អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ៥ កម្មវិធី (App) អាច​​ជួយ​​បង្កើត​សមត្ថភាព​សិក្សា​របស់​ សិស្ស-និស្សិត​បាន!

៥ កម្មវិធី (App) អាច​​ជួយ​​បង្កើត​សមត្ថភាព​សិក្សា​របស់​ សិស្ស-និស្សិត​បាន!

ដើម្បីបន្ថែមបទពិសោធន៍ថ្មីនៅលើស្មាតហ្វូនរបស់លោកអ្នកទៀតនោះ គួរជ្រើសរើសកម្មវិធី (app) ដែលជួយសម្រួលកិច្ចការផ្សេងៗ មិនថា បណ្ដាញសង្គមសម្រាប់ភ្ជាប់ទំនាក់ទំនង កម្មវិធីសម្រាប់គ្រប់គ្រងហិរញ្ញវត្ថុ ឬកម្មវិធីជួយដោះស្រាយលំហាត់ និងសម្រួលដល់កិច្ចការសាលារៀន ក្នុងវ័យជានិស្សិតនោះទេ។ ទំព័រនេះ យើងសូមលើកយកកម្មវិធីល្អៗចំនួន ៥ ដែលស័ក្ដិសមបំផុតសម្រាប់សិស្សនិស្សិតទាំងថ្នាក់មធ្យមសិក្សា និងបរិញ្ញាបត្រ ដែលអាចជាជំនួយការដល់ការសិក្សារបស់អ្នកបានរឹតតែប្រសើរ។

១) iHomework

កម្មវិធីនេះមានអត្ថប្រយោជន៍អាចឱ្យអ្នកប្រើរៀបចំការងាររៀនសូត្ររបស់ខ្លួនបានត្រឹមត្រូវ ជាក់ស្ដែងដូចជាការកំណត់កាលវិភាគមុខវិទ្យា រួមទាំងឈ្មោះគ្រូបង្រៀន ទីតាំង និងពេលវេលា។ iHomework ថែមទាំងអាចឱ្យអ្នកធ្វើការទាក់ទងរវាងមិត្តរួមថ្នាក់តាមឧបករណ៍ដូចជា iPhone, iPod touch, iPad ឬ MacBook ក៏បាន។ លើសពីការកត់ត្រាកាលវិភាគ កម្មវិធីនេះក៏អាចរៀបចំកិច្ចការ សាលានានា និងបញ្ចូលកិច្ចការផ្សេងៗជាច្រើនទៀតបាន។ iHomework អាចដំណើរការបាននៅលើ ប្រព័ន្ធប្រតិបត្តិការ iOS។ឮ

សម្រាប់ iOS មានតម្លៃ ១,៤៩ដុល្លារ | Download

២) iFormulas

កម្មវិធីនេះមានចំណុចពិសេសនៅត្រង់បង្កប់ដោយរូបមន្តត្រីកោណមាត្រ, ពីជគណិត, រូបវិទ្យា, គីមីវិទ្យា, រូបមន្តពាក់ព័ន្ធការគណនា និងរូបមន្តអគ្គិសនីជាដើម ដែលអាចជាសារប្រយោជន៍ខ្លាំងសម្រាប់សិស្សនិស្សិតទន្ទេញ និងប្រើប្រាស់បាន។ សម្រាប់គណិតវិទ្យា និងមុខវិទ្យាវិទ្យាសាស្ត្រ កម្មវិធីនេះគឺមានសមត្ថភាពខ្ពស់បំពេញតួនាទីប៉ិនប្រសព្វ។ iFormulas អាចដំណើរការបាននៅលើប្រព័ន្ធប្រតិបត្តិការ iOS។

សម្រាប់ iOS ឥតគិតថ្លៃ | Download

រីឯ HomeWork គឺមានលក្ខណៈពិសេសដូច iHomework ដែរ ប៉ុន្តែ HomeWork សម្រាប់ដំណើរការលើប្រព័ន្ធប្រតិបត្តិការ Android បាន។ HomeWork អនុញ្ញាតឱ្យអ្នកប្រើកត់ត្រាទុកនូវរាល់កិច្ចការសាលា ក៏ដូចជាឆែកមើលកាលវិភាគ ហើយពិនិត្យមើលពីចំនួនកិច្ចការសេសសល់ដែលត្រូវបំពេញ។

