អត្ថបទថ្មីបំផុត
ទំព័រដើម > ឃ្លាំង​គំនិត > គម្រោង​ផ្លូវ​ល្បឿន​លឿន​ថ្មី​​​ពី​​ភ្នំពេញ​ទៅ​ព្រះសីហនុ​​​នឹង​បន្ថយ​ចម្ងាយ​ ៣៨​​​គីