អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > តើ​មូលហេតុ​អ្វី​ខ្លះ ​ដែល​អាច​ប៉ះពាល់​ដល់​ការ​គេង​របស់​អ្នក ​មិន​ឲ្យ​លង់លក់​ស្កប់ស្កល់​បាន?

តើ​មូលហេតុ​អ្វី​ខ្លះ ​ដែល​អាច​ប៉ះពាល់​ដល់​ការ​គេង​របស់​អ្នក ​មិន​ឲ្យ​លង់លក់​ស្កប់ស្កល់​បាន?

ការ​គេង​គឺជា​ផ្នែក​មួយ​ដ៏​សំខាន់​នៅ​ក្នុង​ការ​រស់នៅ​របស់​យើង​ប្រចាំ​ថ្ងៃ។ នៅ​ពេល​អ្នក​ទទួលទាន​ដំណេក​បាន​គ្រប់គ្រាន់​និង​ស្កប់ស្កល់ នោះ​អ្នក​នឹង​ភ្ញាក់​មក​ជាមួយ​នឹង​អារម្មណ៍​ស្រស់ស្រាយ ស្វាហាប់​មាន​ថាមពល និង​អារម្មណ៍​វិជ្ជមាន។ ហេតុនេះ តើ​មូលហេតុ​អ្វី​ខ្លះ​ដែល​អាច​ធ្វើឲ្យ​ប៉ះពាល់​ដល់​ការ​គេង​របស់​អ្នក​មិន​ឲ្យ​លង់លក់​ស្កប់ស្កល់​បាន ?

១) ទទួលទាន​អាហារ​ពេល​ល្ងាច​ឆ្អែត​ពេក៖ ការ​ទទួលទាន​អាហារ​ពេល​ល្ងាច​ឆ្អែត​ពេក​មុន​ពេល​ចូល​ដំណេក វា​អាច​ធ្វើឲ្យ​អ្នក​ជួប​ប្រទះ​នឹង​អាការ​ច្រាល់​អាស៊ីដ​ក្នុង​ក្រពះ​អំឡុង​ពេល​អ្នក​កំពុង​សម្ងំ​គេង។ ម្យ៉ាងទៀត វា​ក៏​ជា​មូលហេតុ​មួយ​ដែល​បណ្ដាល​ឲ្យ​មនុស្ស​មួយ​ចំនួន​ឧស្សាហ៍​ភ្ញាក់​ឡើង​កណ្ដាល​អធ្រាត្រ​ជា​រៀងរាល់​យប់​ដែរ។

២) ប្រឹង​សម្ងំ​គេង​នៅ​លើ​គ្រែ៖ នៅ​ពេល​អ្នក​ប្រឹង​សម្ងំ​គេង​នៅ​លើ​គ្រែ ហើយ​ប្រែ​ខ្លួន​ម្ដង​ទៅ​ខាង​នេះ​ម្ដង​ខាង​នោះ តាម​របៀប​នេះ​វា​អាច​នឹង​ធ្វើឲ្យ​អ្នក​មាន​អារម្មណ៍​អន្ទះអន្ទែង និង​កាន់តែ​ពិបាក​នៅ​ក្នុង​ការ​គេង​លង់លក់​បាន​ស្កប់ស្កល់។ ដូចនេះ អ្នក​គួរតែ​ក្រោក​ចេញ​ពី​គ្រែ ហើយ​រក​សៀវភៅ​មក​អាន ឬ​ស្ដាប់​វិទ្យុ ដែល​អាច​ឲ្យ​អ្នក​ឆាប់​ងងុយគេង​បាន។

