​នៅ​ Echelon Asia Summit 2018 ​ខណៈ BookMeBus ឈ្នះពានអាស៊ី១

ម៉ាស៊ីនបោកនាពេលអនាគត គឺនៅទីនេះ

ហេតុផល ៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

អានអត្ថបទតាមខែ

July 2018
M T W T F S S
« Jun    
 1
2345678
9101112131415
16171819202122
23242526272829
3031