អត្ថបទថ្មីបំផុត
ទំព័រដើម > សហគ្រិនភាព > អ្នកជំនាញ៖ អនុវត្តទម្លាប់​៤ នេះ​ តាំង​ពី​អាយុ​ខ្ទង់ ២០ នឹង​ធ្វើ​ឲ្យ​លោក​អ្នកឆាប់​មាន​នៅ​​អាយុ​ ៣០​ឆ្នាំ

អ្នកជំនាញ៖ អនុវត្តទម្លាប់​៤ នេះ​ តាំង​ពី​អាយុ​ខ្ទង់ ២០ នឹង​ធ្វើ​ឲ្យ​លោក​អ្នកឆាប់​មាន​នៅ​​អាយុ​ ៣០​ឆ្នាំ

លោក Tom Corley

គ្រាន់តែបានស្ដាប់ឮថា ត្រឹមអាយុ ៣០សោះ អនុវត្តទម្លាប់នេះតាំងពីអាយុ ២០ ឆ្នាំមកអាចជួយធ្វើឲ្យលោកអ្នកឆាប់មាននៅអាយុ ៣០ឆ្នាំនោះ ច្បាស់ជាធ្វើឲ្យលោកអ្នកចាប់អារម្មណ៍លើប្រធានបទនេះជាមិនខាន។

ពិតមែនហើយ លោក Tom Corley ដែលជាអ្នកប្រឹក្សាហិរញ្ញវត្ថុដ៏ល្បីល្បាញរបស់អាមេរិកមួយរូប និង ជាអ្នកនិពន្ធសៀវភៅអប់រំចិត្តសាស្ត្រកូនៗឲ្យក្លាយជាអ្នកមានក្រោមចំណងជើងថា « Rich Kids: How to Raise Our Children to be Happy and Successful in Life» បានបង្ហាញពីទម្លាប់៤នេះ ដែលអាចជាត្រីវិស័យជួយឲ្យលោកអ្នកជោគជ័យលើវិស័យហិរញ្ញវត្ថុតាំងពីអាយុ ២០ ឆ្នាំទៅ។

ខាងក្រោមនេះជាទម្លាប់ល្អៗចំនួន៤ របស់លោក Tom Corley៖

១.អនុវត្តតាមរូបមន្ត ២៥%
រូបមន្ត ២៥% នេះមានន័យថា កុំចំណាយរហូតដល់លើសពី១ភាគ៣នៃចំណូលរបស់អ្នកលើការទិញផ្ទះប្រណិតៗ។ លោក Tom Corley បានលើកឡើងថា ធ្វើម៉េចលៃលកចំណាយឲ្យបានតិចជាងនេះកាន់តែប្រសើរ ព្រោះថា ការចំណាយលើការទិញផ្ទះហួសពីលទ្ធភាពរបស់អ្នក មិនថាដើម្បីទិញផ្ទះសម្រាប់រស់នៅផ្ទាល់ខ្លួន ឬ សម្រាប់ជួលនៅនោះទេ ព្រោះវាមិនអាចធ្វើឲ្យលោកអ្នកងាយងើបឲ្យផុតពីការជំពាក់បំណុលគេបានហើយក្លាយជាអ្នកមាននោះឡើយ។

២.អនុវត្តតាមរូបមន្ត ១០%
រូបមន្តទី២នេះ លោក Tom Corley ពន្យល់ថា នៅពេលរកចំណូលបាន កុំចំណាយរហូតលើស ១០% នៃចំណូលរបស់អ្នកទៅលើការកម្សាន្តហួសហេតុតនោះឡើយដូចជា ចូលញាំអាហារឆ្ញាញ់ៗភោជនីយដ្ឋានទំនើបៗ ឬ ទៅក្លឹបកម្សាន្ត ព្រោះវាមិនសូវមានប្រយោជន៍ ហើយរាំងស្ទះដល់កំណើនចំណូលរបស់អ្នក។

