អត្ថបទថ្មីបំផុត
ទំព័រដើម > សហគ្រិនភាព > តើ​គួរ​ធ្វើ​បែប​ណា​ទើប​អាច​ទាក់ទាញ​វិនិយោគិនឲ្យជឿជាក់ ​និង​រួម​សហការ​ជាមួយ​នឹង​អ្នក​បាន?

តើ​គួរ​ធ្វើ​បែប​ណា​ទើប​អាច​ទាក់ទាញ​វិនិយោគិនឲ្យជឿជាក់ ​និង​រួម​សហការ​ជាមួយ​នឹង​អ្នក​បាន?

ប្រ​ភព៖​​ pixabay.com

តើ​គួរ​ធ្វើ​បែប​ណា​ទើប​អាច​ទាក់ទាញ​វិនិយោគិន​ផ្សេងៗ​ឲ្យ​មើល​ឃើញ​នូវ​ចក្ខុវិស័យ​អាជីវកម្ម​របស់​អ្នក ហើយ​ជឿជាក់​និង​រួម​សហការ​ជាមួយ​នឹង​អ្នក​បាន ? ខាងក្រោម​នេះ​គឺជា​គន្លឹះ​សំខាន់ៗ​ដែល​ជា​ចម្លើយ​ឆ្លើយតប​នឹង​សំណួរ​ខាងលើ​ដែល​អ្នក​អាច​យក​ទៅ​ពិចារណា​និង​អនុវត្ត​បាន៖

១) ចំណង់​ពុះកញ្ជ្រោល​របស់​អ្នក៖ គ្រប់​ម្ចាស់​អាជីវកម្ម​ថ្មីថ្មោង​ទាំងអស់​គួរតែ​សួរ​ខ្លួនឯង​នូវ​សំណួរ​ដ៏​សំខាន់​បំផុត​មួយ​ថា ហេតុអ្វី​បាន​ជា​អ្នក​ចង់​ចាប់ផ្ដើម​អាជីវកម្ម​មួយ​នោះ ? ហេតុអ្វី​បាន​ជា​អ្នក​ចង់​ពុះពារ​ធ្វើ​វា​ខ្លាំង បើ​ទោះ​ជា​អ្នក​មិន​អាច​រក​ដើម​ទុន​បាន​គ្រប់គ្រាន់​ក៏​ដោយ ? គឺ​ចម្លើយ​របស់​អ្នក​នេះ​ឯង​ដែល​នឹង​បញ្ជាក់​ទៅ​កាន់​វិនិយោគិន​ទាំងឡាយ​ដែល​អ្នក​ចង់​ឲ្យ​ពួកគេ​មក​ជឿជាក់​រួម​សហការ​ជាមួយ​អ្នក ថា​តើ​អ្នក​មាន​ជំនក់​ចិត្ត​ពុះ​កញ្ជ្រោល​ខ្លាំង​ប៉ុណ្ណា​ចំពោះ​អ្វី​ដែល​ខ្លួន​ចង់​ធ្វើ។

២) ធ្វើ​តេស្ត​សាក​ពិសោធន៍​ទៅលើ​គំនិត​អាជីវកម្ម​របស់​អ្នក៖ ការ​ធ្វើ​តេស្ត​សាក​ពិសោធន៍​គំនិត​អាជីវកម្ម​របស់​អ្នក​ពិត​ជា​មាន​អត្ថប្រយោជន៍​ជា​ខ្លាំង​សម្រាប់​អាជីវកម្ម​របស់​អ្នក។ ដោយ​មូលហេតុ​ទី១​គឺ​ដំណើរការណ៍​នេះ​នឹង​ជួយ​ទាក់ទាញ​ចំណាប់អារម្មណ៍​មនុស្ស​ដទៃ​ទៀត​ដែល​ចាប់​អារម្មណ៍​ជាមួយ​នឹង​គំនិត​អាជីវកម្ម​របស់​អ្នក​បាន។ ហើយ​មូលហេតុ​មួយ​ទៀត​នោះ​គឺ​ការ​ធ្វើ​តេស្ត​ពិសោធន៍​នេះ​ក៏​បាន​ផ្ដល់​ឱកាស​ដល់​អតិថិជន​ក្នុង​ការ​ជួយ​កែតម្រូវ​នូវ​អ្វី​ដែល​អ្នក​គិត​មិន​ដល់ ឬ​មើល​រំលង​ចំណុច​សំខាន់​របស់​វា​សម្រាប់​ភាព​ជោគជ័យ​នៅ​ក្នុង​អាជីវកម្ម​របស់​អ្នក​បាន។

