អត្ថបទថ្មីបំផុត
ទំព័រដើម > សហគ្រិនភាព > វិធី​ ៥ ​យ៉ាង អាច​ធ្វើ​ឲ្យ​លុយ​​ចេះ​​​រក​លុយ​ឲ្យ​អ្នក

វិធី​ ៥ ​យ៉ាង អាច​ធ្វើ​ឲ្យ​លុយ​​ចេះ​​​រក​លុយ​ឲ្យ​អ្នក

ធ្វើ​ឱ្យ​លុយ​​​ចេះ​រក​លុយ? ឃ្លា​នេះ​ស្តាប់​ទៅ​​ហាក់​បីដូច​ជា​​ចម្លែក​បន្តិច​សម្រាប់​ប្រិយមិត្ត​មួយ​ចំនួន។ សំខាន់​ជាង​នេះ​ទៅ​ទៀត​ ប្រិយមិត្ត​ច្បាស់​ជា​​មាន​ចម្ងល់​ហើយ​ថា តើ​អ្នក​អាច​ធ្វើ​វា​​បាន​ដោយ​របៀប​ណា?។ ក៏ប៉ុន្តែ​សម្រាប់​អ្នក​​ជំនាញ​ ឬ អ្នក​ជំនួញ​ដែល​មាន​បទពិសោធន៍​លើ​ការ​គ្រប់គ្រង​វិនិយោគ​​​ទុន យល់​បាន​យ៉ាង​ច្បាស់​ពី​វិធី​នេះ។

សាកល្បង​ស្វែង​យល់​​​យុទ្ធសាស្ត្រ​៥ ខាងក្រោម​នេះ​ថា តើ​​មាន​វិធី​ណា​ខ្លះ​ដែល​ធ្វើ​ឲ្យ​លុយ​អាច​រក​លុយ​​បាន? ​​​​​

១. បង្កើត​​ប្រាក់​ចំណូល​អកម្ម (passive income)
ពិធី​​ប្រើ​លុយ​ដើម្បី​រក​លុយ​ឲ្យ​អ្នក គឺ​តាម​​យុទ្ធសាស្ត្រ​រក​​ចំណូល​​តាម​​​បែប ​អកម្ម(passive income)។ ​នេះ​ជា​​វិធី​ធ្វើ​ឲ្យ​លុយ​​រត់​ចូល​​ក្នុង​ហោប៉ៅ​​របស់​អ្នក​ ​បើ​ទោះបី​ជា​អ្នក​កំពុង​ដេក​ក៏ដោយ។ មុខ​ជំនួញ ការងារ​ដ៏​ពេញ​និយម​​នៅ​ក្នុង​វិធី​​មួយ​នេះ គឺ​ការ​ទិញ​លក់​អចលនទ្រព្យ ម្ចាស់​ភាគហ៊ុន​ក្រុមហ៊ុន​ដោយ​មិន​ចេញ​មុខ ដាក់លុយស៊ីការប្រាក់នៅ​ធនាគារ ឬ ​ការ​បង្កើត​វីដេអូ​​បង្ហោះ​នៅ​លើ Youtube រួម​ទាំង​ការងារ​ជា​ច្រើន​ទៀត​ដែល​មិន​ទាមទារ​អ្នក​ឲ្យ​ប្រើ​កម្លាំងកាយ ឬ ​ចំណាយ​ពេល​ច្រើន​។

២.វិនិយោគ​លើ​អចលនទ្រព្យ
ការ​វិនិយោគ​លើ​វិស័យ​អចលនទ្រព្យ​​ដូច​ជា​ការ​ទិញ​ដី ផ្ទះឬ សំណង់​អចលនទ្រព្យ​ដែល​មាន​លក្ខណៈ​ជា​ពាណិជ្ជកម្ម ​​គឺ​ជា​ផ្នែក​មួយ​ជួយ​ឲ្យ​លុយ​របស់​អ្នក​រក​លុយ​ឲ្យ​អ្នក​បាន។ ពេល​អ្នក​ក្លាយ​ជា​ម្ចាស់​អចលនទ្រព្យ​​ទាំង​នេះ អ្នក​អាច​​ដាក់​លក់ ឬ ជួល បង់​រំលោះ ខណៈ​ដែល​ពី​មួយ​ឆ្នាំ​ទៅ​មួយ​ឆ្នាំ​តម្លៃ​របស់​វា​កើន ឡើង​រហូត​ដោយ​អ្នក​មិន​ចាំបាច់​​ហត់នឿយ​ចិត្ត​នោះ​ឡើយ។ ​​​