៣.ធ្វើឲ្យលុយរបស់អ្នកកើនឡើងដោយខ្លួនឯង
អ្នកមានតែងធ្វើឲ្យលំហូរនៃចំណូលរបស់ពួកគេមកពីប្រភពផ្សេងៗគ្នា ដែលជាទូទៅវាបានមកពីការវិនិយោគមួយដ៏ត្រឹមត្រូវ។ នេះបើយោងតាមការលើកឡើងរបស់លោក Tom Corley ។ លោកបន្តថា យកល្អអ្នកគួរចំណាយលុយដែលបានសន្សំទុកសម្រាប់បោះទុនរកស៊ីពី២៥ ទៅ ៥០% សម្រាប់បោះទុនទៅលើវិស័យមួយចំនួនដូចជាការជួញដូរភាគហ៊ុន ទីផ្សារមូលបត្រ អចលនទ្រព្យជាដើម ដែលសុទ្ធតែជម្រើសល្អគួរពិចារណា។

៤.វិនិយោគលើមនុស្សត្រូវ
សម្រាប់លោក Tom Corley ការវិនិយោគលើមនុស្សត្រូវនេះ គឺលោកចង់សំដៅថា នៅពេលលោកអ្នកចង់រាប់អានអ្នកណាម្នាក់ ត្រូវមើលថា បុគ្គលនោះល្អឬអត់? អាចយកគំរូបានទេ? ហើយអាចជួយនាំផ្លូវអ្នកឲ្យបានជោគជ័យដែរឬទេ? ចំណុចនេះ យោងតាមការស្រាវជ្រាវរបស់ Tom Corley បានរកឃើញថា អ្នកមាន ៧៩% ចំណាយពេល៥ម៉ោង ឬ ច្រើនជាងនេះក្នុងមួយខែដើម្បីជួបជុំបង្កើនភាពស្និទ្ធស្នាលក្នុងចំណងមិត្តភាព ខណៈដែលអ្នកក្រ ធ្វើបានដូចគ្នាមានចំនួនត្រឹមតែ ១៦% ប៉ុណ្ណោះ។

លោកផ្តល់ដំបូន្មានថា មិត្តភាពដែលត្រឹមត្រូវ អាចធ្វើឲ្យអ្នកជោគជ័យទាំងការងារ និង ជីវិត ជាពិសេសឆ្ពោះទៅរកភាពមានបានតែម្តង៕

ប្រភព៖ cnbc

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មូលហេតុ​៥​យ៉ាង​ ដែល​បុគ្គលិក​ទ្រាំ​​លែង​បាន​​ ហើយ​សម្រេច​​​លាឈប់​ពី​ក្រុមហ៊ុន​​

មនុស្ស​៥​ប្រភេទ​នេះ​​ ​អ្នក​​មិន​គួរ​រកស៊ី​ជាមួយ​​ឡើយ​​ ​ក្រែង​រលាយ​ក្រុមហ៊ុន​ថ្ងៃ​ក្រោយ​

សញ្ញា ​៦​យ៉ាង​ ​ដែល​បញ្ជាក់​ថា ​​បុរស​ម្នាក់​នោះ​នឹង​មិន​អាច​ឈប់​ស្រលាញ់​អ្នក​ជា​ដាច់​ខាត

កុំ​ព្យាយាម​ជាមួយ​​​មនុស្ស​៤​ប្រភេទ​នេះ ​​ ​​ព្រោះ​អ្នក​មិន​ងាយ​នឹង​បង្កើត​ទំនាក់ទំនង​ល្អ​បាន​ដោយ​ងាយ​ឡើយ​!​

អត្ថបទពាណិជ្ជកម្ម​

ស្រាបៀរអាន់ឆ័រចាប់រង្វាន់លើកទី១ សម្រាប់កម្មវិធីអាពាហ៍ពិពាហ៍ ឆ្នាំ ២០១៨-២០១៩

រួសរាន់ឡើងចូលរួមពិព័រណ៍លំនៅដ្ឋានកម្ពុជា២០១៩ដើម្បីទទួលបានការទិញផ្ទះដែលមានតម្លៃពិសេស

ក្តៅៗ Huawei អេ 7​ អាចកុម្ម៉ងទុកមុន  តម្លៃត្រឹម $189 កាដូខប់ៗ​​ សមត្ថភាពខ្លាំងសាហាវ!

សំណាងផ្ទួនៗ ជាមួយអាំងប៉ាវ ហេង ហេង ពី LG Brandshop

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031