អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ទាំងនេះគឺជារោគសញ្ញាទាំង៣ ដែលអាចប្រាប់ពីកង្វះខាតវីតាមីន Cនៅក្នុងរាងកាយ

ទាំងនេះគឺជារោគសញ្ញាទាំង៣ ដែលអាចប្រាប់ពីកង្វះខាតវីតាមីន Cនៅក្នុងរាងកាយ

ប្រ​ភព៖​​ pixabay.com

កង្វះ​វីតាមីន C អាច​មាន​មូលហេតុ​មក​ពី​របប​អាហារ​មិន​ល្អ​ដែល​ខ្វះ​នូវ​ការ​ទទួលទាន​បន្លែ​និង​ផ្លែឈើ​ស្រស់ៗ អាយុ​ច្រើន និង​ការ​ទទួលទាន​ជាតិ​អាល់កុល​លើស​កម្រិត។ ទោះជាយ៉ាងណា វា​អាច​ទទួល​បាន​តាមរយៈ​អាហារ​ជាច្រើន​ប្រភេទ​ដែល​មាន​វត្តមាន​របស់​វីតាមីនC​ខ្ពស់។ ប៉ុន្តែ​អ្វី​ដែល​សំខាន់​គឺ​អ្នក​ត្រូវ​ដឹង​ថា​អ្នក​មាន​ខ្វះ​វីតាមីន​នេះ​មែន​ឬ​យ៉ាងណា ដូច្នេះ​ខាងក្រោម​នេះ​គឺជា​រោគសញ្ញា​ទាំង​៣​ដែល​បញ្ជាក់​ប្រាប់​ថា​អ្នក​កំពុងតែ​ខ្វះ​វីតាមីនC​ហើយ៖

១) ងាយ​នឹង​ទទួល​រង​ស្នាម​ជាំ៖ បើ​អ្នក​ងាយ​នឹង​មាន​ស្នាម​ជាំ​នៅ​លើ​ស្បែក​របស់​អ្នក វា​អាច​ជា​សញ្ញាណ​មួយ​ដែល​បញ្ជាក់​ថា​អ្នក​កំពុង​ខ្វះ​ជាតិ​វីតាមីនC​ហើយ ព្រោះ​ថា​មូលហេតុ​ដែល​នាំឲ្យ​ស្បែក​អ្នក​ជាំ គឺ​ដោយសារ​តែ​សរសៃ​ឈាម​ខ្សោយ ដែល​ជា​មូលហេតុ​មក​ពី​ខ្វះ​វីតាមីនC ដែល​បណ្ដាល​ឲ្យ​វា​ដាច់​ហើយ​ឈាម​ក៏​ធ្លាយ​ចេញ​ទៅ​តំបន់​ក្បែរៗ​វា។ ហេតុនេះ​បើ​អ្នក​ជួប​រោគសញ្ញា​បែប​នេះ អ្នក​គួរតែ​ឆាប់​ទទួល​យក​ជាតិ​វីតាមីនC​ឲ្យ​បាន​គ្រប់គ្រាន់​ពី​អាហារ​ដែល​អ្នក​បរិភោគ។

២) ស្នាម​របួស​ត្រូវការ​រយៈពេល​យូរ​ក្នុង​ការ​ជា​សះស្បើយ៖ អ្នក​ស្រាវជ្រាវ​បាន​រក​ឃើញ​ថា អ្នក​ជំងឺ​ដែល​មាន​ដំបៅ​ជើង​ធ្ងន់ធ្ងរ​មិន​អាច​ព្យាបាល​ឲ្យ​ជា​សះស្បើយ​បាន ច្រើនតែ​មាន​ការ​ខ្វះខាត​វីតាមីនC​ជាង​អ្នក​ដែល​មិន​មាន​ដំបៅ​ជើង​ធ្ងន់ធ្ងរ។ បើ​នៅ​ក្នុង​ករណី​ធ្ងន់ធ្ងរ​ខ្លាំង មុខ​របួស​ចាស់​អាច​នឹង​បើក​ចំហ​ឡើង​វិញ ហើយ​ទុក​ឱកាស​ឲ្យ​បាក់តេរី​ទាំងឡាយ​ចម្លង​មេរោគ​ទៀត​ផង។ រោគសញ្ញា​ដែល​ស្នាម​របួស​ត្រូវការ​រយៈពេល​យូរ​ក្នុង​ការ​ជា​សះស្បើយ​នេះ គឺជា​រោគសញ្ញា​ក្នុង​ដំណាក់កាល​ខ្ពស់​មួយ​នៃ​ការ​ខ្វះខាត​វីតាមីន​C ព្រោះ​ថា​រោគសញ្ញា​នេះ​នឹង​លេច​ចេញ​មក​តែ​ក្រោយ​ពេល​អ្នក​បាន​ខ្វះ​វីតាមីន​នេះ​ច្រើន​ខែ​កន្លង​មក​ហើយ។

៣) ឈាម​អញ្ចាញ​ធ្មេញ៖ ដោយសារ​តែ​កង្វះ​វីតាមីនC នាំឲ្យ​សរសៃឈាម​ខ្សោយ​ជាង​មុន ដែល​ងាយ​ឲ្យ​ធ្លាយ​ឈាម​ហូរ​ចេញ​មក ដូច្នេះ​វា​ក៏​ជា​មូលហេតុ​មួយ​ដែល​នាំឲ្យ​ជាលិកា​នៃ​អញ្ចាញ​ធ្មេញ​របស់​អ្នក​ទន់ខ្សោយ​ហើយ​ងាយ​នឹង​ហូរ​ឈាម​ដែរ។ ក្នុង​ដំណាក់កាល​ខ្ពស់​នៃ​ការ​ខ្វះ​វីតាមីនC អញ្ចាញ​ធ្មេញ​របស់​អ្នក​អាច​ប្រែ​ជា​ពណ៌​ស្វាយ​ហើយ​មាន​ក្លិន​ស្អុយ​ទៀត​ផង។ តាមរយៈ​អាហារ​អ្នក​អាច​ទទួល​បាន​នូវ​វីតាមីន​នេះ ដែល​មាន​ដូចជា​ផ្លែ​ក្រូច ក្រូចឆ្មារ ផ្លែ​ត្របែក ល្ហុង គូលែន ស្ត្របឺរី និង​ម្ទេស​ប្លោក​ជាដើម៕

ដោយ៖ ស្រីពៅ

អត្ថបទទាក់ទង៖ តើអាហារអ្វីខ្លះដែលស្ត្រីមានផ្ទៃពោះត្រូវចៀសវាងទទួលទាន?

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ជំនាញ​សំខាន់​ៗ​ទាំង​ ៦​ របស់​គណនេយ្យករ​ ​Skill Set of Accountant?​ ដឹង​ថា​មាន​អ្វី​ខ្លះ​អត់?​

អ្នក​និពន្ធ​​ដ៏​ល្បី​ លោក​ ​​សន  ខូវិយ៍ (Sean Covey)៖ ​ទម្លាប់​អាក្រក់​៧​យ៉ាង​ ​​ធ្វើ​ឲ្យ​យុវជន​​​រក​មិន​ឃើញ​ភាព​ជោគជ័យ​ក្នុង​ជីវិត

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728