អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ហេតុផល ៧យ៉ាងអ្នកគួរតែស្រលាញ់រាប់អានសត្រូវរបស់អ្នក

ហេតុផល ៧យ៉ាងអ្នកគួរតែស្រលាញ់រាប់អានសត្រូវរបស់អ្នក

មនុស្សគ្រប់គ្នាសុទ្ធតែមានអ្នកស្អប់ អ្នកស្រលាញ់ដោយជៀសមិនផុតឡើយ។ ការស្អប់កើតឡើងដោយហេតុផលផ្សេងៗ ប៉ុន្តែមានពេលខ្លះការស្អប់អ្នកដោយឡើងគ្មានហេតុផលក៏មានដែរ។ ការស្អប់គ្នាទៅវិញទៅមកធ្វើឲ្យកើតទៅជាសត្រូវនឹងគ្នា។ ប៉ុន្តែអ្នកគួរតែចេះរាប់អានមិត្តឲ្យបានច្រើន ប្រសើរជាងបង្កើតសត្រូវ។ ខាងក្រោមនេះគឺជាហេតុផល ៧ចំណុចដែលបង្ហាញថាអ្នកគួរតែស្រលាញ់សត្រូវរបស់អ្នក៖

១) រៀនគ្រប់គ្រងកំហឹង៖
សត្រូវរបស់អ្នកគឺជាអ្នកដែលជួយអ្នកឲ្យដឹងពីរបៀបគ្រប់គ្រងអារម្មណ៍។ វាជាការពិតដែលវាសត្រូវរបស់អ្នកអាចធ្វើឲ្យអ្នកមានអារម្មណ៍ខឹង ហើយពួកគេក៏ជួយឲ្យអ្នកចេះគ្រប់គ្រងអារម្មណ៍របស់អ្នកផងដែរ។ អ្នកមិនអាចខឹងនឹងនរណាម្នាក់ដែលអ្នកស្រលាញ់បាននោះឡើយ។ សត្រូវរបស់អ្នកប្រៀបដូចជាអ្នកព្យាបាលជំងឺខឹងក្រោធរបស់អ្នក។ ពេលអ្នកព្យាយាមស្រលាញ់សត្រូវរបស់អ្នក ពួកគេនឹងផ្ដល់ឲ្យអ្នកមកវិញនូវឱកាសដល់អ្នកក្នុងការរៀនគ្រប់គ្រងអារម្មណ៍ស្អប់របស់អ្នក។

២) ការប្រកួតប្រជែងដោយស្មើភាព៖
សត្រូវរបស់អ្នកគឺជាដៃគូប្រកួតប្រជែងរបស់អ្នក។ អ្នកនឹងទទួលបានការលើកទឹកចិត្តក្នុងការប្រកួតប្រជែង ហើយវាជាគ្រឿងលើកទឹកចិត្តដ៏ខ្លាំងក្លាដើម្បីយកជ័យជំនះទៅលើពួកគេ។ ប៉ុន្តែអ្នកត្រូវចងចាំថាអ្នកមិនត្រូវធ្វើអ្វីដែលប៉ះពាល់ដល់អ្នកដៃគូរបស់អ្នក និងត្រូវមានសីលធម៍ក្នុងការប្រកួតប្រជែងជាដាច់ខាត។ សត្រូវរបស់អ្នកធ្វើឲ្យអ្នកខិតខំប្រឹងប្រែងធ្វេដង។

៣) មតិយោបល់អវិជ្ជមានធ្វើឲ្យអ្នករីកចម្រើន៖
សត្រូវរបស់អ្នកមិនដែលនិយាយអ្វីល្អពីអ្នកនោះទេ ប៉ុន្តែអ្នកគួរតែគិតថាពួកគេប្រហែលជាមានអ្វីដែលជាការពិត។ ពេលអ្នកឮអ្វីដែលមិនល្អពីសត្រូវរបស់អ្នក អ្នកគួរតែឈានទៅក្រោយមួយជំហានហើយគិតពិចារណាបន្ដិចសិន។ វាអាចជាឱកាសដែលសត្រូវរបស់អ្នកនិយាយការពិត ហើយវាអាចជាការពិតដែលអ្នកអាចកែខ្លួនក្លាយជាមនុស្សម្នាក់ដែលកាន់តែខ្លាំង។ នេះគឺជាសក្ខីភាពដែលបង្ហាញថាសត្រូវរបស់អ្នកគឺជាអ្នកដែលធ្វើឲ្យអ្នករៀនសូត្រពីចំណុចអវិជ្ជមានដើម្បីអភិវឌ្ឍខ្លួនអ្នក។

៤) សត្រូវរបស់អ្នកគឺជាមេរៀន៖
ការស្រលាញ់សត្រូវរបស់អ្នកមានន័យថាអ្នកមានការខិតខំបង្កើតទំនាក់ទំនង និងបង្កើតសន្តិភាពជាមួយពួកគេ។ ពេលដែលអ្នកអាចធ្វើឲ្យសត្រូវរបស់អ្នកក្លាយជាមិត្តរបស់អ្នកបាន នោះអ្នកក៏អាចរៀនសូត្រពីតិកនិក និងមានភាពងាយស្រួលពេលបង្កើតទំនាក់ទំនងជាមួយអ្នកដទៃផងដែរ។ អ្នកនឹងមានជំនាញទំនាក់ទំនងកាន់តែពូកែដែលជាជំនាញដែលមិនអាចខ្វះបាន ពីព្រោះវាអាចជួយឲ្យអ្នកជោគជ័យ។

