អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > សកម្មភាព​ទាំង ​៤​ដែល​អ្នក​អាច​ធ្វើ​នៅ​ពេល​ទំនេរ​​ និងមានផលល្អចំពោះ​សុខភាព​របស់​អ្នក

សកម្មភាព​ទាំង ​៤​ដែល​អ្នក​អាច​ធ្វើ​នៅ​ពេល​ទំនេរ​​ និងមានផលល្អចំពោះ​សុខភាព​របស់​អ្នក

ប្រ​ភព៖​​ pixabay.com

សកម្មភាព​ដែល​យើង​ធ្វើ​នៅ​ពេល​ទំនេរ​គឺជា​ផ្នែក​មួយ​ដ៏​សំខាន់​នៅ​ក្នុង​ជីវិត​របស់​យើង ព្រោះ​ថា​វា​គឺជា​សកម្មភាព​ដែល​អាច​ឲ្យ​យើង​កម្សាន្ត​លំហែ​កាយ​និង​ចិត្ត សម្រាប់​ធ្វើ​អ្វី​ដែល​យើង​ចូលចិត្ត​ធ្វើ បន្ទាប់​ពី​ទំនេរ​ពី​ការងារ​ឬ​ការសិក្សា។ ទោះ​ជាយ៉ាងណា វា​រឹតតែ​ប្រសើរ​ទៅ​ទៀត បើ​សិន​ជា​សកម្មភាព​ដែល​យើង​ចូលចិត្ត​ធ្វើ​នៅ​ពេល​ទំនេរ​ក៏​ជា​សកម្មភាព​ដែល​មាន​អត្ថប្រយោជន៍​ចំពោះ​សុខភាព​ផង​ដែរ​នោះ។ ខាងក្រោម​នេះ​ដែរ​គឺជា​សកម្មភាព​ទាំង​៤​ដែល​អ្នក​អាច​ធ្វើ​នៅ​ពេល​ទំនេរ​និង​ថែមទាំង​ល្អ​ចំពោះ​សុខភាព​របស់​អ្នក៖

១) រាំ៖ ការ​រាំ​គឺជា​សកម្មភាព​ហាត់ប្រាណ​មួយ​បែប​ដែល​មាន​លក្ខណៈ​កម្សាន្ត​រីករាយ និង​មាន​អត្ថប្រយោជន៍​ចំពោះ​សុខភាព​អ្នក​ទៀត​ផង។ ការ​រាំ​គឺជា​ការ​ធ្វើ​លំហាត់​ប្រាណ​របស់​បេះដូង ដែល​មូលហេតុ​នេះ​ហើយ​វា​នឹង​ធ្វើឲ្យ​បេះដូង​របស់​អ្នក​កាន់តែ​មាន​សុខភាព​ល្អ បង្កើន​ថាមពល និង​ពង្រឹង​ឆ្អឹង​និង​សាច់ដុំ​ឲ្យ​កាន់តែ​រឹងមាំ។ មួយ​វិញ​ទៀត ការ​រាំ​ក៏​ជួយ​បង្កើន​សុខភាព​ខួរក្បាល​ដែរ។ យោង​តាម​ការ​សិក្សា​មួយ​របស់ the New England Journal of Medicine បាន​រក​ឃើញ​ពី​ទំនាក់ទំនង​រវាង​ការ​រាំ​និង​ការ​ធ្លាក់​ចុះ​នៃ​ហានិភ័យ​ពី​ជំងឺ​វង្វេង​ភ្លេចភ្លាំង​ចំនួន​៧៦%។

២) ការ​ដាំ​ដុះ​ដំណាំ៖ ការ​ដាំ​ដុះ​ដំណាំ​អាច​មិនមែន​ជា​ប្រភេទ​នៃ​ការ​ហាត់ប្រាណ ប៉ុន្តែ​សកម្មភាព​ដែល​អ្នក​ដាំដុះ ដក​ស្មៅ ស្រោច​ទឹក និង​លើក​កាន់​សម្ភារ​ផ្សេងៗ ចាត់​ទុក​ថា​ជា​ការ​ធ្វើ​លំហាត់​ប្រាណ​ដៃជើង​របស់​អ្នក​ដែរ ដែល​សកម្មភាព​ទាំងនេះ​នឹង​ជួយ​បង្កើន​ភាព​រហ័សរហួន​របស់​អ្នក ជួយ​សាច់ដុំ​និង​បង្កើន​ថាមពល​របស់​អ្នក។ ម្យ៉ាងទៀត ការ​ចេញ​ទៅ​ខាងក្រៅ​ក៏​ល្អ​សម្រាប់​អ្នក​ដែរ ហើយ​ការ​ដាំដុះ​ដំណាំ​ជា​ប្រចាំ​ថ្ងៃ​ក៏​ត្រូវ​បាន​ការ​សិក្សា​មួយ​រក​ឃើញ​ពី​ទំនាក់ទំនង​របស់​វា​ជាមួយ​នឹង​ការ​ចុះ​ថយ​នៃ​ហានិភ័យ​ពី​ជំងឺ​វង្វេង​ភ្លេចភ្លាំង​ប្រមាណ​៣៦%​ដែរ។

