អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > សាលាមតេយ្យលំដាប់ថ្នាក់អន្តរជាតិ ទទួលស្គាល់ជាង ២០ប្រទេសមានវត្តមានជាផ្លូវការ នៅកម្ពុជា

សាលាមតេយ្យលំដាប់ថ្នាក់អន្តរជាតិ ទទួលស្គាល់ជាង ២០ប្រទេសមានវត្តមានជាផ្លូវការ នៅកម្ពុជា

សាលាមតេយ្យកម្រិតថ្នាក់ស្ដង់ដារអន្តរជាតិ ដែលមានស្ដង់ដារសិក្សារៀបចំដោយសាកលវិទ្យាល័យ ឃីងស្តុន (KINGSTON UNIVERSITY) ជាសាកលវិទ្យាល័យចំណាត់ថ្នាក់លេខមួយនៅប្រទេសអង់គ្លេសមានជំនាញខាងបណ្ដុះបណ្ដាលកុមារដំណាក់កាលដំបូង គឺសាលាមតេយ្យអង់គ្លេសអន្តរជាតិភីងហ្គូ Pingu’s English School ដែលត្រូវបានទទួលស្គាល់ជាង ២០ប្រទេស​ជុំវិញពិភពលោក និងមានសាខាចំនួន ១៦៥សាលានៅទូទាំងពិភពលោក ទើបតែបានបើកសម្ភោធដំណើរការជាផ្លូវការនៅកម្ពុជាកាលថ្ងៃទី១០ ខែកញ្ញា ឆ្នាំ២០១៨នេះ។

លោកស្រី សៀង សុដានីន នាយិកាសាលាមតេយ្យអង់គ្លេសអន្តរជាតិភីងហ្គូ Pingu’s English School ប្រចាំនៅកម្ពុជា បានទិញសិទ្ធិអាជីវកម្មសាលាអន្តរជាតិនេះចូលមកកម្ពុជា កាលពីខែកុម្ភៈ ឆ្នាំ២០១៨។ លោកស្រី បានសម្ដែងនៅសេចក្ដីសោមនស្សរីករាយយ៉ាងខ្លាំងនៅក្នុងឱកាសនៃការបើកសម្ពោធដាក់ឲ្យដំណើរការនៅសាលានេះ ដោយលោកស្រីបានលើកឡើងថា សាលាមតេយ្យអង់គ្លេសអន្តរជាតិភីងហ្គូ ជាសាលាដែលមានកម្មវិធីសិក្សាផ្អែកលើមូលដ្ឋាននៃការលេងកម្សាន្ត និងមានការបង្រៀនដោយគ្រូជនជាតិដើមអាមេរិកកាំង ដោយមានសិស្សមិនលើសពី១៥នាក់ឡើយនៅក្នុងថ្នាក់និមួយៗ។

ថ្លែងនៅក្នុងឱកាសនៃការបើកសម្ភោទនេះផងដែរ លោកជំទាវ គឹម សុថានី រដ្ឋលេខាធិការក្រសួងអប់រំយុវជននិងកីឡា បានមានប្រសាសន៍លើកឡើងថាបច្ចុប្បន្នសាលាមតេយ្យសិក្សានៅកម្ពុជាយើងមានប្រមាណជាជាង ៧ ០០០សាលា ដែលក្នុងនោះផងដែរមានសាលាមតេយ្យឯកជនប្រមាណជា ៤៥០សាលា ហើយចំណោមនោះគឺមានសាលាភីងហ្គូជាសាលាដែលមានស្ដង់ដារនៃការអប់រំខ្ពស់។

លោកជំទាវបានមានប្រសាសន៍បន្តថា ការអប់រំដែលមានសារៈសំខាន់បំផុតសម្រាប់ជីវិតរបស់មនុស្សគឺការអប់រំនៅពេលដែលកុមារនៅតូច គឺមានន័យថាការអប់រំកុមារចាប់ពីពេលដែលគេកើតរហូតដល់ក្រោមអាយុ៦ឆ្នាំ ហើយតាមរយៈការសិក្សាស្រាវជ្រាវ បានបង្ហាញថាក្នុងកំឡុងពេល១០០០ថ្ងៃក្រោយពិចាប់កំណើតគឺជាដំណាក់ការដែលលូតលាស់ខ្លាំងបំផុត សរីរាង្គនិងសតិបញ្ញារបស់កុមារគឺលូតលាស់លើសពីមនុស្សធម្មតារហូតដល់២ទៅ៣ដង។

