អត្ថបទថ្មីបំផុត
ទំព័រដើម > សហគ្រិនភាព > ទម្លាប់ ៧យ៉ាង​ ដែល​សហគ្រិន​ជោគជ័យភាគ​ច្រើន​ប្រកាន់​ខ្ជាប់​

ទម្លាប់ ៧យ៉ាង​ ដែល​សហគ្រិន​ជោគជ័យភាគ​ច្រើន​ប្រកាន់​ខ្ជាប់​

រូបតំណាង

អ្នកតែងតែឃើញសហគ្រិនជោគជ័យជាច្រើនមិនថា​នៅ​ក្នុងប្រទេសកម្ពុជាយើង និងប្រទេសដទៃទៀតនោះទេ ដោយអ្នកទាំងនោះភាគច្រើនសុទ្ធតែមានក្រុមហ៊ុនជាច្រើនក្នុងដៃ។ ទោះបីជាអ្នកមើលពីក្រៅឃើញថាពួកគេទាំងនោះជាបុគ្គលដ៏ជោគជ័យ តែអ្នកមិនបានដឹងទេថា តើពួកគេមានទម្លាប់អ្វីខ្លះដែលធ្វើឲ្យពួកគេក្លាយជាបុគ្គលជោគជ័យរហូត​មក​ដល់​ពេល​នេះ? ដូចនេះ BizKhmer សូមលើកយកទម្លាប់ទាំង៧ របស់សហគ្រិនជោគជ័យដើម្បីឲ្យលោកអ្នកអាចយកទៅអនុវត្តតាម៖

១)​ ផ្នត់គំនិតជោគជ័យ៖​ សហគ្រិនជោគជ័យមានផ្នត់គំនិតម្យាងគឺផ្នត់គំនិតជោគជ័យ។ ពួកគេទាំងនោះតែងតែមានគំនិតសុទិដ្ឋិនិយម និងមានការប្ដេជ្ញាចិត្តយ៉ាងមុតមាំទៅលើភាពជោគជ័យ បើទោះបីជាមានឧបសគ្គមករារាំងពួកគេយ៉ាងណាក៏ដោយ។ សហគ្រិនជោគជ័យតែងតែបដិសេដនូវយោបល់អវិជ្ជមានទាំងឡាយណាដែលរារាំង ឬបង្អាក់ដំណើរពួកគេមិនឲ្យឆ្ពោះទៅរកភាពជោគជ័យ។

២) ភាពក្លាហាន៖ សហគ្រិនជោគជ័យតែងតែមានភាពក្លាហាន។ ខណៈពេលដែលអ្នកដទៃមានភាពភ័យខ្លាចមិនហ៊ានធ្វើអ្វីមួយដែលថ្មី សហគ្រិនជោគជ័យតែងតែស្វែងរកភាពភ័យខ្លាចនោះ រៀបចំគម្រោងយ៉ាងល្អិតល្អន់ ហើយឆក់យកផលប្រយោជន៍ពីឱកាសនោះ។

៣) ការបែងចែកពេលវាលា៖​ សហគ្រិនជោគជ័យតែងតែមានជំនាញគ្រប់គ្រង់ពេលវេលា។ ពួកគេរៀបចំតារាងពេលវេលារបស់ពួកគេយ៉ាងល្អ ដោយរូមបញ្ចូលទាំងពេលលើកទូរស័ព្ទ​ ពេលបំរើសេវាកម្មអតិថិជន និងកិច្ចការដែលត្រូវធ្វើប្រចាំថ្ងៃដោយមានគម្រោងយ៉ាងច្បាស់លាស់។ ការបែងចែកពេលវេលារបស់ពួកគេធ្វើឲ្យពួកគេធ្វើកិច្ចការរបស់ពួកគេបានយ៉ាងមានប្រសិទ្ធភាពនិងប្រសិទ្ធផល។

៤) ចេះប្រើប្រាស់បច្ចេកវិទ្យា៖​ សហគ្រិនជោគជ័យតែងតែដឹងពីរបៀបប្រើប្រាស់បច្ចេកវិទ្យាក្នុងការធ្វើឲ្យជីវិតរបស់ពួកគេកាន់តែងាយស្រួល។ ពួកគេប្រើប្រាស់បច្ចេកវិទ្យាទំនើបជាមួយនឹងបច្ចេកវិទ្យាចុងក្រោយ។ គេប្រើទូរស័ព្ទដើម្បីភ្ជាប់ទំនាក់ទំនង បង្ហោះរូបភាពតាមបណ្ដាញសង្គម និងប្រើប្រាស់គេហទំព័រក្នុងការគ្រប់គ្រងអតិថិជនជាដើម​​។ សហគ្រិនជោគជ័យចេះប្រើប្រាស់បច្ចេកវិទ្យាដើម្បីសម្រួលកិច្ចការទាក់ទងនឹងអាជីវកម្មរបស់គេ។