៣) ការ​សរសេរ៖ មាន​មនុស្ស​ជាច្រើន​បាន​ប្រើប្រាស់​ការ​សរសេរ​ដើម្បី​បញ្ចេញ​អារម្មណ៍​របស់​ពួកគេ ដែល​មិន​អាច​បញ្ចេញ​ទៅ​កាន់​អ្នកដទៃ​ដោយ​ការ​និយាយ​បាន។ ការ​សរសេរ​ត្រូវ​បាន​គេ​រក​ឃើញ​ថា​អាច​ជួយ​បន្ធូរ​ភាព​តានតឹង​ឬ​ស្ត្រេស និង​វិបត្តិ​ផ្លូវ​ចិត្ត​ដែល​មាន​ដូចជា​ការ​ធ្លាក់​ទឹកចិត្ត​ជាដើម​នេះ។

៤) ចិញ្ចឹម​សត្វ៖ ការ​ចិញ្ចឹម​សត្វ​អាច​កាត់បន្ថយ​សម្ពាធ​ឈាម កម្រិត​កូឡេស្តេរ៉ុល កាត់បន្ថយ​អារម្មណ៍​ឯកា​របស់​អ្នក​ចិញ្ចឹម​សត្វ​បាន។ ពួក​វា​អាច​ធ្វើ​ជា​មិត្ត​សំឡាញ់​ដ៏​ល្អ​របស់​អ្នក ដែល​អាច​ជួយ​បន្ធូរ​អារម្មណ៍​អ្នក​ឲ្យ​ល្អ​បាន៕

ដោយ៖ ស្រីពៅ

សូមអាន៖ ទាំងនេះគឺជា​ទម្លាប់​៤យ៉ាង​ដែល​អ្នក​គួរ​មាន​ចំពោះ​ហិរញ្ញវត្ថុ​របស់​អ្នក

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មហាសេដ្ឋី​ Bill Gates៖ ​​បើ​មាន​លក្ខណៈ​ទាំង​​ ៥​នេះ​​​​គឺ​ធានា​ថា​បាន​ជោគជ័យ​

​មហាសេដ្ឋី​ចិន​ ​លោក​ ចេក​ ម៉ា (Jack Ma) ៖ ក្មេង​ជំនាន់​ក្រោយ​ត្រូវ​ចាំ​ទុក​ ចំណុច​ទាំង​៤​នេះ

សេដ្ឋី​វ័យ​២៦ឆ្នាំ​​​លោក​ Brian Wong ​ថា ជីវិត​ជោគជ័យ​មិន​អាច​ខ្វះ​ចំណុច​ពីរ​យ៉ាង​នេះ​​ឡើយ

​គន្លឹះ​សន្សំ​លុយ​ពី​មហាសេដ្ឋី​មាន​ៗ​​​ក្នុង​លោក​សម្រាប់​លោក​អ្នក​ចង់​​​ក្លាយ​ជា​អ្នក​មានដែរ​

អត្ថបទពាណិជ្ជកម្ម​

វីង សហការជាមួយ Western Union ដើម្បីពង្រីកសេវាផ្ទេរប្រាក់អន្តរជាតិ

ព្រឹត្តិការណ៍ដ៏ធំ នៅខេត្តសៀមរាប

វីង​ បានឈ្នះពានរង្វាន់ “សហគ្រាសសង្គម ដែលមាននិរន្តភាព”និង “សហគ្រាសខ្នាតតូចនិងមធ្យម ដែលមានការរីកចម្រើន” នៅក្នុងកម្មវិធីពានរង្វាន់ធុរកិច្ចអាស៊ាន ប្រចាំឆ្នាំ ២០១៨

ឱកាសដ៏ពិសេសបំផុត ពី LG BrandShop ក្នុងឱកាល ពិធីបុណ្យអុំទូក នេះ !!

អានអត្ថបទតាមខែ

November 2018
M T W T F S S
« Oct    
 1234
567891011
12131415161718
19202122232425
2627282930