អត្ថបទថ្មីបំផុត
ទំព័រដើម > សហគ្រិនភាព > បុគ្គល​ជោគជ័យ​ក្នុង​ជីវិត​ទាំង​ ១១​រូប​ក្នុង​លោក​​ ​​ដែល​រៀន​មិន​ចប់​​ថ្នាក់វិទ្យាល័យ​

បុគ្គល​ជោគជ័យ​ក្នុង​ជីវិត​ទាំង​ ១១​រូប​ក្នុង​លោក​​ ​​ដែល​រៀន​មិន​ចប់​​ថ្នាក់វិទ្យាល័យ​

លោក Devid Karp​ សេដ្ឋី​ជនជាតិ​អាមេរិក​

ប្រ​ភព៖​​ techcrunch.com

បើ​ទោះ​បី​ជា​សេដ្ឋកិច្ច​​អាមេរិក​មាន​ការ​លូតលាស់​យ៉ាង​ណា​ក្ដី តាម​ការ​សិក្សា​បាន​រក​ឃើញ​ថា​ យ៉ាងហោចណាស់​មាន​សិស្ស​ចំនួន ១,៣ លាននាក់បាន បោះបង់ការសិក្សា មុនបញ្ចប់​បាក់ឌុប​ជា​រៀងរាល់​ឆ្នាំ​នៅ​សហរដ្ឋអាមេរិក ហើយ ៩០ភាគរយ នៃ​ទីផ្សារ​ការងារ​មិន​អាច​ទទួល​យក​ពួកគេ​បានទេ​។ ប៉ុន្តែ​ទាំង​នេះ​មិន​មាន​ន័យថា​បុគ្គល​ទាំងនោះ​មិន​អាច​ខ្លាយ​ ​​ជា​​មនុស្ស​ជោគជ័យ​ក្នុង​អាជីព​ការងារ​នោះទេ។

ខាង​ក្រោម​នេះ​គឺ​ជា​មនុស្ស​​ជោគជ័យ​​ទាំង ១១ រូប​ ​​ ​ដែល​មិន​បាន​រៀន​ចប់​ថ្នាក់​វិទ្យាល័យ​​៖

 ១) លោក Richard Branson​ មហាសេដ្ឋី​អង់គ្លេស​​​ឈប់រៀននៅអាយុ១៥ឆ្នាំ
លោកជាអ្នកបង្កើតក្រុមហ៊ុន Virgin Group ដែល​ជា​ក្រុមហ៊ុន​លំដាប់​អន្តរជាតិ​មួយ​ផ្គត់ផ្គង់​ថាមពល​អគ្គីសនី ​ដែល​សព្វថ្ងៃ​​មាន​តំលៃ​ដល់ទៅ ៤,៩ ពាន់​លាន​ដុល្លារ។ ​នេះ​​បើ​យោង​​តាម​ទស្សនាវដ្ដី Forbes ​។ ​ជិត​៥០ឆ្នាំហើយ ​ដែល​លោក​បាន​ឈប់​រៀន ​​​ប៉ុន្តែ​សព្វថ្ងៃ​គាត់​បាន គ្រប់គ្រង និង​មើល​ការ​ខុសត្រូវ​ ប្រហែល ៥០០ ក្រុមហ៊ុន។

