អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > អាហារ​ទាំង​ ៤​យ៉ាង​ដែល​អ្នក​គួរ​ទទួលទាន​ដើម្បី​សុខភាព​បេះដូង​របស់លោក​​អ្នក

អាហារ​ទាំង​ ៤​យ៉ាង​ដែល​អ្នក​គួរ​ទទួលទាន​ដើម្បី​សុខភាព​បេះដូង​របស់លោក​​អ្នក

ប្រ​ភព៖​​ pixabay.com

ជំងឺ​បេះដូង​ គឺជា​ជំងឺ​ដ៏​ពេញ​និយម​មួយ​ដែល​បាន​សម្លាប់​ជីវិត​មនុស្ស​អស់​ជាច្រើន​នៅ​ជុំវិញ​ពិភពលោក។ ការ​មិន​ហាត់ប្រាណ ជក់​បារី និង​ឧស្សាហ៍​មាន​បញ្ហា​ស្ត្រេស​ច្រើន មិន​ត្រឹមតែ​បង្កើន​ឱកាស​ពី​ការ​កើត​ជំងឺ​បេះដូង​នោះ​ទេ តែ​តាមរយៈ​របប​អាហារ​ដូចជា​ការ​ទទួលទាន​អាហារ​ដែល​មាន​អាស៊ីដ​ខ្លាញ់​ខ្ពស់ កូឡេស្តេរ៉ុល​ខ្ពស់ និង​សូដ្យូម​ឬ​អំបិល សុទ្ធតែ​នាំ​មក​នូវ​លទ្ធផល​មិន​ល្អ​ចំពោះ​សុខភាព​បេះដូង។ ខាងក្រោម​នេះ​គឺជា​អាហារ​ទាំង​៤​យ៉ាង​ដែល​អ្នក​គួរ​ទទួលទាន​ដើម្បី​សុខភាព​បេះដូង​របស់​អ្នក៖

១) គ្រាប់​ធញ្ញជាតិ៖ គ្រាប់​អាល់មន គ្រាប់​កៅឡាក់ សណ្ដែកដី ទាំងនេះ​សុទ្ធតែ​គ្រាប់ធញ្ញជាតិ​ដែល​ត្រូវ​បាន​គេ​រក​ឃើញ​ថា​ល្អ​ចំពោះ​សុខភាព​បេះដូង​របស់​អ្នក។ ពួក​វា​សម្បូរ​ទៅ​ដោយ​ជាតិ​សរសៃ ប្រូតេអ៊ីន សារធាតុ​រ៉ែ វីតាមីន និង​សារធាតុ​ប្រឆាំង​នឹង​អុកស៊ីតកម្ម ដែល​អាច​ជួយ​កាត់បន្ថយ​ហានិភ័យ​ពី​ជំងឺ​បេះដូង​បាន។

២) ត្រី​ដែល​មាន​សមាសធាតុ​ផ្សំ​ពី​អាស៊ីដ​អូមេហ្កា​៣​ខ្ពស់៖ អ្នក​ជំងឺ​ដែល​កំពុងតែ​ប្រឈម​មុខ​នឹង​ហានិភ័យ​ពី​ជំងឺ​បេះដូង ឬ​កំពុងតែ​មាន​ជំងឺ​បេះដូង ជាញឹកញាប់​តែង​ទទួល​បាន​ការ​ណែនាំ​ឲ្យ​បង្កើន​ការ​ទទួល​យក​ជាតិ​អូមេហ្កា៣​តាមរយៈ​ការ​ទទួលទាន​ត្រី។ នេះ​ក៏​ដោយសារ​តែ​ត្រី​អាច​ផ្ដល់​អូមេហ្កា​៣​ដែល​អាច​កាត់បន្ថយ​ហានិភ័យ​ពី​ភាព​មិន​ប្រក្រតី​នៃ​ចង្វាក់​បេះដូង ហើយ​វា​ថែម​ទាំង​ជា​ប្រភព​អាហារ​ដ៏​ល្អ​សម្រាប់​ទទួល​យក​ជាតិ​អូមេហ្កា៣​និង​ប្រូតេអ៊ីន និង​មាន​អាស៊ីដ​ខ្លាញ់​ឆ្អែត​ទាប។ ត្រី​ដែល​សម្បូរ​ជាតិ​អូមេហ្កា៣​មាន​ដូចជា​ត្រី​សាលមុន ត្រី​ធូណា ត្រី​សាឌីន​ជាដើម។

