អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ​គុណសម្បត្តិ ​៣​យ៉ាង​ដែលកើតមានចំពោះ​ខួរក្បាល​របស់​អ្នក នៅពេលទទួលទានរមៀត

​គុណសម្បត្តិ ​៣​យ៉ាង​ដែលកើតមានចំពោះ​ខួរក្បាល​របស់​អ្នក នៅពេលទទួលទានរមៀត

ប្រ​ភព៖​​ pixabay.com

រមៀត​គឺជា​ម្សៅ​ក្រអូប​ដែល​មាន​ពណ៌​លឿង ដែល​ត្រូវ​បាន​ប្រជាជន​យើង​និយម​ប្រើប្រាស់​ធ្វើ​ជា​គ្រឿងទេស​សម្រាប់​ចម្អិន​សម្ល​ការី។ មក​ទល់​ពេល​នេះ​មាន​អ្នក​វិទ្យាសាស្ត្រ​ជាច្រើន​បាន​រក​ឃើញ​អត្ថប្រយោជន៍​របស់​រមៀត​ដែល​មាន​ច្រើន​យ៉ាង​ចំពោះ​សុខភាព​របស់​មនុស្ស។ ខាងក្រោម​នេះ​គឺជា​គុណសម្បត្តិ​៣​យ៉ាង​ដែល​ការ​ទទួលទាន​រមៀត​មាន​ទៅលើ​ខួរក្បាល​របស់​អ្នក៖

១) ការពារ​ខួរក្បាល​របស់​អ្នក​ពី​ជំងឺ​វង្វេង​ភ្លេចភ្លាំង៖ កត្តា​ដ៏​ចម្បង​បំផុត​ដែល​នាំឲ្យ​មនុស្ស​មាន​ជំងឺ​វង្វេង​ភ្លេចភ្លាំង​គឺជា​កត្តា​អាយុ​ច្រើន។ ជំងឺ​នេះ​ច្រើន​កើត​ទៅលើ​មនុស្ស​ចាស់​ដែល​មាន​អាយុ​ចាប់​ពី​៦៥​ឆ្នាំ​ឡើង​ទៅ។ បញ្ហា​ដ៏​សំខាន់​គឺ​នៅ​ត្រង់​ថា​អ្នក​វិទ្យាសាស្ត្រ​មិន​ទាន់​អាច​ស្វែងរក​វិធី​ព្យាបាល​ជាទូទៅ​មួយ​សម្រាប់​ជំងឺ​វង្វេង​ភ្លេចភ្លាំង​នេះ​បាន​នៅ​ឡើយ។ ប៉ុន្តែ នៅ​ក្នុង​ការ​សិក្សា​មួយ​របស់​អ្នក​វិទ្យាសាស្ត្រ​២រូប​ដែល​បាន​ចេញ​ផ្សាយ​នៅ​ក្នុង​សារព័ត៌មាន Annals of Indian Academy of Neurology បាន​រក​ឃើញ​ថា រមៀត​អាច​ទប់ទល់​ជាមួយ​នឹង​រោគសញ្ញា​ទូទៅ​របស់​ជំងឺ​វង្វេង​ភ្លេចភ្លាំង និង​អាច​បង្កើន​ការ​ចងចាំ​របស់​អ្នក​ជំងឺ​វង្វេង​ភ្លេចភ្លាំង​ថែម​ទៀត​ផង។ ពួកគេ​ក៏​បាន​បន្ថែម​ថា វា​អាច​ក្លាយ​ជា​ក្ដី​សង្ឃឹម​មួយ​សម្រាប់​ព្យាបាល​ជំងឺ​វង្វេង​ភ្លេចភ្លាំង​នេះ។

២) បង្កើន​ការ​លូតលាស់​នៃ​កោសិកា​ខួរក្បាល៖ មាន​ការ​សិក្សា​ជាច្រើន​បាន​រក​ឃើញ​ថា សមាសធាតុ​ផ្សំ​មួយ​ប្រភេទ​នៅ​ក្នុង​រមៀត​ដែល​មាន​ឈ្មោះ​ថា aromatic-turmerone អាច​បង្កើន​ការ​លូតលាស់​នៃ​កោសិកា​ខួរក្បាល​ច្រើន​រហូត​ដល់​ទៅ​៨០%។ បើ​សិន​ជា​ការ​សិក្សា​ទាំងនោះ​ពិត​ជា​ត្រឹមត្រូវ​មែន នោះ​ការ​ទទួលទាន​រមៀត​ជា​ប្រចាំ​នឹង​អាច​ការពារ​បាន​នូវ​ការ​ចុះ​ថយ​នៃ​សមត្ថភាព​គិត និង​ភាព​ចុះ​ខ្សោយ​នៃ​ដំណើរការ​ខួរក្បាល​ដែល​ជា​លទ្ធផល​ពី​ជំងឺ​ភ្លេចភ្លាំង។

៣) ព្យាបាល​ខួរក្បាល​របស់​អ្នក៖ អ្វី​ដែល​ពិសេស​ជាង​គេ​គឺ​រមៀត​បាន​ដើរ​តួ​ជា​ភ្នាក់ងារ​ការពារ​ខួរក្បាល​របស់​យើង។ ខួរក្បាល​របស់​យើង​ងាយ​នឹង​ទទួល​រង​ការ​ប៉ះពាល់​ណាស់។ ឧទាហរណ៍​ដូចជា​នៅ​ពេល​អ្នក​មាន​គ្រោះថ្នាក់​ប៉ះ​ទង្គិច​នឹង​ក្បាល នោះ​ខួរក្បាល​របស់​អ្នក​នឹង​មាន​ការ​ខូចខាត។ ឬ​ក៏​ពេល​អ្នក​ទទួលទាន​គ្រឿង​ស្រវឹង នោះ​អ្នក​នឹង​ធ្វើឲ្យ​កោសិកា​ខួរក្បាល​របស់​អ្នក​ងាប់​បាន។ ដូច្នេះ​ហើយ​ការ​ទទួលទាន​រមៀត​ជា​ប្រចាំ​នឹង​អាច​ការពារ​និង​ព្យាបាល​ខួរក្បាល​អ្នក​នៅ​ពេល​មាន​ការ​ខូចខាត​កើតឡើង​បាន៕

ដោយ៖ ស្រីពៅ

សូមអាន៖ អាហារ​​ ៤​ប្រភេទ​ដែល​អាច​ប្រយុទ្ធ​ជាមួយ​នឹងភាព​អន្ទះអន្ទែង​​នៅ​ក្នុង​អារម្មណ៍​របស់​អ្នក​បាន

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ជំនាញ​សំខាន់​ៗ​ទាំង​ ៦​ របស់​គណនេយ្យករ​ ​Skill Set of Accountant?​ ដឹង​ថា​មាន​អ្វី​ខ្លះ​អត់?​

អ្នក​និពន្ធ​​ដ៏​ល្បី​ លោក​ ​​សន  ខូវិយ៍ (Sean Covey)៖ ​ទម្លាប់​អាក្រក់​៧​យ៉ាង​ ​​ធ្វើ​ឲ្យ​យុវជន​​​រក​មិន​ឃើញ​ភាព​ជោគជ័យ​ក្នុង​ជីវិត

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728