អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > ក្រុមហ៊ុន Facebook ស្ថិតនៅក្រោមការសើបអង្កេតទាក់ទងនឹងកិច្ចព្រមព្រៀងផ្ដល់ទិន្នន័យអ្នកប្រើប្រាស់ឲ្យក្រុមហ៊ុនដទៃ

ក្រុមហ៊ុន Facebook ស្ថិតនៅក្រោមការសើបអង្កេតទាក់ទងនឹងកិច្ចព្រមព្រៀងផ្ដល់ទិន្នន័យអ្នកប្រើប្រាស់ឲ្យក្រុមហ៊ុនដទៃ

ភ្នាក់ងារសារព័តមាន The New York Time បានអោយដឹងថា សមាជិកនៃក្រុមព្រះរាជអាជ្ញាសហរដ្ឋអាមេរិកបានបើកការសើបអង្កេតករណីកិច្ចព្រមព្រៀងចែកចាយទិន្នន័យរបស់អ្នកប្រើប្រាស់ ដែលធ្វើឡើងរវាងក្រុមហ៊ុន Facebook និងក្រុមហ៊ុនផលិតឧបករណ៍ចល័តផ្សេងៗដូចជា ស្មាតហ្វូន (smartphone)និង ថេបឡិត (tablet) ជាដើម ។

យោងទៅតាមការសើបអង្កេតក្នុងករណីចែកចាយនូវទិន្នន័យអ្នកប្រើប្រាស់នេះ ភ្នាក់ងារសារព័តមាន The New York Time កាលពី ខែមិថុនា បានរាយការណ៍ថា ក្រុមហ៊ុន Facebook បានអនុញ្ញាតឲ្យក្រុមហ៊ុនផលិតនូវឧបរកណ៍ចល័តមានដូចជា ក្រុមហ៊ុន Apple, Amazon និង Microsoft អាចចូលមើលទិន្នន័យផ្ទាល់ខ្លួនរបស់អ្នកប្រើប្រាស់ រួមមានតារាងមិត្តភ័ក្ដ ព័តមានទំនាក់ទំនង និងជាពិសេសសារទំនាក់ទំនងឯកជន ដោយគ្មានការអនុញាតពីអ្នកប្រើប្រាស់ ។

តាមសេចក្ដីរាយការណ៍បានឲ្យដឹងថា សមាជិកនៃក្រុមជំនុំជំរះវិនិច្ឆ័យក្នុងទីក្រុង New York បានដាក់ដីកាកោះហៅឲ្យចូលខ្លួនស្រាយបំភ្លឺក្នុងករណីដែលត្រូវបានគេចោតប្រកាន់ខាងលើទៅតុលាការរួចហើយ ក្នុងនោះមានយ៉ាងតិចក្រុមហ៊ុនស្មាតហ្វូនចំនួនពីរ និងក្រុមហ៊ុនផលិតឧបករណ៍ផ្សេងៗទៀតដែលជាប់ពាក់ព័ន្ធ។

អ្នកនាំពាក្យម្នាក់របស់ក្រុមហ៊ុន Facebook បានប្រាប់ The Times ថា “ យើង (ក្រុមហ៊ុនFacebook) កំពុងធ្វើការសហការណ៍គ្នាជាមួយក្រុមអ្នកសើបអង្កេត និងបានធ្វើការសើបសួរក្នុងករណីនេះយ៉ាងសកម្ម ព្រមទាំងបានធ្វើការប្រកាសជាសាធារណៈ ហើយបានសន្យាថានឹងនៅតែបន្តសហការណ៍ក្នុងករណីនេះ“
ព័តមាននៃការសើបអង្កេតពីបញ្ហានេះ គឺជាករណីថ្មីមួយទៀតរបស់ Facebook ក្នុងចំណោមករណីផ្សេងទៀតដែលជាប់ទាក់ទងនឹងការផ្ដល់ទិន្នន័យឯកជនរបស់មនុស្សប្រមាណជាពីរពាន់លាននាក់ ( 2,000,000,000 នាក់) របស់អ្នកប្រើប្រាស់ក្នុងបណ្ដាញសង្គមយក្សមួយនេះ ។

ក្រុមហ៊ុន Facebook បាននឹងកំពុងខិតខំប្រឹងប្រែងដោះស្រាយយ៉ាងខ្លាំងដើម្បីធ្វើឲ្យ Facebook មានភាពល្អប្រសើរឡើងវិញ និងបញ្ហាដែលទាក់ទងនឹងការបើកឲ្យក្រុមហ៊ុន Cambridge Analytica ចូលមើលទិន្នន័យឯកជនផ្ទាល់ខ្លួនជាច្រើនរបស់អ្នកប្រើប្រាស់ ហើយបាននឹងមានភស្តុតាងជាច្រើនដែលបង្ហាញពីរបៀបនៃការប្រើប្រាស់បណ្ដាញសង្គមមួយនេះដើម្បីធ្វើការចែកចាយព័ត៌មានមិនពិតក្នុងកំឡុងពេលការបោះឆ្នោតជ្រើសរើសបេក្ខភាពប្រធានាធិបតីសហរដ្ឋអាមេរិកនាឆ្នាំ ២០១៦ កន្លងទៅ ។

ភាគហ៊ុនរបស់ក្រុមហ៊ុន Faceook មានការធ្លាក់ចុះ ១.៥ ភាគរយ (1.5%) តែប៉ុន្មានម៉ោងប៉ុណ្ណោះកាលពីថ្ងៃពុធកន្លងទៅ។

គួរគូសបញ្ចាក់ផងដែលថា មានបញ្ហាមួយផ្សេងទៀតដែលបានកើតឡើងនាពេលថ្មីៗនេះគឺ ក្នុងបណ្ដាញសង្គមរបស់ក្រុមហ៊ុន Facebook បានទទួលរងនូវបញ្ហាមួយយ៉ាងអាក្រក់បំផុតក្នុងប្រវត្តិសាស្ត្រនោះគឺ កាលពីថ្ងៃពុធកន្លងមកនេះមានការគាំងមិនដំណើរការ ដែលបានធ្វើឲ្យអ្នកប្រើប្រាស់ និងអ្នកផ្សព្វផ្សាយពាណិជ្ជកម្មមិនអាចចូលទៅក្នុងកម្មវិធី ឬវេបសាយ Facebook បានអស់រយៈពេលជាច្រើនម៉ោង ។

ក្រុមហ៊ុន Faceook កំពុងអាចប្រឈមនឹងការបង់ពិន័យជាប្រាក់ចំនួនរាប់ពាន់លានដុល្លារ ដើម្បីដោះស្រាយបញ្ចប់លើបញ្ហានៃការសើបអង្កេតករណីលួចផ្ដល់ទិន្នន័យដោយគ្មានការអនុញាតនេះ។

ទាក់ទងនឹងការសាកសួរក្នុងករណីបទឧក្រិដ្ធនេះវិញ កាលពីថ្ងៃពុធនេះយ៉ោងទៅតាមប្រភពដែលសុំមិនបញ្ចេញអត្តសញ្ញាញដែលរាយការណ៍ដោយការសែត The New York Time បានឲ្យដឹងថា វាពុំមានភាពច្បាស់លាស់ណាមួយនោះទេ អំពីការសាកសួររបស់ក្រុមព្រះរាជអាជ្ញាសហរដ្ឋអាមេរិក ថាបានផ្ដោតសួរទៅលើពីបញ្ហាអ្វីខ្លះ និងបានកើតឡើងតាំងពីពេលណានោះទេ៕

ដោយ៖ វឌ្ឍនា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031