អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > អ្វីខ្លះគឺជាគុណវិបត្តិពីការទទួលទានទឹកក្រូចឆ្មារ?

អ្វីខ្លះគឺជាគុណវិបត្តិពីការទទួលទានទឹកក្រូចឆ្មារ?

ប្រ​ភព៖​​ pixabay.com

ទឹក​ក្រូច​ឆ្មារ​មាន​គុណប្រយោជន៍​ជាច្រើន ចាប់​តាំង​ពី​ជួយ​សម្រក​ទម្ងន់ រក្សា​តុល្យភាព​កម្រិត pH ធ្វើឲ្យ​ខ្យល់​ដង្ហើម​ល្អ និង​ជួយ​ព្យាបាល​ការ​ឆ្លង​មេរោគ​ផ្សេងៗ​ជាដើម។ យ៉ាងណាមិញ ទឹក​ក្រូចឆ្មារ​ក៏​មាន​គុណវិបត្តិ​របស់​វា​មក​ជាមួយ​ដែរ​នៅ​ពេល​អ្នក​ទទួលទាន​វា​ច្រើន​លើស​កំណត់ និង​មិន​សមស្រប​ទៅ​តាម​ស្ថានភាព​របស់​រាងកាយ​អ្នក។ ខាងក្រោម​នេះ​គឺជា​ចំណុច​៤​យ៉ាង​ដែល​បង្ហាញ​ពី​គុណវិបត្តិ​នៃ​ការ​ទទួលទាន​ទឹក​ក្រូចឆ្មារ៖

១) ឆាប់​ខូច​ធ្មេញ៖ ទឹក​ក្រូច​ឆ្មារ​មាន​ឥទ្ធិពល​ធ្វើឲ្យ​ធ្មេញ​របស់​អ្នក​សឹក​បាន ព្រោះ​ថា​ក្រូចឆ្មារ​មាន​វត្តមាន​របស់​អាស៊ីដ​ខ្ពស់។ ប៉ុន្តែ​បើ​អ្នក​ទទួលទាន​វា​១​កែវ​នៅ​ពេល​ព្រឹក ហើយ​ធ្មេញ​របស់​អ្នក​បាន​ទទួល​ការ​សម្អាត​យ៉ាងតិច​២​ដង​ក្នុង​១ថ្ងៃ នោះ​វា​អាច​នឹង​មិន​នាំ​មក​នូវ​ផល​ប៉ះពាល់​អវិជ្ជមាន​ចំពោះ​ធ្មេញ​អ្នក​វិញ​បាន។

២) ធ្វើឲ្យ​អាការ​ពង​បែក​មាត់​កាន់តែ​យ៉ាប់យ៉ឺន៖ នៅ​ពេល​អ្នក​មាន​អាការ​ពង​បែក​មាត់ អ្នក​គួរតែ​ចៀសវាង​ការ​ទទួលទាន​ទឹក​ក្រូច​ឆ្មារ​រហូត​ទាល់តែ​ជា​សះស្បើយ​សិន។ អាស៊ីដ​ស៊ីទ្រិក​នៅ​ក្នុង​ក្រូចឆ្មារ អាច​ធ្វើឲ្យ​អាការ​របស់​អ្នក​កាន់តែ​យ៉ាប់យ៉ឺន និង​អាច​ឈាន​ដល់​ស្ថានភាព​ធ្ងន់ធ្ងរ​ជាង​នេះ​បាន។ ហេតុនេះ អ្នក​គួរតែ​ចៀសវាង​ទទួលទាន​ទឹក​ក្រូច​ឆ្មារ ព្រម​ទាំង​បណ្ដា​ផ្លែឈើ​ទាំងឡាយ​ដែល​មាន​អាស៊ីដ​ស៊ីទ្រិក​នេះ​ផង​ដែរ។

៣) អាច​បណ្ដាល​ឲ្យ​ក្អួតចង្អោរ៖ ការ​ទទួលទាន​ទឹក​ក្រូចឆ្មារ​ច្រើន​ហួស​កម្រិត ដូចជា​ចាប់​ពី​២​កែវ​ឡើង​ទៅ អាច​ធ្វើឲ្យ​កម្រិត​វីតាមីនC​នៅ​ក្នុង​រាងកាយ​អ្នក​លើស ហើយ​រាងកាយ​របស់​អ្នក​នឹង​ព្យាយាម​បញ្ចេញ​ចោល​នូវ​ការ​លើស​របស់​វីតាមីនC​នេះ ដោយ​តាមរយៈ​ការ​ក្អួត​ចង្អោរ។ ហេតុនេះ អ្នក​គួរតែ​ប្រុងប្រយ័ត្ន​មិន​ត្រូវ​ទទួលទាន​វា​ច្រើន​ពេក​នោះ​ទេ។

៤) អាច​នាំ​ទៅ​រក​ការ​លើស​បរិមាណ​ជាតិ​ដែក​នៅ​ក្នុង​រាងកាយ៖ វា​អាច​កើតឡើង​បាន​ដោយសារតែ វីតាមីនC​គឺជា​វីតាមីន​ដែល​ជួយ​ជំរុញ​ឲ្យ​មាន​ការ​ស្រូប​យក​ជាតិ​ដែក​ទុក​ក្នុង​រាងកាយ​របស់​អ្នក ហើយ​កាល​ដែល​ទទួលទាន​វីតាមីនC​ច្រើន​ពេក អាច​នាំ​ឲ្យ​បរិមាណ​ជាតិ​ដែក​កើន​ឡើង​ច្រើន​ដូចគ្នា​ដែរ។ ការ​លើស​បរិមាណ​ជាតិ​ដែក​អាច​មាន​គ្រោះថ្នាក់​និង​បណ្ដាល​ឲ្យ​សរីរាង្គ​ខាងក្នុង​ខូច​បាន៕

ដោយ៖ ស្រីពៅ

សូមអាន៖ តើទឹកក្រូចឆ្មារមួយកែវមានអត្ថប្រយោជន៍អ្វីខ្លះចំពោះសុខភាពរបស់អ្នក ?

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

អត្ថបទពាណិជ្ជកម្ម​

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31