អត្ថបទថ្មីបំផុត
ទំព័រដើម > សហគ្រិនភាព > ៤សំណួរអ្នកដឹកនាំឆ្លាតវៃតែងសួរបុគ្គលិកខ្លួន ដើម្បីបង្កើនសមត្ថភាពការងារពួកគេកាន់តែប្រសើរ

៤សំណួរអ្នកដឹកនាំឆ្លាតវៃតែងសួរបុគ្គលិកខ្លួន ដើម្បីបង្កើនសមត្ថភាពការងារពួកគេកាន់តែប្រសើរ

ប្រ​ភព៖​​ pixabay.com

ក្នុងនាមជាអ្នកដឹកនាំម្នាក់ អ្នកត្រូវបង្កើតនូវបរិយាកាសបើកចំហ យកចិត្តទុកដាក់លើស្ថានភាពការងាររបស់បុគ្គលិកម្នាក់ៗនិងខ្វល់ខ្វាយពីអារម្មណ៍ពួកគេទៅលើរឿងចាំបាច់។ នៅពេលអ្នកធ្វើបែបនោះបាន ភាពស្មោះត្រង់រវាងគ្នានិងការខិតខំប្រឹងប្រែងដែលចេញពីចិត្តនឹងកកើតឡើងក្នុងក្រុមហ៊ុនអ្នក ហើយការជជែកគ្នារវាងមួយទល់មួយនឹងក្លាយជាកត្តាជំរុញដ៏សំខាន់ដើម្បីសម្រេចរឿងនេះបាន។ ទាំង៤សំណួរនេះគឺជាអ្វីដែលអ្នកដឹកនាំគ្រប់រូបមិនគួរមើលរំលងដើម្បីបង្កើនសមត្ថភាពក្នុងការសម្រេចការងាររបស់បុគ្គលិក។

១) “បើអ្នកតម្រូវឲ្យប្រើពាក្យមួយម៉ាត់រៀបរាប់ពីបទពិសោធន៍ការងាររបស់អ្នក តើវាគឺជាអ្វីហើយហេតុអ្វី ?” ៖ ដំបូងបង្អស់អ្នកត្រូវបញ្ជាក់ប្រាប់ពួកគេឲ្យបានច្បាស់ជាមុនសិនអំពីការសម្ដែងភាពស្មោះត្រង់ទៅលើបទពិសោធន៍ការងារដែលពួកគេទទួលបាន មិនថាជារឿងល្អឬអាក្រក់ក៏ដោយ។ នៅពេលពួកគេនិយាយពាក្យក្នុងចិត្តចេញមកដោយបើកចំហហើយ អ្នកនឹងបានដឹងនូវបញ្ហាមួយចំនួនដែលអ្នកអាចស្មានមិនដល់ព្រមទាំងរកដំណោះស្រាយសម្រាប់បញ្ហានោះបានផងដែរ។

២) “រៀបរាប់ពី៣ចំណុចដែលផ្ដល់កម្លាំងចិត្តដល់អ្នកក្នុងការបំពេញកិច្ចការជារៀងរាល់ថ្ងៃ” ៖ ដោយការសាកសួរបុគ្គលិកអ្នកបែបនេះ អ្នកនឹងបានដឹងពីជម្រៅចិត្តពួកគេពីអ្វីដែលគេពេញចិត្តចំពោះការងារនិងក្រុមហ៊ុន ហើយអ្នកក៏គួរសួរគេបន្ដនូវសំណួរពាក់ព័ន្ធដែលសីុជម្រៅជាងនេះថែមទៀត។

៣) “តើរឿងអ្វីមួយដែលខ្ញុំគួរធ្វើដើម្បីធ្វើឲ្យអ្នកមានប្រសិទ្ធភាពលើការងារជាងមុន ?” ៖ អ្នកត្រូវប្រាកដថាបានផ្ដល់ពេលវេលាគ្រប់គ្រាន់សម្រាប់គេក្នុងការគិតផ្ដល់ចម្លើយដល់អ្នក។ បើគេគ្មានចម្លើយទេ អ្នកគួរសួរគេពីពេលចុងក្រោយដែលពួកគេមិនរីករាយនឹងការងាររបស់ខ្លួនថាតើគួរកែប្រែបែបណាដើម្បីឲ្យវាប្រសើរជាងមុន។ ម្យ៉ាងទៀតបើពួកគេទើបនឹងចូលថ្មី អ្នកគួរសួរគេពីការងារចាស់ថាបែបណាទើបការងារមានភាពរលូនទៅមុខនិងបែបណាដែលរាំងស្ទះ។

៤) “តើចំណុចណាមួយដែលក្រុមហ៊ុនពួកយើងមិនបានធ្វើដែលអ្នកគិតថាពួកយើងគួរធ្វើដើម្បីឲ្យអាជីវកម្មលូតលាស់ទៅមុខ ?” ៖ អ្នកអាចកំពុងមានអ្នកពូកែរិះគិតដ៏អស្ចារ្យជាច្រើនក្នុងក្រុមហ៊ុនរបស់អ្នកទាំងមិនដឹងខ្លួន។ សុំពួកគេឲ្យជួយផ្ដល់ជាមតិស្ថាបនាទៅលើផ្លូវដែលគួរដើរ យុទ្ធសាស្ត្រនានា ការរក្សាទុកអតិថិជន និងការជួលបុគ្គលិកជាដើម៕

ប្រភព៖ Inc.com
ប្រែសម្រួល៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

មាន​មិត្ត​ស្រី​​អាយុ​​បង​​ខ្លួន​ក៏​ល្អ​ម៉្យាង​ដែរ​ ទាំង​នេះ​ជា​ចំណុច​ល្អ!

ទម្លាប់​អាក្រក់​​ទាំង​ ៥​យ៉ាង​​ ដែល​ធ្វើ​ឱ្យ​អ្នកងើបមុខមិនរូចពី​ក្រ​ ទោះ​បី​ជា​មាន​ប្រាក់​ចំណូល​​សមរម្យ​ក៏​ដោយ​​

ហេតុ​អ្វី​គេ​ផ្ដល់​តម្លៃ​ លើ​​ការ​បន្ត​ការ​សិក្សា​​​ថ្នាក់​​បរិញ្ញាបត្រ​ឬ​អនុ​បណ្ឌិត​​នៅ​បរទេស​ដល់​ម្ល៉ឹង?

Sabay សម្ពោធ​កុនធំ​របស់​ខ្លួន​នៅ​ថ្ងៃទី​២៦ ​មិថុនា​នេះ ​

អត្ថបទពាណិជ្ជកម្ម​

ហេតុផល ៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

Panasonic ចាប់​ដៃ​គ្នា​ជា​មួយ​​ G Gear សម្ពោធ​ទូរក្លាស្សេ​ភេសជ្ជៈ​ស៊េរី​ថ្មី!

ស្រាបៀរអាន់ឆ័រចាប់ឆ្នោតលើកទី២រដូវកាលថ្មីជូនគូស្វាមីភរិយាថ្មី ក្នុងកម្មវិធីអាពាហ៍ពិពាហ៍ស្រាបៀរអាន់ឆ័រឆ្នាំ ២០១៨

អានអត្ថបទតាមខែ

June 2018
M T W T F S S
« May    
 123
45678910
11121314151617
18192021222324
252627282930