Richard-Branson--0121

២) លោក Devid Karp​ សេដ្ឋី​ជនជាតិ​អាមេរិក​ ឈប់រៀននៅអាយុ១៥ឆ្នាំ
បន្ទាប់​ពី​បាន​ឈប់​រៀន​នៅ​អាយុ ១៥ ឆ្នាំ​នៅ​សាលា Elite Bronx High School ផ្នែក​វិទ្យាសាស្ត្រ​ លោកDevid Karp​ ​បានបង្កើតបណ្តាញទំនាក់ទំនងសង្គមមួយ ឈ្មោះថា Tumblr នៅ​ក្នុង​បន្ទប់​គេង​របស់​ម្តាយ​ខ្លួន។  គាត់​បាន​លក់​កម្មវិធី​មួយ​នេះ​ទៅ​អោយ ក្រុមហ៊ុន Yahoo នៅ​ក្នុង​តំលៃ ១,១ ​ពាន់​លានដុល្លារ នៅ​​ឆ្នាំ ២០១៣ នៅ​ពេល​ដែល Tumblr មាន​តំលៃ​នៅ​ក្នុង​ទីផ្សារ​ ២០០​លាន​ដុល្លារ ហើយ​លោក​ក៏​បាន​ក្លាយ​ជា​នាយក​ប្រតិបត្តិ​នៃ​ក្រុមហ៊ុន​Tumblr​តែ​ម្តង ។​

o-DAVID-KARP-facebook1

៣) លោកស្រី Aretha Franklin​ ​តារាចម្រៀង​ជើងចាស់​អាមេរិក​ ​ឈប់រៀននៅអាយុ១៥ឆ្នាំ
លោក​ស្រី​មាន​ភាព​ល្បីល្បាញ​តាំងពី​ក្មេង ពោល​គឺ​នៅ​អាយុ ១៤ ឆ្នាំ​នាង​បាន​ចេញ​អាល់ប៊ុម​ចម្រៀង​​ដំបូង​របស់​នាង ហើយ​បាន​ធ្វើដំណើរ​ទៅ​ច្រៀង​ជា​មួយ​ឪពុក​​គ្រប់ ទីកន្លែង។ Aretha- Franklin​​បានឈប់រៀន១៥ឆ្នាំដើម្បី​មើលថែ​កូន​ដំបូង​របស់​ខ្លួន។ លោកស្រី​បាន​ទទួល​សញ្ញាបត្រ​កិត្តិយស​ជាច្រើន​​ពី​សាលា​ល្បីៗ​មួយ​ចំនួន​ដូចជា Harvard, Princeton, Yale និង ​សាលាដូរដន្ត្រី The Berklee​។ ​លើស​ពី​នោះ​ទៀត​​​ ​តារាចម្រៀង​ជើង​ចាស់​រូប​នេះ​ ​ទទួល​បាន​ពានរង្វាន់ Grammys ​ចំនួន​១៨​ដង​ទៀត​​​ផង។ នៅឆ្នាំ ១៩៩៤ នាង​បាន​ទទួល​ពានរង្វាន់​ដ៏​ធំ​បំផុត​គឺ Grammy Lifetime Achievement ។​ មិន​ត្រឹមតែ​ប៉ុណ្ណោះ​នាង​បាន ច្រៀង​ក្នុង​ពិធី​តែងតាំង​ប្រធានាធិបតី​សហរដ្ឋអាមេរិក​ដល់​ទៅ​បី​លើក​មាន​ដូចជា ​លោក​ ​Bill Clinton​ ​និង ​លោក​ Barack Obama ជាដើម។

Aretha-Franklin1

៤) លោក Joe Lewis ​មហាសេដ្ឋី​អង់គ្លេស​​ឈប់រៀននៅអាយុ១៥ឆ្នាំ
Lewis បានឈប់រៀននៅអាយុ ១៥ឆ្នាំ​​ ​ដើម្បី​គ្រប់គ្រង​អាហារ​ដ្ឋាន Tavistock Banqueting ដែល​ជា​មុខជំនាញ​​របស់​ឪពុក​ ​​ដែល​សព្វថ្ងៃនេះមានតំលៃ ៥,៣ ពាន់លានដុល្លារ⁣។ ​លោក​​​បាន​ក្លាយ​ទៅ​ជា​ម្ចាស់​ក្រុមហ៊ុន​ពិសោធន៍​និង​ផលិត​ថ្នាំពេទ្យ​ ​និង​ ​ជា​ម្ចាស់សកលវិទ្យាល័យវិជ្ជសាស្រ្ត ជាច្រើន​នៅ​ក្នុង​សហរដ្ឋអាមេរិក។ ​​លើស​ពី​នេះ​ទៀត​Lewis ជាអ្នកវិនិយោគដ៏ធំជាងគេនៅក្នុងក្រុមហ៊ុន Tavistock Group ហើយ​ក៏​ជា​ម្ចាស់​ក្រុមហ៊ុន​ជាង​ ២០០​ផ្សេង​ទៀត​​​រួមមាន៖ ក្លិប​បាល់ទាត់​របស់​អង់គ្លេស Tottenham Hotspur (Spurs) និង​ ​ភោជនីយដ្ឋាន ១៣៥​កន្លែង​ និង សណ្ឋាគារ ជាច្រើន​ទៀត​ជុំវិញ​ពិភពលោក។

