អត្ថបទថ្មីបំផុត
ទំព័រដើម > សហគ្រិនភាព > ស្ថាបនិក​​ចំប៉ី​​ស្ប៉ា​​ លោក​ជា​ សារីន​៖ ​​​បើ​ចង់​ជោគជ័យ​ក្នុង​អាជីវកម្ម​​ ត្រូវ​មាន​ចំណេះដឹង​​សំខាន់​​​ទាំង​៣​​នេះ

ស្ថាបនិក​​ចំប៉ី​​ស្ប៉ា​​ លោក​ជា​ សារីន​៖ ​​​បើ​ចង់​ជោគជ័យ​ក្នុង​អាជីវកម្ម​​ ត្រូវ​មាន​ចំណេះដឹង​​សំខាន់​​​ទាំង​៣​​នេះ

លោក​ជា​ សារីន​​​ នាយក​គ្រប់គ្រង​ និង ​ជា​ស្ថាបនិក​របស់​ក្រុមហ៊ុន​​ចំប៉ី​​ស្ប៉ា​​​​បាន​អះអាង​ថា ​​​មាន​ចំណេះដឹង​៣​ដែល​សំខាន់​បំផុត​ សម្រាប់​​ជួយ​​ឲ្យ​ការ​រក​​ស៊ី ឬ ​ធ្វើ​ជំនួញ​ទទួល​បាន​ជោគជ័យ​​ ទី១ គឺ​​​ចំណេះ​ជំនាញ​​​​ ​ទី២​ ​​ចំណេះដឹង​ទួទៅ​​ ​និង ​ទី៣​ គឺ​​ចំណេះដឹង​ផ្នែក​ហិរញ្ញវត្ថុ​​។ ​​ការ​​លើក​ឡើង​បែប​នេះ​គឺ​ធ្វើ​នៅ​​​​ក្នុង​កម្មវិធី​​ «​ស្វែងយល់​​ពី​បញ្ហា​ប្រឈម​​​​​​នៃ​ធុរកិច្ច​បរាជ័យ​»​ ​ដែល​រៀប​ចំ​ដោយ​ JCI ​​​នៅ​​​ក្នុង​សាកលវិទ្យាល័យZaman  ​ កាល​ពី​ថ្ងៃ​សៅរ៍​កន្លង​ទៅ​។

​​​​ចំណេះ​ជំនាញ​​ ពិត​ជា​សំខាន់​ខ្លាំង​ណាស់​សម្រាប់​​​ម្ចាស់​អាជីវកម្ម​ទាំង​ឡាយ​​ ឬ​ អ្នក​ដែល​មាន​បំណង​ចង់​ធ្វើ​អាជីវកម្ម​ ព្រោះ​ថា ​បើ​គ្មាន​​​វា​ទេ​ វា​ពិត​ជា​មាន​ការ​លំបាក​ក្នុង​ការ​ចាប់ផ្ដើម​ធ្វើ​ ព្រោះ​​បើ​​​​​អ្នក​ចង់​រកស៊ី​​ផ្នែក​ណា​មួយ​ ដែល​ខ្លួន​​មិន​ចេះ​ ឬ ​មិន​ដែល​ដឹង​ផ្នែក​នោះ​សោះ​​ វា​នាំ​ឲ្យ​មាន​ការ​ចាប់​​ផ្ដើម​​ខុស​។
​​​​

«​​បើ​មាន​ត្រឹម​ចំណេះ​ជំនាញ​​ មិន​ទាន់​អាច​​​ធ្វើ​​​ឲ្យ​អាជីវកម្ម​រីកចម្រើន​បាន​ខ្លាំង​នោះ​ទេ​ ​ព្រោះ​ត្រូវ​មាន​ចំណេះដឹង​ទូទៅ​មួយ​ទៀត​​»។ លោក​ជា​ សារីន​​បញ្ជាក់​​។