៣) សូកូឡា​ខ្មៅ៖ វិទ្យាសាស្ត្រ​មាន​ការ​ជឿជាក់​ថា សូកូឡា​ខ្មៅ​មាន​អត្ថប្រយោជន៍​ក្នុង​ការ​ជួយ​ការពារ​ពី​ជំងឺ​ត្បៀត​សរសៃ​ឈាម ដែល​កើតឡើង​នៅ​ពេល​មាន​មេរោគ​បាក់តេរី​ផ្ដុំ​គ្នា​នៅ​ក្នុង​សរសៃ​ឈាម ដែល​អាច​បង្កើន​ហានិភ័យ​ពី​ជំងឺ​គាំង​បេះដូង​និង​ជំងឺ​ដាច់​សរសៃ​ឈាម​ក្នុង​ខួរក្បាល​បាន។

៤) ផ្កា​ខាត់ណា​ប្រូកូលី​និង​ទំពាំង​បារាំង(Asparagus)៖ មាន​ការ​សិក្សា​មួយ​ចំនួន​បាន​រក​ឃើញ​ថា ការ​ទទួល​ទាន​ផ្កា​ខាត់ណា​ប្រូកូលី​ស្ងោរ​ឬ​ចំហុយ អាច​កាត់បន្ថយ​កម្រិត​កូឡេស្តេរ៉ុល​និង​ការពារ​ពី​ជំងឺ​បេះដូង។ ចំណែក​ឯ​ទំពាំង​បារាំង​វិញ គឺជា​ប្រភព​ធម្មជាតិ​សម្រាប់​ទទួល​បាន​នូវ​ជាតិ​អាស៊ីដ​ហ្វូលិក ដែល​សមាសធាតុ​នេះ​អាច​ជួយ​ការពារ​ពី​ការ​ប្រមូល​ផ្ដុំ​របស់​អាស៊ីដ​អាមីណូ​ម្យ៉ាង​ឈ្មោះ​ថា homocysteine នៅ​ក្នុង​រាងកាយ។ កម្រិត​នៃ​អាស៊ីដ​អាមីណូ​មួយ​នេះ​ច្រើន​ពេក ត្រូវ​បាន​គេ​រក​ឃើញ​ថា​មាន​ទំនាក់ទំនង​ជាមួយ​នឹង​ការ​កើន​ឡើង​នូវ​ហានិភ័យ​ពី​ជំងឺ​បេះដូង​ដូចជា ជំងឺ​ត្បៀត​សរសៃ​ឈាម​និង​ជំងឺ​ដាច់​សរសៃ​ឈាម​ក្នុង​ខួរក្បាល៕

ដោយ៖ ស្រីពៅ

សូមអាន៖ អាហារ ៣ប្រភេទដែលអាចកាត់បន្ថយអ្នកពីហានិភ័យជំងឺបេះដូង ដោយមិនចាំបាច់ប្រើប្រាស់ថ្នាំពេទ្យបាន

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ជំនាញ​សំខាន់​ៗ​ទាំង​ ៦​ របស់​គណនេយ្យករ​ ​Skill Set of Accountant?​ ដឹង​ថា​មាន​អ្វី​ខ្លះ​អត់?​

អ្នក​និពន្ធ​​ដ៏​ល្បី​ លោក​ ​​សន  ខូវិយ៍ (Sean Covey)៖ ​ទម្លាប់​អាក្រក់​៧​យ៉ាង​ ​​ធ្វើ​ឲ្យ​យុវជន​​​រក​មិន​ឃើញ​ភាព​ជោគជ័យ​ក្នុង​ជីវិត

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728