joe-lewis-dropped-out-at-151

៥) លោក Mike Hudack ​ប្រធានផ្នែក​ផលិត​​កម្ម​Facebook ឈប់រៀននៅអាយុ១៦ឆ្នាំ
Hudack បានឈប់រៀននៅអាយុ១៦ឆ្នាំ ហើយបាន​​ធ្វើការ​នៅ ក្រុមហ៊ុន​សុវត្ថិភាព​អ៊ីនធឺណិត​មួយ​ឈ្មោះ​ថា Connecticut បន្ទាប់មក​​ក៏​បាន​ផ្លាស់ទីលំនៅ​ទៅ​កាន់​ទីក្រុង​ញីវយ៉ក​​​ដើម្បី​​​ធ្វើ​ជា​អ្នក​ប្រឹក្សា​អោយ​ក្រុមហ៊ុន Time Warner។ នៅក្នុងឆ្នាំ២០០៥ លោក​បាន​បង្កើត​គេហទំព័រ​​មួយ​​ដើម្បី​ទស្សនា​វីដេអូ​នៅ​លើ​អ៊ីនធឺណិត​ឈ្មោះថា Blip.tv ។ នៅឆ្នាំ២០១២ គាត់​បាន​ឈប់​ធ្វើ​ពី​នាយក​ប្រតិបត្តិ​នៅ​ក្រុមហ៊ុន​នេះ​ ​ដោយ​មក​ធ្វើ​ជា​អ្នក​គ្របគ្រង​ផ្នែក​ផលិតកម្ម​នៅ​ក្រុមហ៊ុន Facebook វិញ។

mikehudack_1372703750_061

៦) លោក Philip Emeagwali ឈប់រៀននៅអាយុ១៥ឆ្នាំ
Philip ត្រូវ​បាន​គេ​ហៅថា ​វីរបុរស​អ៊ីនធឺណិត​​ ប៉ុន្តែ​លោក​បានឈប់រៀននៅអាយុ១៣ឆ្នាំ នៅ​ប្រទេស​នីហ្សេរីយ៉ា​ ដោយសារ​សង្គ្រាម​និង គ្មាន​លុយ​រៀន​បន្ត។ នៅក្នុងឆ្នាំ⁣១៩៨៧ លោក​បាន​រក​ឃើញ​រូបមន្ត​ដែល​អាច​ធ្វើ​អោយ​កុំព្យូទ័រ​អាច​ទាក់ទង​គ្នា​បាន ហើយ​បាន​ក្លាយ​ជា​ម្ចាស់​ពានរង្វាន់​ IEEE Gordon Bell នៅ​ក្នុង​ឆ្នាំ​ ១៩៨៩ បន្ទាប់​មក​ត្រូវ​បាន​គេ​ដាក់​ឈ្មោះថា បិតា​អ៊ីនធឺណិត។