៣) ប្រើប្រាស់​បន្ទប់គេង​ក្នុង​គោលដៅ​ច្រើន​យ៉ាង៖ បន្ទប់​គេង​របស់​អ្នក​គួរតែ​មាន​ផាសុកភាព និង​មាន​ចន្លោះ​ទូលាយ​ល្មម​សម្រាប់​អំណោយផល​ដល់​ការ​គេង​ឲ្យ​មាន​គុណភាព។ អ្នក​មិន​គួរ​ប្រើប្រាស់​ទូរទស្សន៍ សម្ភារ​បច្ចេកវិទ្យា​ដទៃ​ទៀត និង​សម្ភារ​ប្រើប្រាស់​ផ្សេងៗ​ឲ្យ​ចង្អៀត​ពេញ​បន្ទប់​គេង​នោះ​ទេ ធ្វើ​បែប​នេះ​ទើប​អ្នក​អាច​ទទួល​បាន​ការ​គេង​ដែល​ស្កប់ស្កល់​បាន។

៤) ទទួលទាន​ជាតិ​អាល់កុល​ឬ​កាហ្វេអ៊ីន​មុន​ពេល​ចូល​ដំណេក៖ ពិត​មែន​ថា​ជាតិ​អាល់កុល​ធ្វើឲ្យ​អ្នក​មាន​អារម្មណ៍​ថា​ងងុយ ប៉ុន្តែ​នៅ​ពេល​អ្នក​ទទួលទាន​វា​មុន​ពេល​ចូល​គេង វា​នឹង​រំខាន​ដល់​ដំណាក់កាល​នៃ​ការ​គេង​របស់​អ្នក និង​អាច​ធ្វើឲ្យ​អ្នក​គេង​ស្រមុក​កាន់តែ​ខ្លាំង។ ដូច​គ្នា​ដែរ ជាតិ​កាហ្វេអ៊ីន​គួរតែ​ចៀសវាង​ក្នុង​ការ​ទទួលទាន​ចន្លោះ​ពី​៤​ទៅ​៦​ម៉ោង​មុន​ពេល​ចូល​គេង ពុំ​នោះ​ទេ​អ្នក​អាច​នឹង​មាន​បញ្ហា​ក្នុង​ការ​គេង​លក់​ឲ្យ​ស្កប់ស្កល់​បាន៕

ដោយ៖ ស្រីពៅ

សូមអាន៖ តើធ្វើដូចម្ដេចដើម្បីដោះស្រាយបញ្ហាគេងមិនលក់?

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

មាន​មិត្ត​ស្រី​​អាយុ​​បង​​ខ្លួន​ក៏​ល្អ​ម៉្យាង​ដែរ​ ទាំង​នេះ​ជា​ចំណុច​ល្អ!

ទម្លាប់​អាក្រក់​​ទាំង​ ៥​យ៉ាង​​ ដែល​ធ្វើ​ឱ្យ​អ្នកងើបមុខមិនរូចពី​ក្រ​ ទោះ​បី​ជា​មាន​ប្រាក់​ចំណូល​​សមរម្យ​ក៏​ដោយ​​

ហេតុ​អ្វី​គេ​ផ្ដល់​តម្លៃ​ លើ​​ការ​បន្ត​ការ​សិក្សា​​​ថ្នាក់​​បរិញ្ញាបត្រ​ឬ​អនុ​បណ្ឌិត​​នៅ​បរទេស​ដល់​ម្ល៉ឹង?

Sabay សម្ពោធ​កុនធំ​របស់​ខ្លួន​នៅ​ថ្ងៃទី​២៦ ​មិថុនា​នេះ ​

អត្ថបទពាណិជ្ជកម្ម​

ហេតុផល ៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

Panasonic ចាប់​ដៃ​គ្នា​ជា​មួយ​​ G Gear សម្ពោធ​ទូរក្លាស្សេ​ភេសជ្ជៈ​ស៊េរី​ថ្មី!

ស្រាបៀរអាន់ឆ័រចាប់ឆ្នោតលើកទី២រដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៨

អានអត្ថបទតាមខែ

June 2018
M T W T F S S
« May    
 123
45678910
11121314151617
18192021222324
252627282930