៣.ជួញដូរ​ភាគហ៊ុន
ការ​ជួញដូរ​ភាគហ៊ុន​ជា​មុខ​ជំនួញ​ដ៏​ពេញ​និយម​​ចាប់​តាំង​ពី​សតវត្ស​ទី ២០ មក​ម្ល៉េះ។ គេ​សង្កេត​ឃើញ​ថា អ្នក​មានៗ​​ជា​ច្រើន​គេ​ចូលចិត្ត​វិនិយោគ​លើ​វិស័យ​នេះ ​ព្រោះ​វា​អាច​ទទួល​បាន​ប្រាក់​ចំណេញ​ច្រើន។ ក៏ប៉ុន្តែ​ការ​ដាក់​​លុយ​វិនិយោគ​នៅ​​ក្នុង​វិស័យ​នេះ​ទាមទារ​ឲ្យ​អ្នក​យល់​ច្បាស់​ពី​របៀប​ជួញដូរ​ឲ្យ​បាន​ជ្រៅជ្រះ​បន្តិច​ពី​ទីផ្សារ​ភាគហ៊ុន ឬ​ត្រូវ​​ការ​ភ្នាក់ងារ​ជួញដូរ​ជំនាញ​​ទើប​អាច​ការពារ​ហានិភ័យ​បាន​ច្រើន។ ​​

៤.​ធ្វើ​ជា​ដៃគូ​ភាគហ៊ុន​ក្រុមហ៊ុន​ណា​មួយ​ដោយ​មិន​ចេញ​មុខ
ការ​ចាប់ផ្តើម​អាជីវកម្ម​ផ្ទាល់ខ្លួន​​អាច​ជា​ការ​ប្រថុយប្រថាន​មួយ​ ប៉ុន្តែ​ប្រសិន​បើ​អ្វីៗ​ដំណើរការ​ទៅ​បាន​ល្អ​ នោះ​វា​ជា​រឿង​ល្អ​បំផុត​។ នៅ​មាន​វិធី​មួយទៀត​​ដែល​ធ្វើ​ឲ្យ​អ្នក​ប្រើ​លុយ ហើយ​រក​ចំណូល​បាន​ពី​លុយ​នោះ ​ការ​ចាប់ផ្តើម​​បោះ​លុយ​ចូល​​ភាគហ៊ុន​ជា​មួយ​ម្ចាស់​អាជីវកម្ម​ណា​ម្នាក់​​​ ប៉ុន្តែ​មិន​បាច់​ចេញ មុខ​នោះ​ទេ។ អ្នក​គ្រាន់តែ​ប្រគល់​ការងារ​គ្រប់គ្រង​ទាំងអស់​​ទៅ​ឲ្យ​ដៃគូ​ភាគហ៊ុន​ជា​អ្នក​ទទួល​ខុសត្រូវ ​ដោយ​អ្នក​​ជា​​អ្នក​ផ្តល់​ទុន​ និង​​ទទួល​ប្រាក់​ចំណេញ​តាម​ភាគហ៊ុន​ដែល​បាន​កំណត់​នោះ​។ ​​​

៥.​រៀន​ចាប់​យក​ជំនាញ​មួយ​ច្បាស់​លាស់
យ៉ាងណាក៏ដោយ ការ​វិនិយោគ​ដែល​បាន​ទទួល​ប្រាក់​ចំណេញ​​សម្រាប់​អនាគត​នោះ គឺ​កុំ​ភ្លេច​លើ​ចំណេះដឹង​របស់​អ្នក។ អ្នក​ត្រូវ​លៃលក​​ហ៊ាន​ចំណាយ​លុយ សម្រាប់​​សិក្សា​ស្រាវជ្រាវ​រៀនសូត្រ​បន្ថែម​លើ​ជំនាញ​ដែល​មាន​បច្ចុប្បន្ន ដើម្បី​ដុសខាត់​វា​ឲ្យ​​កាន់តែ​មុត​ស្រួច​ឡើង​​សម្រាប់​ប្រកួតប្រជែង​លើ​ទីផ្សារ​ការងារ​។ សូម​ចាំ​ថា ​ជំនាញ​អ្នក​​កាន់តែ​ខ្លាំង ឱកាស​នៃ​ការ​​រក​លុយ​​មក​វិញ​ក៏​កាន់តែ​មាន​ច្រើន​ដែរ៕

 ដោយ​៖ សូរ៉ាន់ដា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31