Philip_Emeagwali_with_scribbled_Exxon-Mobil_equation1s

៧) លោក Quentin Tarantino ​ឈប់​រៀន​នៅ​អាយុ​១៥​ឆ្នាំ
ម្ចាស់​ពាន​រង្វាន់​អូ​ស្កា​រូប​នេះ​បាន​ឈប់ រៀន​នៅ​អាយុ ១៥ ឆ្នាំ​ពី​សាលា​មួយ​នៅ​ទីក្រុង Horbor រដ្ឋ កាលីហ្វ័រញ៉ា​ ​សហរដ្ឋអាមេរិក ​ហើយ​ក៏​បាន​ធ្វើ​ជា​អ្នក​បម្រើការ​នៅ​ក្នុង​រោងកុន​មួយ។ នៅ​ពេល​ដែល​លោក​មាន​​ជាង​អាយុ ២០ឆ្នាំ​​ លោក​បាន​ធ្វើការ​នៅ​ក្រុមហ៊ុន Vide Acrchives ជា​អ្នក​និពន្ធ​​​ក្នុង​រឿង “True Romance” និង “Natural Born Killers” ហើយ​រឿង​ដែល​លោក​បាន​ដឹកនាំ​ដំបូង​ឈ្មោះ​ថា​​ ​“Reservoir Dogs” នៅក្នុងឆ្នាំ ១៩៩២ ដែល​​​ជាប់​ជា​ភាពយន្ត​​ល្អ​ប្រចាំ​ឆ្នាំ។​

o-QUENTIN-TARANTINO-facebook1

៨) លោកFrancois Pinault  ឈប់រៀននៅអាយុ១១ឆ្នាំ
សេដ្ឋី​ជនជាតិ​បារាំ​រូប​នេះ​បាន​ឈប់ រៀន នៅ​សាលា​ឯកជន​មួយ​នៅ​អាយុ ១១ឆ្នាំ​ដោយសារ​មិត្ត​រួមថ្នាក់​សើចចំអក​ពី​ភាព​ក្រីក្រ​របស់​គ្រួសារ​លោក។​​ បន្ទាប់​មក​គាត់​បាន​ជួយ​ធ្វើការងារ​ឪពុក​នៅ​ក្នុង​រោងចក្រ​កិន​ឈើ​​។ សព្វថ្ងៃ​គាត់​បាន​ក្លាយ​ជា​ម្ចាស់​ភាគហ៊ុន​ធំ​នៅក្នុង​ក្រុមហ៊ុន​ធំ​មួយ​ចំនួន​ដូចជា​ ក្រុមហ៊ុន​ Gucci, Stella Mc Cartney, Alexander McQueen, និង Yves Saint Laurent ជាដើម។

FP1

 

៩) លោក David H. Murdock ​ឈប់​រៀន​នៅ​អាយុ១៤ឆ្នាំ
មហា​សេដ្ឋី​រូប​នេះ​បាន​ឈប់​រៀន​នៅ​​ថ្នាក់​ទី ៩ ហើយ​បាន​ចូល​ធ្វើការ​នៅ​ស្ថានីយប្រេងឥន្ធនៈ​​មួយ​មុន​ពេល​ចូល​បម្រើកងទ័ព​នៅ​ឆ្នាំ ១៩៤៣។ បន្ទាប់ពីសង្គ្រាមលោកទី២ គាត់​បាន​បើក​ភោជនដ្ឋាន​មួយ​ឈ្មោះ​ថា “Detroit” បន្ទាប់​ពី​ការ​លក់​អស់​ជាច្រើន​ខែ​ ​គាត់​ទទួល​បាន​ប្រាក់ចំណេញ​ ៧០០ ដុល្លា​រប៉ុណ្ណោះ ប៉ុន្តែ​ដោយសារ​តែ​ការ​ខិតខំ ប្រឹងប្រែង​របស់​គាត់​សព្វថ្ងៃ​ក្រុមហ៊ុន​នេះ​មាន​តំលៃ​ទៅ​ដល់​ ២,៩ ពាន់ដុល្លា។

David-H1

 