៥) ធ្វើឲ្យអ្នករកឃើញភាពវិជ្ជមាន៖
ក្នុងភាពអវិជ្ជមានតែងតែមានភាពវិជ្ជមាន។ ការមានសត្រូវច្រើនធ្វើឲ្យអ្នកអាចផ្ដោតទៅលើភាពដែលអាចទៅរួច និងរឿងវិជ្ជមានជាច្រើនក្នុងជីវិតរបស់អ្នក។ អ្នកតែងតែបដិសេធអ្វីដែលល្អៗក្នុងជីវិតរបស់អ្នក ក៏ព្រោះតែអ្នកព្រួយបារម្ភ ខ្វល់ខ្វាយពីសត្រូវរបស់អ្នកច្រើនពេក។ ប៉ុន្តែវាជារឿងដែលអាចទៅរួចដែលអ្នកគួរទទួលយកដើម្បីឲ្យអ្នកមានគំនិតវិជ្ជមាន។

៦) រៀនពីទំនាក់ទំនងបែកបាក់៖
ជួនកាលហេតុផលដែលធ្វើឲ្យអ្នកមានសត្រូវគឺប្រហែលជាអ្វីដែលអ្នកមិនដឹង។ អ្នកប្រហែលជាមិនដឹងពីមូលហេតុដែលធ្វើឲ្យទំនាក់ទំនងរបស់អ្នកបែកបាក់ ប៉ុន្តែសត្រូវរបស់អ្នកនឹងជួយអ្នកឲ្យដឹងថាតើការបែកបាក់ទំនងទំនងរវាងមនុស្សម្នាក់និងមនុស្សមា្នក់ទៀតវាយ៉ាងម៉េច។ ទំនាក់ទំនងជាមួយសត្រូវរបស់អ្នកនឹងធ្វើឲ្យអ្នកកាន់តែយល់ច្បាស់ពីហេតុផលនៃការបែកបាក់ទំនាក់ទំនង។ វាអាចជួយអ្នកក្នុងការផ្សះផ្សារទំនាក់ទំនងរបស់អ្នក។ ការយល់ច្រលំនឹងកើតឡើង ដូចនេះអ្នកនឹងរៀនពីបទពិសោធន៍ទាំងនេះដើម្បីយកទៅដោះស្រាយថ្ងៃក្រោយ។

៧) ការស្អប់នាំរឿងមិនល្អ៖
ការស្អប់មានតែនាំយកភាពស្មុគស្មាញ និងនាំយកនូវរឿងមិនល្អដល់អ្នក។ ប្រសិនបើអ្នកពិតជាចង់មានជីវិតមួយដ៏មានន័យ អ្នកត្រូវបោះចោលនូវការខឹងស្អប់របស់អ្នកជាបន្ទាន់។ ការស្អប់គឺមិនល្អនោះទេ ដូចនេះអ្នកត្រូវតែយកឈ្នះការស្អប់ឲ្យបាន ទើបជីវិតរបស់អ្នកស្រស់ថ្លា៕

ចុចអាន៖ ម្រង​​​គតិ​មាស​ទាំង ​​៦​ឃ្លា​ របស់​​​លោក​យាយ​​ Mother Teresa ​​ដើម្បី​​បណ្តុះ​សេចក្តី​ស្រលាញ់​​​​ក្នុង​ជីវិត 

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មហាសេដ្ឋី​ Bill Gates៖ ​​បើ​មាន​លក្ខណៈ​ទាំង​​ ៥​នេះ​​​​គឺ​ធានា​ថា​បាន​ជោគជ័យ​

​មហាសេដ្ឋី​ចិន​ ​លោក​ ចេក​ ម៉ា (Jack Ma) ៖ ក្មេង​ជំនាន់​ក្រោយ​ត្រូវ​ចាំ​ទុក​ ចំណុច​ទាំង​៤​នេះ

សេដ្ឋី​វ័យ​២៦ឆ្នាំ​​​លោក​ Brian Wong ​ថា ជីវិត​ជោគជ័យ​មិន​អាច​ខ្វះ​ចំណុច​ពីរ​យ៉ាង​នេះ​​ឡើយ

​គន្លឹះ​សន្សំ​លុយ​ពី​មហាសេដ្ឋី​មាន​ៗ​​​ក្នុង​លោក​សម្រាប់​លោក​អ្នក​ចង់​​​ក្លាយ​ជា​អ្នក​មានដែរ​

អត្ថបទពាណិជ្ជកម្ម​

វីង សហការជាមួយ Western Union ដើម្បីពង្រីកសេវាផ្ទេរប្រាក់អន្តរជាតិ

ព្រឹត្តិការណ៍ដ៏ធំ នៅខេត្តសៀមរាប

វីង​ បានឈ្នះពានរង្វាន់ “សហគ្រាសសង្គម ដែលមាននិរន្តភាព”និង “សហគ្រាសខ្នាតតូចនិងមធ្យម ដែលមានការរីកចម្រើន” នៅក្នុងកម្មវិធីពានរង្វាន់ធុរកិច្ចអាស៊ាន ប្រចាំឆ្នាំ ២០១៨

ឱកាសដ៏ពិសេសបំផុត ពី LG BrandShop ក្នុងឱកាល ពិធីបុណ្យអុំទូក នេះ !!

អានអត្ថបទតាមខែ

November 2018
M T W T F S S
« Oct    
 1234
567891011
12131415161718
19202122232425
2627282930