​​​​​​​ចំណេះ​ជំនាញ​​ គឺ​ជា​ជំនាញ​​ដែល​​​អ្នក​​​ដឹង​យ៉ាង​ច្បាស់​ថា ​ត្រូវ​ដំណើរការ​វា​យ៉ាង​ដូចម្ដេច និង ធ្វើ​វា​ដោយ​របៀប​ណា​​ ប៉ុន្តែ​បើ​គ្រាន់​តែ​មាន​​វា ​គឺ​​​មិន​ទាន់​គ្រប់គ្រាន់​នោះ​ឡើយ​ ​កាល​ណា​ខ្វះ​ចំណេះដឹង​ទូទៅ​។ ​​ស្ថាបនិក​ក្រុមហ៊ុន​​ចំប៉ី​​ស្ប៉ា​​​​​រូប​នេះ​ ​ បាន​សង្កត់​ធ្ងន់​​ថា ​​​​ម្ចាស់​អាជីវកម្ម​ត្រូវ​តែ​ព្យាយាម​បង្កើន​ចំណេះដឹង​ទូទៅ​​ឲ្យ​បាន​ច្រើន​ ​ទាំង​ផ្នែក​គ្រប់គ្រង​ ផ្នែក​ហិរញ្ញវត្ថុ ឬ ​ធនធាន​មនុស្ស​ ទើប​ធ្វើ​​​ឲ្យ​មាន​ការ​សម្រេច​ចិត្ត​ត្រឹមត្រូវ​។ ​ចំណេះដឹង​ទូទៅ​នេះ​ ​អាច​ពង្រឹង​បាន​តាមរយៈ​ការ​​រៀន​ដោយ​ខ្លួន​ឯង ការ​ចូលរួម​ក្នុង​សិក្ខាសាលា​ផ្សេងៗ និង ការ​ចូល​ក្នុង​បណ្ដាញ​​​ ឬ​ ក្រុម​ផ្សេងៗ​​ ទាំង​ក្នុង​ និង ក្រៅ​ប្រទេស​។ ​​

​ចំណេះដឹង​សំខាន់​មួយ​ទៀត​ដែល​​មិន​អាច​ខ្វះ​បាន​នោះ​​ គឺ​ចំណេះដឹង​ផ្នែក​ហិរញ្ញវត្ថុ​ ព្រោះ វា​ក៏​​ជា​​​ចំណុច​ស្លាប់​រស់​​របស់​អាជីវកម្ម​នីមួយៗ​​ផង​ដែរ​។ ​​​​នៅ​ពេល​ដែល​អាជីវកម្ម​ដើរ​ដល់​ចំណុច​​មួយ​ ប្រាកដ​ជា​មាន​បញ្ហា​ហិរញ្ញវត្ថុ​​មិន​ខាន​ ហើយ​បើ​កាល​ណា​គ្មាន​ចំណេះដឹង​ទេ​ នោះ​​នាំ​​ឲ្យ​មាន​ការ​សម្រេច​ចិត្ត​ខុស​ ​នាំ​​ឲ្យ​អាជីវកម្ម​ទាំង​មូល​ត្រូវ​រលាយ​មិន​ខាន​។​
​​​​​
​«​បើ​អត់​មាន​ចំណេះដឹង​ហិរញ្ញវត្ថុ​ទេ​ ពេល​មាន​បញ្ហា​Cash Flow (លំហូរ​សាច់ប្រាក់​) ​កើត​​​ឡើង​ ​​គាត់​ (​​ម្ចាស់​អាជីវកម្ម​) ​នឹង​ខ្ចី​លុយ​គេ​​ឡើង​រញ៉េរញ៉ៃ​»។ លោក​ជា​ សារីន​បញ្ជាក់​៕​​​​

ដោយ៖ រតនា វិចិត្រ​

 

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

វីង និង ឌី អេហ្វ អាយ សហការគ្នាផ្ដល់ការទូទាត់ ដោយពុំប្រើប្រាស់ក្រដាស់ប្រាក់ ដល់អតិថិជន និងអ្នកផ្គត់ផ្គង់របស់ខ្លួន

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031