១០) លោក George Foreman ​ឈប់​រៀន​នៅ​អាយុ​១៤ឆ្នាំ
Foreman ​​បាន​ឈប់​រៀន​នៅ​ថ្នាក់​ទី ៩ហើយ​បាន​ក្លាយ​ជា​អ្នកលេង​នៅ​តាម​ផ្លូវ រហូត​បាន​ចូល​ក្រុមហ៊ុន⁣​ Job Corps នៅ​ក្នុង​ឆ្នាំ ​១៩៦៥ ដើម្បី​ក្លាយ​ជា​អ្នក​ប្រដាល់។ លោក​បាន​ក្លាយ​ជា​ម្ចាស់ ពានរង្វាន់​ប្រភេទ​ទម្ងន់​ធ្ងន់​ចំនួន​ពីរ​ដង និង ធ្លាប់​ធ្វើ​ជា​ម្ចាស់​មេដាយមាស​អូឡាំពិក​ទៀត​ផង។ សំណាង​របស់​លោក​ចេះ​មាន​បន្តបន្ទាប់​ក្រោយ​ពី​លោក​ក្លាយ​ជា​អ្នកប្រដាល់ ហើយ​បាន​បង្កើត​ក្រុមហ៊ុន​មួយ​ឈ្មោះ​ថា​ ​George Foreman Grill ហើយ​សព្វថ្ងៃ​មាន​តំលៃ​ទៅ​ដល់ ២៥០លានដុលា្ល។

George-Foreman-5254851

១១) លោក James H. Clark បានឈប់រៀននៅអាយុ១៦ឆ្នាំ
មហា​សេដ្ឋី​ជនជាតិ​អាមេរិក​ និង ​ជា​អ្នក​ផ្តួច​ផ្តើមបង្កើត​ក្រុមហ៊ុន “Netscape” រូប​នេះ​បាន​បោះបង់​ការ​សិក្សា​អាយុ​១៦​ឆ្នាំ​ ហើយបានចូល​បម្រើកងទ័ព​ជើង​ទឹក​ ដែលនៅ​ទីនោះ​លោក​បាន​រៀន​ផ្នែក​អេឡិចត្រូនិក​​ និង ​រក​ប្រាក់​ជាច្រើន​តាមរយៈ​ផ្តល់ ប្រាក់​កម្ចី​ដែល​មាន​ការ​ប្រាក់ ខ្ពស់​រហូត​ទៅ​ដល់ ៤០%។ គេ​គ្រប់គ្នា​ហៅ​គាត់​ថា​ជា​សេដ្ឋី​អ៊ីនធឺណិត​ព្រោះ​គាត់​បាន​វិនិយោគ​នៅ​ក្នុង​ក្រុមហ៊ុន​ធំ​ជាច្រើន​ដូច​ ​Apple, Facebook, និង Twitter ដែល​ធ្វើ​អោយ​គាត់​មាន​ទ្រព្យសម្បត្តិ​សរុប ប្រហែល ១.៨៥ ​ពាន់​លាន​ដុល្លារ​៕

maxresdefault-(3)1


ជំហររបស់​គេហទំព័រអប់រំ BizKhmer សូម​កុំបញ្ចប់​ការ​សិក្សា​របស់​អ្នក​ត្រឹម​តែថ្នាក់​វិទ្យាល័យ ទោះ​ជា​ជោគជ័យ​ក្នុង​សាលា​មិន​បាន​វាស់​វែង​​ពី​ជោគជ័យ​ក្នុង​​ជីវិត​យ៉ាង​ណា​មែន ប៉ុន្តែ​ច្បាស់​ណាស់​ថា​ បុគ្គលិក​ដែល​បាន​បញ្ចប់​ការ​សិក្សា​ត្រឹម​ត្រូវ​​ឈាន​ទៅ​ដល់​ដំណាក់​ជោគជ័យ​ច្រើន​ជាង​អ្នក​ដែល​មិន​បាន​សិក្សា៕ 

​ប្រភព៖ Business Insider

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

វីង និង ឌី អេហ្វ អាយ សហការគ្នាផ្ដល់ការទូទាត់ ដោយពុំប្រើប្រាស់ក្រដាស់ប្រាក់ ដល់អតិថិជន និងអ្នកផ្គត់ផ្គង់របស់ខ្លួន

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031