អត្ថបទថ្មីបំផុត
ទំព័រដើម > សហគ្រិនភាព > កំហុស​ទាំង​ ៥យ៉ាង​ដែល​អ្នកដឹកនាំ​វៃឆ្លាត​តែង​ចៀសវាង​បង្កើត​ជា​លើកទី២

កំហុស​ទាំង​ ៥យ៉ាង​ដែល​អ្នកដឹកនាំ​វៃឆ្លាត​តែង​ចៀសវាង​បង្កើត​ជា​លើកទី២

ប្រ​ភព៖​​

នរណា​ក៏​មាន​កំហុស​ដែរ ប៉ុន្តែ​ការ​សាង​កំហុស​ដដែលៗ​ច្រើន​ដង​នោះ​ទើប​ជា​កំហុស​ពិត​ប្រាកដ។ នៅ​ពេល​អ្នក​មិន​បាន​ចំណាយ​ពេល​ខ្លះ​ដើម្បី​ឆ្លុះបញ្ចាំង​ពី​ការ​ដឹកនាំ​របស់​ខ្លួនឯង​ឡើង​វិញ នោះ​កំហុស​របស់​អ្នក​អាច​បំផ្លាញ​ដល់​ប្រយោជន៍​ក្នុង​រយៈពេល​វែង​របស់​អ្នក​បាន។ ខាងក្រោម​នេះ​គឺជា​កំហុស​ទាំង​៥យ៉ាង​ដែល​អ្នកដឹកនាំ​វៃឆ្លាត​តែង​ចៀសវាង​បង្កើត​ជា​លើកទី២៖

១) កំហុស​ដែល​មិន​បាន​បង្កើត​ទំនាក់ទំនង​ជាមួយ​សមាជិក​ក្រុម៖ មនុស្ស​មួយ​ចំនួន​នៅ​ពេល​បាន​ឡើង​កាន់​តំណែង​ជា​អ្នកដឹកនាំ​គេ បាន​បង្កើន​ភាព​ក្រអឺតក្រទម​ដែល​ខ្លួន​បាន​ក្លាយ​ជា​អ្នកដឹកនាំ ហើយ​ចៀសវាង​ការ​បង្កើត​ទំនាក់ទំនង​ស្និទ្ធស្នាល​ជាមួយ​សមាជិក​ក្រុម​ដែល​មាន​ឋានៈ​តូច​ទាប​ជាង​ខ្លួន។ នៅ​ពេល​អ្នកដឹកនាំ​ប្រកាន់​ឋានៈ​និង​មិន​មាន​ភាព​ស្និទ្ធស្នាល​ជាមួយ​សមាជិក​ក្រុម វា​នឹង​ធ្វើឲ្យ​ការ​សហការ​គ្នា​មាន​ការ​លំបាក​ជាក់​ជា​ពុំខាន។

២) កំហុស​ដែល​គ្រប់គ្រង​ហួសហេតុ​ពេក៖ អ្នកដឹកនាំ​ដែល​គ្រប់គ្រង​គេ​ហួសហេតុ​ពេក បញ្ជាក់​ពី​ការ​មិន​ទុក​ចិត្ត​របស់​អ្នកដឹកនាំ​ចំពោះ​សមាជិក​ក្រុម ហើយ​អ្នកដឹកនាំ​បែប​នេះ​មិន​បាន​ទុក​ឱកាស​សម្រាប់​ឲ្យ​សមាជិក​ក្រុម​រិះរក​វិធី​ដោះស្រាយ​បញ្ហា​ដោយ​ខ្លួនឯង ឱកាស​សម្រាប់​ឲ្យ​ពួកគេ​បាន​រៀន​សូត្រ​អ្វីៗ​ដោយ​ខ្លួនឯង និង​ឱកាស​សម្រាប់​បង្ហាញ​សមត្ថភាព​របស់​ពួកគេ​ឲ្យ​អស់​ពី​លទ្ធភាព។

៣) កំហុស​ដែល​មិន​បាន​ស្ដាប់​អ្នកដទៃ​ដោយ​យកចិត្តទុកដាក់៖ មនុស្ស​ដែល​មិន​មាន​គំនិត​ដូច​អ្នក​គឺជា​មនុស្ស​ដែល​អាច​ឲ្យ​អ្នក​រៀន​សូត្រ​បាន​ច្រើន​លើសលប់​ជាង​មនុស្ស​ដែល​តែងតែ​ស្រប​តាម​អ្នក។ ព្រោះ​ដោយសារតែ​ពួកគេ​នេះ​ឯង​ដែល​អ្នក​អាច​មាន​ឱកាស​ឆ្លុះ​បញ្ចាំង​ទៅលើ​ការ​សម្រេច​ចិត្ត​របស់​ខ្លួន​ឡើង​វិញ។ ហេតុនេះ​អ្នកដឹកនាំ​ល្អ​តែង​ចៀសវាង​កំហុស​ដែល​មិន​បាន​ស្ដាប់​អ្នកដទៃ​ដោយ​យកចិត្តទុកដាក់ ដើម្បី​វិវត្ត​ខ្លួន​ពួកគេ​ឲ្យ​ឆ្ពោះ​ទៅ​រក​ការ​រីកចម្រើន​និង​សម្រេច​សមិទ្ធផល​រយៈពេល​វែង​ទាំងអស់​គ្នា។

៤) កំហុស​ដែល​ចូលចិត្ត​ឆ្លៀត​យក​មុខមាត់៖ ជាជាង​ឆ្លៀត​ឱកាស​យក​មុខមាត់​ពី​សមាជិក​ក្រុម​នៅ​ពេល​ការ​ខិតខំ​ប្រឹងប្រែង​របស់​ពួកគេ​ទទួល​បាន​ផ្លែផ្កា អ្នកដឹកនាំ​ល្អ​ឈរ​នៅ​ពេល​ក្រោយ ចាំ​លើក​សរសើរ​និង​ជំរុញ​បន្ថែម និង​រំលឹក​ពី​ការ​រួម​ចំណែក​ដ៏​សំខាន់​របស់​ពួកគេ​ក្នុង​ការ​ធ្វើឲ្យ​សមិទ្ធផល​ជោគជ័យ​ណាមួយ​នោះ​កើតឡើង។

៥) កំហុស​ដែល​មិន​បាន​បើក​ចំហ​ខ្លួនឯង​ឲ្យ​ទូលាយ​ចំពោះ​អ្នកដទៃ៖ អ្នកដឹកនាំ​ល្អ​ព្យាយាម​បង្ហាញ​សមាជិក​ក្រុម​របស់​ខ្លួន​ពី​ទំនុក​ចិត្ត​ដែល​គាត់​មាន​ចំពោះ​ពួកគេ និង​បង្ហាញ​ពី​ការ​គោរព​ឲ្យ​តម្លៃ​បើ​ទោះ​ជា​ឋានៈ​ខុស​គ្នា​ក៏​ដោយ។ នៅ​ពេល​សមាជិក​ក្រុម​បាន​ទទួល​ដឹង​ពី​ការ​ទុក​ចិត្ត​ដែល​អ្នកដឹកនាំ​មាន​ចំពោះ​ពួកគេ វា​នឹង​ជំរុញ​ឲ្យ​ពួកគេ​បង្កើន​ការ​យកចិត្តទុកដាក់​ខិតខំ​ធ្វើការ​កាន់តែ​ខ្លាំង​ជាង​មុន​ដើម្បី​កុំ​ធ្វើឲ្យ​អ្នកដឹកនាំ​មាន​ការ​ខក​បំណង៕

ប្រភព៖ inc.com

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31