អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > វិធីសាស្ត្រ​​សំខាន់ៗ​ ​ក្នុង​ការ​ទន្ទេញ​មេរៀនឱ្យ​ ​​​ឆាប់​ចាំ​​ ​​និង ​ចាំ​បាន​​យូរ​​​

វិធីសាស្ត្រ​​សំខាន់ៗ​ ​ក្នុង​ការ​ទន្ទេញ​មេរៀនឱ្យ​ ​​​ឆាប់​ចាំ​​ ​​និង ​ចាំ​បាន​​យូរ​​​

ការ​ចង​ចាំ​  ​ពិត​ជា​សំខាន់​ណាស់​សម្រាប់​មនុស្ស​ទូទៅ​ ពិសេស​បំផុត​ ​សម្រាប់​អ្នក​សិក្សា ថ្វីត្បិត​តែ​មេរៀនតម្រូវ​ឱ្យ​យល់ ប៉ុន្តែ​ការ​​ចង​ចាំ​គឺ​ជា​ចំណុច​មិន​អាច​ខ្វះបាន​។ ​ការ​ពិត​មួយ​គឺ​ថា​ ដើម្បី​ឈាន​ដល់​ការ​បង្ហាញ​អំពី​វិធីសាស្ត្រ​​ ​​ចង​ចាំ​យ៉ាង​ឆាប់​រហ័ស និង​​​រក្សា​ការ​ចង​ចាំ​ឲ្យ​បាន​យូរ​ គឺ​ទាម​ទារ​ឲ្យ​ស្វែង​យល់​អំពី​ខ្លួន​អ្នក​ជា​មុខ​សិន​ ថា​តើ​អ្នក​ជា​មនុស្ស​ដែល​ចូល​ចិត្ត​របៀប​ណា​ កាល​ដែល​យើង​ព្យាយាម​យក​តម្រាប់​តាម​វិធីសាស្ត្រ​អ្នក​ដទៃ​​ដែល​អ្នក​ឃើញ​ថា​​គេ​មាន​ការ​ចងចាំ​បាន​ល្អ​យក​មក​អនុវត្ត​​​គឺ​វា​មិន​ប្រាកដ​ថា​ទទួល​បាន​ការ​ចង​ចាំ​បាន​ល្អ​ដូច​គេ​នោះ​ទេ​ ព្រោះ​ថា​មនុស្ស​ម្នាក់ៗ​មាន​របៀប​នែ​ការ​សិក្សា​​ដើម្បី​ទទួល​បាន​ការ​ចង​ចាំ​ល្អ​ខុសៗ​គ្នា។ ​​ដូច​នេះ​ហើយ​អត្ថបទ​ខាង​ក្រោម​នេះ​ នឹង​បង្ហាញ​អំពី​វិធីសាស្ត្រ ៤​ដើម្បី​ងាយ​ស្រួល​ដល់​អ្នក​យក​ទៅ​អនុវត្ត​៖

១)​ ការ​រៀប​ចំ​ទីកន្លែង​៖ ដើម្បី​ធ្វើ​ឲ្យ​ការ​ចង​ចាំ​អ្នក​ដំណើរ​ការ​បាន​ឆាប់​រហ័ស អ្នក​ត្រូវ​គិត​អំពី​បរិស្ថាន​ដែល​នៅ ​ជុំវិញ​អ្នក​ហើយ​ត្រូវ​​​សម្លឹង​​​មើល​ខ្លួន​អ្នក​ថា​តើ​អ្នក​ចូល​ចិត្ត​ទីកន្លែង​​ដែល​ស្ងប់ស្ងាត់ ​​ឬ​ក៏​មនុស្ស​អ៊ូអរ​​ ដើម្បី​​អាច​ផ្ដោត​​អារម្មណ៍​របស់​អ្នក​បាន​ល្អ​មិន​ទទួល​ការ​រំខាន។ ​​បន្ទាប់​មក​ទៀត​អ្នក​គួរ​តែ​រៀន​ទទួល​ទាន​ប្រភេទ​តែ​មួយ​​ចំនួន​ដែល​តាម​ការ​សិក្សា​​របស់​អ្នក​វិទ្យាសាស្ត្រ​បាន​បង្ហាញ​ថា ​​ប្រភេទ​នៃ​តែ​បៃតង​​បាន​ជួយ​ពន្លឿន​ការ​ចង​ចាំ​បាន​ល្អ​និង​ឆាប់រហ័ស​ មិន​ថា​មនុស្ស​ក្នុង​វ័យ​ណា​នោះ​ទេ។