៣) មាន​ចំណុច​លេចធ្លោ​ដែល​អ្នក​មាន​ខុស​ប្លែក​ពី​អ្នកដទៃ៖ អ្នក​មិន​ត្រូវ​ភ្លេច​ទេ​ថា មិនមែន​មាន​អ្នក​តែ​ម្នាក់​ឯង​នោះ​ទេ​ដែល​កំពុង​តែ​ខិតខំ​ទាក់ទាញ​វិនិយោគិន​ផ្សេងៗ​ដើម្បី​ស្វែងរក​ដើមទុន​សម្រាប់​ដំណើរការ​អាជីវកម្ម​នោះ។ ហេតុនេះ​ហើយ​អ្នក​ត្រូវ​ស្វែងរក​ថា តើ​អ្នក​មាន​ចំណុច​លេចធ្លោ​អ្វី​ដែល​ខុស​ប្លែក​ពី​អ្នកដទៃ​ទៀត ដែល​នឹង​ទាក់ទាញ​វិនិយោគិន​ឲ្យ​ជឿជាក់​លើ​អ្នក​បាន​ទេ ? គំនិត​អាជីវកម្ម​របស់​អ្នក​សំខាន់​ហើយ ប៉ុន្តែ​អត្តចរិត​ខាងក្នុង​របស់​អ្នក​គឺ​កាន់តែ​សំខាន់​ទៅ​ទៀត ពុំ​នោះ​ទេ​ក៏​នឹង​មិនមែន​ចេះ​តែ​មាន​នរណា​មក​ហ៊ាន​ចាយ​លុយ​របស់​ពួកគេ​លើ​អ្វី​មួយ​ដែល​គួរ​ឲ្យ​សង្ស័យ​នៅ​ឡើយ​នោះ​ដែរ។ អ្នក​ត្រូវ​ធ្វើ​យ៉ាងណា​ឲ្យ​ពួកគេ​មើល​ឃើញ​នូវ​ចក្ខុវិស័យ​ដែល​អ្នក​មាន​ជាមួយ​គ្នា​នឹង​អ្នក និង​អាច​ស្រមៃ​នូវ​ភាព​ជោគជ័យ​ដែល​អាជីវកម្ម​របស់​អ្នក​អាច​សម្រេច​បាន ដោយ​សេចក្ដី​ស្មោះត្រង់​ពិត​ប្រាកដ​របស់​អ្នក៕

ប្រភព៖ entrepreneur.com
ប្រែសម្រួល៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​គំនិត ២១ ក្បាច់​​របស់ «​អ្នក​មាន» ខុស​ពី​គំនិត​​របស់​ «មនុស្ស​ទូទៅ»

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ធ្វើ​យ៉ាង​ណា​ទៅ​ដើម្បី​កាត់​បន្ថយ​ពាក្យ​ថា​ «ចាំ​ស្អែក​ចាំ​ធ្វើ​»?

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

BarCamp ឆ្នាំ​នេះ​កាន់​តែ​ប្លែក! ប្រធានបទ​“សន្និបាតបច្ចេកវិទ្យា និង​ការចាប់ផ្ដើមអាជីវកម្ម” ថ្ងៃទី ២០-២១ ខែតុលា​ នៅ​តិចណូ

ក្រុមហ៊ុនចូលរួមលក់បញ្ចុះតំលៃជាច្រើន ក្នុង​ឱកាស​ពិព័រណ៍អាពាហ៍ពិពាហ៍​ចុង​ខែ​កញ្ញា

អបអរអ្នកឈ្នះរង្វាន់ iPhoneX ពីក្រុមហ៊ុនស្រាបៀរកម្ពុជា CBL

សហគ្រិនស្ត្រីកម្ពុជាក្រោមការគាំទ្រពី ទីភ្នាក់ងារជំនួយសហរដ្ឋអាមេរិក USAID ប្រចាំនៅកម្ពុជា

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031