អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > កាហ្វេត្រូវបានហាមឃាត់មិនឲ្យលក់ក្នុងសាលាក្នុង ប្រទេសកូរ៉េខាងត្បូង

កាហ្វេត្រូវបានហាមឃាត់មិនឲ្យលក់ក្នុងសាលាក្នុង ប្រទេសកូរ៉េខាងត្បូង

កាហ្វេគឺត្រូវបានហាមឃាត់មិនឲ្យលក់ក្នុងសាលាក្នុងប្រទេសកូរេខាងត្បូងបន្ទាប់ពីក្រោយពីមានការសម្រេចចិត្តមួយដែលធ្វើឡើងដោយក្រសួងចំណីអាហារ និងសុវត្តិភាពឱសថ (Ministry of Food and Drug Safety) នេះបើយោងតាមរបាយការណ៍មួយចេញផ្សាយក្នុងគេហទំព័រ Korea Times។

កាហ្វេជាច្រើនត្រូវបានលក់ចេញពីម៉ាស៊ីនលក់ស្វ័យប្រវត្តិ និងហាងអាហារមួយចំនួនក្នុងសាលា។ ប៉ុន្តែ ក្រសួងចំណីអាហារ និងសុវត្តិភាពឱសថមានការព្រួយបារម្ភអំពីផលប៉ះពាល់ទៅដល់សុខភាពរបស់កុមារ ដោយបង្ហាញពីភាពភ័យខ្លាចពីការប៉ះពាល់រយៈពេលវែងទៅលើសុខភាពរាងកាយ សុខភាពផ្លូវចិត្ត និងការប៉ះពាល់រយៈពេលខ្លីដូចជាវិលមុខ ចង្វាក់បេះដូងលោតញាប់ និងបញ្ហាការគេងជាដើម។

ផលិតផលអាហារដែលមានផ្ទុកជាតិកាហ្វេអ៊ីន និងអាហារដែលខ្វះជីវជាតិគឺត្រូវបានរឹតបន្ដឹង និងហាមឃាត់មិនឲ្យមានការលក់ដូរទេក្នុងសាលាក្នុងប្រទេសកូរ៉េខាងត្បូង។

កាហ្វេគឺជាភេសជ្ជៈដែលកំពុងតែពេញនិយមខ្លាំងក្នុងប្រទេសកូរ៉េខាងត្បូង ដោយឥឡូវមានប្រមាណជាង ១៨ ០០០ហាងកាហ្វេក្នុងទីក្រុងសេអ៊ូលតែឯង។ ទិន្នន័យបានបង្ហាញថាទីផ្សារកាហ្វេបានកើនឡើងយ៉ាងលឿនរហូតទៅដល់ ១១ ទ្រីលានវ៉ុន ដែលស្មើនឹង ៩.៩ ពាន់លានដុល្លារ (ប៊ីលានដុល្លារ)។

ការញ៉ាំកាហ្វេរបស់មនុស្សម្នាក់មានការកើនឡើងទ្វេរដងចាប់ពីឆ្នាំ ១៩៩០ ទៅ ២,៣ គីឡូក្រាម ត្រឹមឆ្នាំ ២០១៤។ បើប្រៀបធៀបទៅនឹងប្រទេសអាមេរិក មនុស្សម្នាក់ញ៉ាំកាហ្វេ ៤,៥គីឡូក្រាមក្នុងឆ្នាំ ២០១៤។

ក្នុងពិភពលោក កាហ្វេប្រមាណ ៧ ពាន់លានតោនត្រូវបានប្រើប្រាស់ក្នុងឆ្នាំ ២០១៦ នេះបើយោងតាម EuroMonitor International។ ប្រទេសប្រេស៊ីលគឺជាអ្នកញ៉ាំកាហ្វេធំជាងគេ តាមពីក្រោយដោយសហរដ្ឋអាមេរិក និងប្រទេសឥណ្ឌូនេស៊ី៕

ចុចអាន៖ អត្ថប្រយោជន៍ ​៦​យ៉ាង​ដែល​អ្នក​ទទួល​បាន​នៅ​ពេល​ទទួលទាន​កាហ្វេម្ដងៗ

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

​គំនិតអាជីវកម្ម​​ខ្នាតតូច​ទាំង​៧​ប្រភេទ​ ​​​​មិន​ទាមទារ​ដើមទុន​ខ្ពស់​ ​​ដែល​អ្នក​គួរ​សាកល្បង​

គ្រាន់​តែ​ចេះ​ភាសា​បរទេស​ទាំង​៤​នេះ​ អ្នក​នឹង​អាច​រក​លុយ​បាន​កាន់​តែ​ច្រើន​

​​កម្រង​គំនិត​សំខាន់ៗ​ ដែល​អ្នក​គួរ​រៀន​សូត្រ​ពី​ ​សូក្រាត​ (Socrates) អ្នក​ប្រាជ្ញ​របស់​ក្រិក​

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728