យោងតាមសេចក្ដីប្រកាសព័ត៌មានរបស់សាលាខាងលើ បានឱ្យដឹងថា សាលាមត្តេយ្យនេះមានទទួលសិស្សឱ្យចូលរៀនចាប់ពីអាយុ ១.៨ ឆ្នាំដល់ ៦ឆ្នាំ ហើយកម្មវិធីសិក្សាមានបីភាសាគឺ អង់គ្លេស ខ្មែរ និងចិន។ ស្របពេលនឹងការបើកសម្ពោធនេះដែរ សាលាបានបញ្ចុះតម្លៃ ២៥%លើតម្លៃសិក្សា និងកញ្ចប់សិក្សាពិសេសពេញមួយឆ្នាំ ដែលផ្ដល់ជូន ១០០%លើការចុះឈ្មោះ រដ្ឋបាល សម្ភារៈសិក្សា ខោអាវ អាហារសម្រន់ និងទស្សនៈកិច្ចសិក្សារហូតដល់ចុងខែនេះ។

គួរបញ្ជាក់ផងដែរថា Pingu’s English School  ត្រូវបានទិញសិទ្ធិយកមកបង្រៀនភាសាអង់គ្លេសនៅក្នុងកម្មវិធី ទូរទស្សន៍ពីក្រុមហ៊ុនHIT Entertainment Limited កាលពីខែកុម្ភៈឆ្នាំ២០១៨ ហើយក្រោយមកក៏ទទួលបានពានរង្វាន់​កម្មវិធី​ទូរទស្សន៍ TV show ដែលទទួលបានការស្រលាញ់និងគាំទ្រយ៉ាងច្រើនពីកុមារ និងអាណាព្យាបាល និងត្រូវបានជ្រើសរើសក្នុងការបង្ហាញទៅកាន់សាកលលោកជាសាលាដែលមានសិលធម៌​ខ្ពស់៕

អត្ថបទ៖ ស្រីរ័ត្ន​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​បើ​ខ្សោយ​ខាង​ទំនាក់ទំនង​​ ​អ្នក​គួរ​ព្យាយាម​ពង្រឹង​វា​​តាមរយៈ​វិធី​​ទាំង​៦​ចំណុច​នេះ​!​

​អ្នក​ប្រាជ្ញ​ជនជាតិ​ក្រិក​ ​​​លោក​ អារីស្តូត​៖ ​​«​ឫសគល់​នៃ​ការ​អប់រំ​ ​គឺ​​ល្វីង​​ ​ប៉ុន្តែ​​​ផ្លែផ្កា​នៃ​ការ​អប់រំ​វិញ ​គឺ​ផ្អែម​`»

តើ​ធ្វើ​យ៉ាង​ណា​ទើប​អាជីវកម្មធន​​​តូច​របស់​អ្នក​អាច​រក​ចំណូល​បាន​ច្រើន​ជាង​មុន?

​អ្នក​ប្រាជ្ញ​ចិន​ ខុង​ជឺ​៖ ​«​​មនុស្ស​ដែល​​ហ៊ាន​សួរ​​នឹង​ល្ងង់​តែ​មួយ​នាទី ​តែ​បើ​មិន​ហ៊ាន​សួរ​វិញ ​នឹង​ល្ងង់​មួយ​ជីវិត​»

អត្ថបទពាណិជ្ជកម្ម​

ពានរង្វាន់ ICT កម្ពុជា ២០១៩ ផ្តោតជាចម្បងលើ «នវានុវត្តន៍លើវិស័យ ICT» សូមចាប់ផ្តើមចុះឈ្មោះចាប់ពីថ្ងៃនេះតទៅ

NYC Alpha Serum ព្យាបាលមុខមុន ស្នាមជ្រួញ ធ្វើអោយមុខសភ្លឺថ្លាតឹងរលោងក្នុងមួយសប្តាហ៍​

ត្រៀមកូនៗចូលប្រកួតក្នុងពិព័រណ៍កុមារហើយឬនៅ?

មកមើលការបញ្ចុះតម្លៃដ៏អស្ចារ្យលើផលិតផលកុមារនិងគ្រួសារជាង៥០០០មុខក្នុងពិព័រណ៍កុមារនិងគ្រួសារលើកទី៦!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031