អត្ថបទថ្មីបំផុត
ទំព័រដើម > សហគ្រិនភាព > បើចង់ឱ្យអាជីវកម្មខ្នាតតូច​ (SME) ទទួលបានជោគជ័យ អ្នកគួរគប្បីចំណាយប្រាក់ធ្វើរឿងទាំង ៥ យ៉ាងនេះខ្លះ

បើចង់ឱ្យអាជីវកម្មខ្នាតតូច​ (SME) ទទួលបានជោគជ័យ អ្នកគួរគប្បីចំណាយប្រាក់ធ្វើរឿងទាំង ៥ យ៉ាងនេះខ្លះ

ការធ្វើអាជីវកម្មឱ្យទទួលបានជោគជ័យ មិនមែនជាការងាយស្រួលនោះឡើយ។ លើសពីពាក់កណ្តាល នៃអាជីវកម្មដែលទើបតែបង្កើតថ្មី ទទួលបរាជ័យក្នុងរយៈពេល៥ឆ្នាំចាប់ពីពេលចាប់ផ្តើម។ ជាការពិត ណាស់ មានកត្តាជាច្រើនដែលនាំឱ្យបរាជ័យ ក្នុងនោះការខ្វះខាតដើមទុនសម្រាប់វិនិយោគគឺជា កត្តាចម្បងមួយដែលធ្វើឱ្យអាជីវកម្មទៅមុខលែងរួច។ ក្នុងន័យនេះ ប្រសិនបើអ្នកមិនមានប្រាក់គ្រប់ គ្រាន់ ឬក៏ចំណាយប្រាក់ដែលមិនចំគោលដៅអភិវឌ្ឍន៍ នោះអ្នកនឹងមានបញ្ហាហិរញ្ញវត្ថុក្នុងអាជីវកម្មជា មិនខានហើយកត្តានេះនឹងនាំអ្នកឱ្យធ្លាក់ទៅក្នុងរណ្តៅនៃភាពបរាជ័យជាប្រត្យក្ស។ ដូច្នេះហើយ ដើម្បី ឱ្យអាជីវកម្មរបស់លោកអ្នកទទួលបានូវជោគជ័យ អ្នកគួរតែចំណាយប្រាក់ដើម្បីធ្វើរឿងទាំង ៥ យ៉ាង ខាងក្រោមនេះ៖
១. ការរចនា (Design)
ការវិនិយោគទៅលើការរចនា (Design) គឺជាការណ៍ដ៏ចាំបាច់បំផុតប្រសិនបើអ្នកចង់ទទួលបានជោគ ជ័យ។ អាជីវកម្មខ្នាតតូចជាច្រើនមិនបានយកចិត្តទុកដាក់ទៅលើការរចនា ជាពិសេសការរចនាក្រាហិ្វច (Graphic Design) សម្រាប់ផលិតផលរបស់ពួកគេ ដោយសារពួកគេគិតថាវាមិនមានសារៈ សំខាន់នោះឡើយ។ ការគិតបែបនេះគឺមិនត្រឹមត្រូវឡើយ។ ជាការពិតណាស់ យោងតាមការស្រាវជ្រាវ របស់សាកលវិទ្យាល័យវិទ្យាសាស្ត្រនិងបច្ចេកវិទ្យា Missouri (Missouri University of Science and Technology) បានបង្ហាញឱ្យឃើញថា ស្លាកសញ្ញាអាជីវកម្ម (Logo) គឺជាវត្ថុដែលមានតួនាទី សំខាន់បំផុតក្នុងការទាក់ទាញចំណាប់អារម្មណ៍ពីអតិថិជន។
២. ការធ្វើទីផ្សារ (Marketing)
ភ្ជាប់ទៅនឹងការរចនា ការធ្វើទីផ្សារចំពោះអាជីវកម្មរបស់លោកអ្នកគឺជាចំណុចមួយផ្សេងទៀត ដែលចាំ បាច់ត្រូវធ្វើការវិនិយោគឱ្យបានត្រឹមត្រូវ។ តាមរយៈការធ្វើទីផ្សារ លោកអ្នកនឹងអាចកំណត់បានថាតើ បុគ្គលណាខ្លះជាអតិថិជនគោលដៅដែលអ្នកត្រូវស្វែងរក តើត្រូវធ្វើការផ្សាយពាណិជ្ជបែបណា ដើម្បី ឱ្យមានប្រសិទ្ធិខ្ពស់។ល។ សកម្មភាពទាំងអស់នេះនឹងពង្រីកវិសាលភាពនៃការលក់របស់អ្នកបានយ៉ាង មានប្រសិទ្ធិភាព។
៣. បច្ចេកវិទ្យា (Technology)
ការវិនិយោគលើបច្ចេកវិទ្យា គឺជាការវិនិយោគដ៏មានតម្លៃមួយផ្សេងទៀតដែលលោកអ្នកគួរតែធ្វើសម្រាប់អាជីវកម្មខ្នាតតូចរបស់លោកអ្នក។ ការវិនិយោគលើបច្ចេកវិទ្យាមានជាអាទិ៍ ការប្រើប្រាស់ បច្ចេកវិទ្យាក្នុងការទូទាត់ថ្លៃទំនិញ ឬសេវា ការរចនាគេហទំព័រ (Website) ការបង្កើតជាវីដេអូ (Videos) ឬរូបភាពនានាសម្រាប់ប្រើ ប្រាស់នៅលើគេហទំព័រ ឬបណ្តាញសង្គមនានារបស់លោកអ្នក។
៤. សេវាកម្មផ្នែកច្បាប់ (Legal Service)
ម្ចាស់អាជីវកម្មខ្នាតតូចជាច្រើនបានមើលរំលងសារៈសំខាន់នៃការប្រឹក្សាយោបល់ផ្នែកច្បាប់ពាក់ព័ន្ធនឹងសកម្មភាពអាជីវកម្មរបស់ខ្លួន ហើយយល់ថាការចំណាយលើសេវាផ្នែកច្បាប់គឺជាការចំណាយដែល ឥតប្រយោជន៍។ ទស្សនៈបែបនេះគឺមិនត្រឹមត្រូវឡើយ។ ជាការពិតណាស់ ការប្រឹក្សាយោបល់ផ្នែក ច្បាប់ គឺជារឿងដ៏ចាំបាច់បំផុតសម្រាប់កិច្ចការអាជីវកម្មរបស់លោកអ្នក។ ការប្រើប្រាស់សេវាផ្នែកច្បាប់ អាចការពារអ្នកពីបញ្ហាផ្លូវច្បាប់ដែលអាចកើតឡើងដោយសកម្មភាពអាជីវកម្មណាមួយរបស់លោកអ្នក ដែលផ្ទុយនឹងបញ្ញត្តិច្បាប់។ សេវាកម្មផ្នែកច្បាប់មានដូចជា ការសរសេរនិងត្រួតពិនិត្យឯកសារ ច្បាប់ឬ កិច្ចសន្យានានា ការប្រឹក្សាយោបល់ដើម្បីឱ្យប្រាកដថាលោកអ្នកមិនបានធ្វើសកម្មភាពណាមួយដែល ផ្ទុយនឹងច្បាប់។ល។
៥. សេវាកម្មគណនេយ្យ (Accounting Service)
ការរៀបចំបញ្ជីគណនេយ្យ គឺជារឿងមួយផ្សេងទៀតដែលលោកអ្នកគួរចំណាយប្រាក់ទៅលើសេវា កម្មមួយនេះជា ពិសេស ប្រសិនបើលោកអ្នកកំពុងជួបប្រទះនូវកង្វះខាតដើមទុនសម្រាប់វិនិយោគ។ ជាការពិតណាស់ ការប្រើប្រាស់សេវាកម្មគណនេយ្យ លោកអ្នកនឹងអាចធ្វើឱ្យបញ្ហាហិរញ្ញវត្ថុអាជីវកម្ម របស់លោកអ្នកមាន ភាពប្រសើរឡើង និងមានរបៀបរៀបរយ ព្រមទាំងអាចកាត់បន្ថយនូវការខ្ជះខ្ជាយ និងអប្រសិទ្ធិភាព ដែលជាការកត្តារាំងស្ទះដល់ការរីកចម្រើនរបស់អាជីវកម្មលោកអ្នក៕

