អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > រោគសញ្ញា​មិន​ប្រក្រតី​ចំនួន​៤​ដែល​អាច​ប្រាប់​អ្នក​ពី​ស្ថានភាព​នៃ​សុខភាព​របស់​អ្នក

រោគសញ្ញា​មិន​ប្រក្រតី​ចំនួន​៤​ដែល​អាច​ប្រាប់​អ្នក​ពី​ស្ថានភាព​នៃ​សុខភាព​របស់​អ្នក

ប្រ​ភព៖​​ www.healthline.com

រោគសញ្ញា​មិន​ប្រក្រតី​ដែល​កើតឡើង​នៅ​លើ​រាងកាយ​យើង អាច​ប្រាប់​ពី​ព័ត៌មាន​ជាច្រើន​អំពី​សុខភាព​របស់​យើង។ ហេតុនេះ វា​ជា​រឿង​សំខាន់​ណាស់​ដែល​អ្នក​ត្រូវ​យកចិត្តទុកដាក់​ទៅលើ​ការ​កត់សម្គាល់​នូវ​រោគសញ្ញា​ខុស​ប្រក្រតី​ទាំងឡាយ​ដែល​មាន​នៅ​លើ​រាងកាយ​អ្នក។ យោងតាមប្រភពរបស់គេហទំព័រ www.powerpositivity.com ខាងក្រោម​នេះ​ដែរ គឺជា​រោគសញ្ញា​មិន​ប្រក្រតី​ចំនួន​៤​ដែល​អាច​ប្រាប់​អ្នក​ពី​ស្ថានភាព​នៃ​សុខភាព​របស់​អ្នក៖

១) អណ្ដាត​មាន​ពណ៌​ស្លេក៖ តាម​ធម្មតា​អណ្ដាត​របស់​យើង​មាន​ពណ៌​ផ្កាឈូក មាន​សំណើម និង​អាច​មើល​ឃើញ​ពន្លក​រសជាតិ​នៅ​លើ​អណ្ដាត​បាន។ បើ​យោង​តាម​អ្នក​ព្យាបាល​តាម​បែប​ចាក់​ម្ជុល​វិទ្យាសាស្ត្រ​មួយ​រូប Katie Clifton អ្នក​អាច​នឹង​ខ្វះ​ជាតិ​ដែក បើ​សិន​ជា​អ្នក​សង្កេត​ឃើញ​ថា​អណ្ដាត​របស់​អ្នក​ប្រែ​ជា​ស្ងួត​ហើយ​ស្លេក។ ដូច្នេះ​អ្នក​អាច​ធ្វើការ​ពិនិត្យ​ឈាម​ដើម្បី​ពិនិត្យ​មើល​ថា​តើ​អ្នក​មាន​ខ្វះ​ជាតិ​ដែក​មែន​ឬ​យ៉ាងណា។

២) ញើស​មាន​ក្លិន​ចម្លែក​ខុស​ប្រក្រតី៖ ក្លិន​ញើស​របស់​អ្នក​អាច​ប្រាប់​ពី​ព័ត៌មាន​ជាច្រើន​អំពី​សុខភាព​ទូទៅ​របស់​អ្នក។ ជា​ឧទាហរណ៍ កម្រិត​ជាតិ​ស្ករ​ក្នុង​ឈាម​របស់​អ្នក​អាច​មាន​ភាព​មិន​ប្រក្រតី បើ​សិន​ជា​ក្លិន​ញើស​របស់​អ្នក​ស្រដៀង​នឹង​ក្លិន​របស់​ទឹក​ថ្នាំ​លាង​ក្រចក។ ឬ​ក៏​អាច​ធុំ​ក្លិន​ផ្អែម បើ​សិន​ជា​អ្នក​មាន​ជំងឺ​ទឹកនោមផ្អែម ពី​ព្រោះ​តែ​ស្ករ​បាន​ប្រមូល​ផ្ដុំ​នៅ​លើ​ស្បែក​របស់​អ្នក​ជំងឺ​នេះ។ ឬ​ក៏​អាច​ជា​បញ្ហា​របស់​ថ្លើម​ឬ​តម្រងនោម បើ​សិន​ជា​ញើស​របស់​អ្នក​មាន​ក្លិន​ដូច​ឧស្ម័ន​អាម៉ូញាក់។

៣) ប្រេះ​ឬ​ស្ងួត​បបូរមាត់៖ ការ​ប្រេះ​ឬ​ស្ងួត​បបូរមាត់ អាច​បណ្ដាល​មក​ពី​ការ​ប្រតិកម្ម​អាឡាកហ្ស៊ី ឬ​អាច​មក​ពី​កង្វះ​ជាតិ​ទឹក។ បើ​មក​ពី​ការ​ប្រតិកម្ម​អាឡាកហ្ស៊ី វា​អាច​មាន​មូលហេតុ​មក​ពី​គ្រឿងសម្អាង​សម្រាប់​លាប​បបូរមាត់ ឱសថ​ថ្នាំ​ពេទ្យ ផលិតផល​សម្រាប់​ធ្វើ​អនាម័យ​សម្អាត​មាត់​ធ្មេញ ឬ​អាហារ​ដែល​អ្នក​បរិភោគ​ជាដើម។

៤) ហើម​ប្រអប់​ជើង៖ រោគសញ្ញា​ហើម​ប្រអប់​ជើង​គឺជា​រឿង​ទូទៅ​មួយ​ដែល​បាន​កើតឡើង​ទៅលើ​មនុស្ស​ជាច្រើន បន្ទាប់​ពី​ពួកគាត់​ឈរ​អស់​ច្រើន​ម៉ោង​ឬ​នៅ​ពេល​ស្ត្រី​កំពុង​ពពោះ។ ប៉ុន្តែ​បើ​សិន​ជា​រោគសញ្ញា​នេះ​ហាក់​ដូចជា​ខុស​ប្រក្រតី នោះ​អ្នក​គួរតែ​ឆាប់​ទៅ​ពិគ្រោះ​ជាមួយ​គ្រូពេទ្យ ព្រោះ​ថា​វា​ក៏​អាច​កើតឡើង​បាន​ដោយសារ​តែ​បេះដូង​របស់​អ្នក​មិន​លោត​ប្រក្រតី​ដែរ ដែល​នាំ​ទៅ​រក​លទ្ធផល​នៃ​ការ​ស្តុក​ទុក​ជាតិ​ទឹក​លើស​កម្រិត​នៅ​ទីនោះ៕

ដោយ៖ ស្រីពៅ

អត្ថបទទាក់ទង៖ ហេតុអ្វីបានជាអ្នកគួរឈប់សម្លឹងមើលអេក្រង់ទូរស័ព្ទមុនពេលចូលគេង?

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31