៥) ការសិក្សារៀនសូត្រ៖ សហគ្រិនជោគជ័យដឹងថាការសិក្សាគឺជាកត្តាអាទិភាព។ ពិភពលោកបច្ចុប្បន្ន គឺកំពុងតែវិវឌ្ឍយ៉ាងលឿន ដូចនេះហើយពួកគេតែងតែរៀននូវជំនាញអ្វីថ្មីៗ រៀនពីបច្ចេកវិទ្យា និងរៀនសូត្រពីគំនិតយោបល់របស់អ្នកដ៏ទៃក្នុងការជួយឲ្យអាជីវកម្មរបស់គេរីកចម្រើន។

៦) ពង្រឹងទំនាក់ទំនង៖ បណ្ដាញទំនាក់ទំនងសង្គមនិងអ៊ិនធឺណែតកាន់តែរីកចម្រើន តែពួកវាកំពុងតែកាត់ផ្ដាច់ទំនាក់ទំនងរបស់មនុស្សជាមួយមនុស្សដោយផ្ទាល់។ សហគ្រិនជោគជ័យតែងតែពង្រឹងការប្រាស្រ័យទំនាក់ទំនងដោយផ្ទាល់ជាមួយអ្នកដ៏ទៃ។ ពួកគេចូលចិត្តចូលរួមកម្មវិធីសិក្ខាសាលា កម្មវិធីសង្គម ឬកម្មវិធីជួបជុំអ្នកជំនួញជាដើមដើម្បីបង្កើតទំនាក់ទំនងជាមួយមនុស្សថ្មីៗ។

៧)​ ការមិនបោះបង់៖ ទោះបីជាមានគំនិតសុទ្ធិនិយម និងភាពក្លាហាន សហគ្រិនជោគជ័យដឹងហើយថាពួកគេនឹងមានថ្ងៃណាមួយត្រូវគេទាញទម្លាក់។ អ្នកដ៏ទៃនឹងមិនទទួលយកគំនិតរបស់ពួកគេ ដៃគូប្រកួតប្រជែងនឹងឆក់យកអតិថិជនរបស់ពួកគេ ឬលួចចម្លងផលិតផលរបស់ពួកគេ។ តែនៅពេលដែលពួកគេជួបប្រទះជាមួយនឹងឧបសគ្គដ៏ស្មុគស្មាញ ភាពបរាជ័យ សហគ្រិនជោគជ័យតែងតែមានភាពរឹងមាំ។ ប៉ុន្តែបញ្ហាទាំងនោះនឹងជូយបើកផ្លូវធ្វើឲ្យពួកគេកាន់តែរឹងមាំថែមទៀត។ អក្បកិរិយាមិនងាយបោះបង់នេះហើយដែលធ្វើឲ្យសហគ្រិនជោគជ័យខុសប្លែកពីមនុស្សធម្មតា៕

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

រស់ម៉េចបានយូរ បើបារម្ភខ្លាចតែខុសនោះ

គន្លះយកឈ្នះលើខ្លួនឯង មិនបាច់គេប្រាប់

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

ឧបករណ៍បំពងសម្លេង XBOOM របស់ក្រុមហ៊ុន LG ជាឧបករណ៍ មានអានុភាពដ៏អស្ចារ្យជាងឧបករណ៍ដ៏ទៃ

សេវាកម្មគ្រប់គ្រង Facebook Page សម្រាប់​អាជីវកម្មរបស់អ្នក! ល្បីជាងមុន! លក់ដាច់ជាងមុន

BRED Bank ​សម្ពោធ​សាខា​ថ្មី​បន្ថែម ​១ទៀត​នា​ទឹក​ដី​​សៀមរាបអង្គរ

ស្រាបៀរ HEINEKEN® និង EDM CAMBODIA នឹងរៀបចំកម្មវិធី“AFTERLIFE: DAY OF THE DEAD”

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031