ដោយ៖ ប៉ុម ទូច

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មូលហេតុ​៥​យ៉ាង​ ដែល​បុគ្គលិក​ទ្រាំ​​លែង​បាន​​ ហើយ​សម្រេច​​​លាឈប់​ពី​ក្រុមហ៊ុន​​

មនុស្ស​៥​ប្រភេទ​នេះ​​ ​អ្នក​​មិន​គួរ​រកស៊ី​ជាមួយ​​ឡើយ​​ ​ក្រែង​រលាយ​ក្រុមហ៊ុន​ថ្ងៃ​ក្រោយ​

សញ្ញា ​៦​យ៉ាង​ ​ដែល​បញ្ជាក់​ថា ​​បុរស​ម្នាក់​នោះ​នឹង​មិន​អាច​ឈប់​ស្រលាញ់​អ្នក​ជា​ដាច់​ខាត

សៀវភៅ​ ​៦​ក្បាល​​នេះ​​​អាច​ផ្លាស់​ប្ដូរ​គំនិត​របស់​​អ្នក​​​ ដើម្បី​​ឱ្យ​​អាជីវកម្ម​​ទៅ​មុខ​ជា​​និច្ច​

អត្ថបទពាណិជ្ជកម្ម​

ការផ្ដល់ជូនតម្លៃពិសេស ពីក្រុមហ៊ុនលក់គ្រឿងអេឡិចត្រូនិច LG

សិក្ខាសាលាស្តីអំពី៖ HABIT Principle

រកឃើញជើងខ្លាំង២៤ក្រុមប្រជែងកៅអី៤នៅប្រចាំមណ្ឌលខេត្តកំពង់ស្ពឺដើម្បីឡើងវគ្គផ្តាច់ព្រ័ត្រ Tiger Street Football Festival 2019 រាជធានីភ្នំពេញ

ពិព័រណ៍កុមារនិងគ្រួសារ២០១៩ ចាប់ផ្ដើមបើកប្រកាសអោយដំណើរការថ្ងៃសៅរ៍អាទិត្យនាចុងសប្ដាហ៍នេះហើយ!!!

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031