អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > Anussa បានរៀបចំកម្មវិធីការដាក់តាំងបង្ហាញអាជីវកម្មខ្នាតតូចនិងមធ្យមនៅកម្ពុជាេដោយជោគជ័យ

Anussa បានរៀបចំកម្មវិធីការដាក់តាំងបង្ហាញអាជីវកម្មខ្នាតតូចនិងមធ្យមនៅកម្ពុជាេដោយជោគជ័យ

ក្រុមហ៊ុន Anussa ដែលមានការឧបត្ថម្ភប្រចាំឆ្នាំដោយក្រុមហ៊ុនថ្នាំពណ៌ជាតិ CAMPAINT បានរៀបចំនៅកម្មវិធី SME Start Up ឬ កម្មវិធីការដាក់តាំងបង្ហាញអាជីវកម្មខ្នាតតូចនិងមធ្យមនៅកម្ពុជា ដែលបានប្រព្រឹត្តិទៅកាលពីថ្ងៃទី១និងទី២ ខែកញ្ញា ឆ្នាំ២០១៨កន្លងទៅនេះ​ប្រកប​ដោយ​ភាព​ជោគជ័យ​ នៅឯមជមណ្ឌលកោះពេជ្រ ដោយប្រព្រឹត្តិទៅក្រោមការអញ្ជើញចូលរួមជាអធិបតីភាពដោយឯកឧត្ដម ហេង សុខគង់ រដ្ឋលេខាធិការក្រសួងឧស្សាហកម្ម និងសិប្បកម្ម។  

នៅក្នុងព្រឹត្តិការណ៍នៃកម្មវិធី​នោះ​ ក៏មានដាក់តាំងបង្ហាញនូវផលិតផលក៏ដូចជាសេវាកម្មនានារបស់ក្រុមហ៊ុនដែលបានចូលរួមប្រមាណជាជាង៧០ក្រុមហ៊ុនមកពីវិស័យផ្សេងៗគ្នាជាច្រើនដូចជា វិស័យសិប្បកម្ម, កសិកម្ម, ស្ថាបត្យកម្ម, បច្ចេកវិទ្យា, អប់រំ, ទេសចរណ៍, ចំណីអាហារ, ដឹកជញ្ជូន, ធនាគារ, នាំចេញនាំចូល, ផ្សព្វផ្សាយ, ហិរញ្ញវត្ថុ, លក់រាយ និងអាជិវកម្មFranchiseផងដែរ ដែលសរុបមានប្រមាណជា១០០ស្ដង់។ និងមានការអញ្ជើញចូលរួមយ៉ាងច្រើនកុះករពីសំណាក់ភ្ញៀវជាតិនិងអន្តរជាតិរួមទាំងអ្នកសារព័ត៍មានក្នុងស្រុកដែលមកពីច្រើនស្ថាប័ណផ្សេងៗគ្នា។

ថ្លែងនៅក្នុងឱកាសនៃការចាប់ផ្ដើមបើកកម្មវិធីនេះផងដែរឯកឧត្ដម ហេង សុខគង់ រដ្ឋលេខាធិការក្រសួងឧស្សាហកម្ម និងសិប្បកម្ម បានលើកឡើងថា អាជីវកម្មខ្នាតតូចនិងមធ្យមនៅកម្ពុជាបានចូលរួមចំណែកក្នុង GDP កម្ពុជាជាង៣០% ដែលសព្វថ្ងៃសហគ្រាសនៅកម្ពុជាមានជាង៥២ម៉ឺនសហគ្រាស ដោយក្នុងនោះមាន ៩៩,៨ ភាគរយជាសហគ្រាសធនតូចនិងមធ្យម។ ​

នៅក្នុងកម្មវិធីពិព័រណ៌អាជីវកម្មខ្នាតតូច និងមធ្យមនៅកម្ពុជានេះផងដែរក៏មានកម្មវិធីប្រគល់នូវពានរង្វាន់សហគ្រិនឆ្នើមនៃកម្មវិធី ផ្លូវទៅស្រុកវគ្គ២ របស់ក្រុមហ៊ុនSabay ជូនដល់ម្ចាស់អាជីវកម្ម និងសិប្បកម្មគម្រូចំនួន៧រូបក្នុងចំណោមសហគ្រិនខ្មែរចំនួន៥០រូប ដែលទទួលបានការគាំទ្រយ៉ាងច្រើនពីទស្សនិកជន តាមរយៈការចេញផ្សាយជាអត្ថបទទំព័រមុខ និងវីដេអូរបស់ក្រុមហ៊ុន Sabay ដែលវីដេអូមានអ្នកចូលទស្សនារហូតជាង ៦០ម៉ឺនដង ចំណែកឯអត្ថបទវិញ មិនតិចជាង ១២ម៉ឺនដងឡើយ៕

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​បើ​ខ្សោយ​ខាង​ទំនាក់ទំនង​​ ​អ្នក​គួរ​ព្យាយាម​ពង្រឹង​វា​​តាមរយៈ​វិធី​​ទាំង​៦​ចំណុច​នេះ​!​

​អ្នក​ប្រាជ្ញ​ជនជាតិ​ក្រិក​ ​​​លោក​ អារីស្តូត​៖ ​​«​ឫសគល់​នៃ​ការ​អប់រំ​ ​គឺ​​ល្វីង​​ ​ប៉ុន្តែ​​​ផ្លែផ្កា​នៃ​ការ​អប់រំ​វិញ ​គឺ​ផ្អែម​`»

តើ​ធ្វើ​យ៉ាង​ណា​ទើប​អាជីវកម្មធន​​​តូច​របស់​អ្នក​អាច​រក​ចំណូល​បាន​ច្រើន​ជាង​មុន?

​អ្នក​ប្រាជ្ញ​ចិន​ ខុង​ជឺ​៖ ​«​​មនុស្ស​ដែល​​ហ៊ាន​សួរ​​នឹង​ល្ងង់​តែ​មួយ​នាទី ​តែ​បើ​មិន​ហ៊ាន​សួរ​វិញ ​នឹង​ល្ងង់​មួយ​ជីវិត​»

អត្ថបទពាណិជ្ជកម្ម​

ពានរង្វាន់ ICT កម្ពុជា ២០១៩ ផ្តោតជាចម្បងលើ «នវានុវត្តន៍លើវិស័យ ICT» សូមចាប់ផ្តើមចុះឈ្មោះចាប់ពីថ្ងៃនេះតទៅ

NYC Alpha Serum ព្យាបាលមុខមុន ស្នាមជ្រួញ ធ្វើអោយមុខសភ្លឺថ្លាតឹងរលោងក្នុងមួយសប្តាហ៍​

ត្រៀមកូនៗចូលប្រកួតក្នុងពិព័រណ៍កុមារហើយឬនៅ?

មកមើលការបញ្ចុះតម្លៃដ៏អស្ចារ្យលើផលិតផលកុមារនិងគ្រួសារជាង៥០០០មុខក្នុងពិព័រណ៍កុមារនិងគ្រួសារលើកទី៦!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031