២) ប្រើ​ប្រាស់​ម៉ាស៊ីន​ថត​សម្លេង​៖​ ចំណុច​នេះ​គឺ​ពិត​ជា​មាន​សារៈ​សំខាន់​ខ្លាំង​ណាស់​​ក្នុង​ការ​ជួយ​អ្នក​ឲ្យ​​ទទួល​បាន​ភាព​ងាយ​ស្រួល​នៅ​ពេល​ដែល​អ្នក​កំពុង​ស្តាប់​លោក​គ្រូ​​ពន្យល់​អ្នក​ប្រហែល​ជា​ពិបាក​ក្នុង​ការ​កត់​ត្រា​ព្រោះ​អាច​និង​មាន​ការ​យឺត​យាវ​ ​ដោយ​សម័យ​បច្ចុប្បន្ន​ជា​សម័យ​បច្ចេកវិទ្យា​ទំនើប​ដែល​មនុស្ស​មាន​ទូរស័ព្ទ​ទំនើប​​ហេតុ​នេះ​ហើយ​ការ​ថត​សម្លេង​ទុក​គឺ​ធ្វើ​ឲ្យ​អ្នក​​ចាប់​បាន​រាល់​ពាក្យ​សម្ដី​​ដែល​គ្រូ​បាន​និយាយ​​។​លើស​ពី​នេះ​ទៅ​ទៀត​​វា​ធ្វើ​​​ឲ្យ​​អ្នក​ដែល​ចូល​ចិត្ត​ស្តាប់​មាន​ភាព​​​ងាយ​​ចង​ចាំ​។​

៣) កត់ត្រា៖ ការ​កត់ត្រា​ទុក​អ្វី​ដែល​អ្នក​កំពុង​ចង​ចាំ​ក៏​ជា​ផ្នែក​មួយ​បន្ថែម​ដើម្បី​ឲ្យ​អ្នក​មាន​ភាព​ច្បាស់​លាស់​ និង​អាច​ប្រើស​ប្រាស់​ពាក្យ​សម្ដី​របស់​អ្នក​ផ្ទាល់​ដែល​ជា​​​ភាព​ងាយ​ស្រួល​មួយ​​ក្នុង​ការ​ចង​ចាំ​ ដែល​វា​មាន​ភាព​ប្រសើរ​ជាង​អ្វី​ដែល​អ្នក​ព្យាយាម​ចង​ចាំ បាន​ត្រឹម​តែ​រយៈ​ពេល​ខ្លី។​ ​​ការ​កត់​ត្រា​ពី​ការ​ថត​សម្លេង​នឹង​រឹត​តែ​ធ្វើ​ឲ្យ​អ្នក​ទទួល​បាន​រាល់​ព័ត៌មាន​ដែល​​គ្រូ​បាន​បង្រៀន។

​​​​​​​​​​​​​​​​​​​​​​​​​​​​​​​​​​​​​៤)​ចែក​រំលែក​ជា​មួយ​អ្នក​ដទៃ៖ ការ​ចែក​រំលែក​ជា​មួយ​អ្នក​ដទៃ​ក៏​ជា​ផ្នែក​មួយ​ដែល​អាច​ធ្វើ​ឲ្យ ​​ការ​ចង​ចាំ​របស់​អ្នក​មាន​ភាព​ល្អ​ និង​មាន​ភាព​រីក​ចម្រើន​ក្នុង​ការ​ទទួល​បាន​សំនួរ​ផ្សែងៗ​ពី​សំណាក់​មិត្តភក្ដិ​​​​ដែល​អ្នក​បាន​ចែក​​រំលែក​ជាមួយ​​នោះ​អ្នក​ព្យាយាម​ពន្យល់​ពួក​គេ​ដើម្បី​ឲ្យ​ពួក​គេ​ងាយ​យល់​នោះ​ក៏​ដូច​ជា​ផ្តល់​​ការ​ចង​ចាំ​ដែល​មិន​ងាយ​និង​ភ្លេច​បាន៕​​
​​ដោយ​៖ អ៊ុន ​ស្រី​នាង

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

អ្នក​ណាៗ ឲ្យ​​តែ​​ចេញ​រក​ស៊ី​លើក​ទី​១​តែង​បរាជ័យ ដោយ​សារ​មូលហេតុ​ទាំង​៤​នេះ

​កិច្ចការ​សំខាន់ៗ​ ៧​យ៉ាង​ ​ដែល​បុគ្គលជោគជ័យ​តែង​ធ្វើ​នៅ​ថ្ងៃ​អាទិត្យ​

អាថ៌កំបាំងនៃ​ផលិតភាព​​នៅ​​ពី​ក្រោយ​ភាព​ជោគជ័យ​របស់​មហាសេដ្ឋី​ Bill Gates

ដើម្បី​​​ទទួល​បាន​ការ​គោរព​ពី​អ្នកដទៃ ​​កុំ​ភ្លេច​អនុវត្ត​ចំណុច​ទាំង​នេះ

អត្ថបទពាណិជ្ជកម្ម​

តើការជ្រើសរើសបុគ្គលិក មានអ្វីពាក់ព័ន្ធនឹងចិត្តសាស្រ្ដ?

ការប្រើប្រាស់ប្រព័ន្ធបច្ចេកវិទ្យា ដើម្បីគ្រប់គ្រងការលក់ (POS)

ម៉ាស៊ីនបោកគក់ LG ជាជម្រើលដ៏ល្អបំផុតសំរាប់មេផ្ទះសម័យថ្មី

​​គ្រប់គ្រង​ហ្វេសប៊ុក​ផេក​ (Facebook Page) អាជីវកម្ម​ គឺ​ត្រូវ​ការ​អ្នក​ជំនាញ​ពិត​ប្រាកដ

អានអត្ថបទតាមខែ

August 2018
M T W T F S S
« Jul    
 12345
6789101112
13141516171819
20212223242526
2728293031