សម្រាប់ Android ឥតគិតថ្លៃ | Download

៣) Dictionary.com
កម្មវិធីវចនានុក្រមនេះផ្ទុកនូវនិយមន័យ និងន័យដូច សរុបប្រមាណជាង ២.០០០.០០០ពាក្យ ហើយជាប្រភេទកម្មវិធីមិនត្រូវការភ្ជាប់អ៊ីនធឺណិតនោះទេ (Offline Dictionary)។ មិនតែប៉ុណ្ណោះ Dictionary.com ក៏មានសំឡេងប្រកប (audio pronunciation), ស្វែងរកដោយប្រើសំឡេង (voice search) និងជាច្រើនទៀត។ កម្មវិធីនេះផ្ដល់អត្ថប្រយោជន៍ច្រើនដល់សិស្សនិស្សិតសម្រាប់ឆែកមើលនិយមន័យផ្សេងៗ។ Dictionary.com អាចដំណើរការបាននៅលើ Android និង iOS។

សម្រាប់ iOS ឥតគិតថ្លៃ | Download

សម្រាប់ Android ឥតគិតថ្លៃ | Download

៤) CueBrain

ប្រសិនអ្នកកំពុងសិក្សាភាសា កម្មវិធី CueBrain នេះគឺជាជម្រើសធ្វើជាមិត្តល្អបំផុតរបស់អ្នកបាន។ CueBrain ជាកម្មវិធីផ្ដល់ភាពសប្បាយរីករាយ ក្នុងការរៀនភាសា ជាមួយ flashcard និងមានបញ្ហាដែលត្រូវប្រឈម។ ក្នុងនោះអ្នកអាចរៀនភាសាជាច្រើនដូចជា៖ ភាសាចិន, អាល្លឺម៉ង់, អ៊ីតាលី, ជប៉ុន, ឆែក, ហុឡង់ដ៍, បារាំង, ក្រិកហុងគ្រី, អៀរឡង់, កូរ៉េ, ព័រទុយហ្គាល់, រ៉ូម៉ានី, រុស្សី, ស្លូវ៉ាគី, អេស្ប៉ាញ និងភាសាស៊ុយអែត។ កម្មវិធីនេះអាចដំណើរការបាននៅលើ Android និង iOS។

សម្រាប់ iOS ឥតគិតថ្លៃ | Download

សម្រាប់ Android ឥតគិតថ្លៃ | Download

៥) Wikipedia

កម្មវិធី wikipedia ផ្ដល់អត្ថប្រយោជន៍ដល់អ្នកដែលមានចំណូលចិត្តខាងស្រាវជ្រាវប្រវត្តិស្ថាប័ន មនុស្ស វត្ថុ ទីកន្លែង ឬសូម្បីតែសត្វ។ លើសពីនេះ Wikipedia ប្រៀបបាននឹងបណ្ណាល័យសម្រាប់ផ្ដល់ជំនួយលើការសិក្សាស្រាវជ្រាវផ្សេងៗ រួមទាំងនិយមន័យរាប់ជំពូក ហើយក៏មានពាក់ព័ន្ធនឹងវិស័យអប់រំផងដែរ។ បច្ចុប្បន្នសព្វវចនាធិប្បាយដែលមានការទទួលស្គាល់ទូទាំងសកលលោកនេះ មានអត្ថបទសរុបច្រើនជាង ២០លានហើយ។ កម្មវិធី Wikipedia ក៏អាចឱ្យអ្នកប្រើរក្សាទុក (Save) អត្ថបទដើម្បីអាននៅពេលក្រោយ ចែករំលែកអត្ថបទល្អ និងអាចអានបានជាមួយភាសាខុសៗគ្នាជាច្រើន។

កម្មវិធីសព្វវចនាធិប្បាយសម្រាប់ទូរស័ព្ទនេះ អាចដំណើរការបាននៅលើប្រព័ន្ធប្រតិបត្តិការ Android និង iOS។

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31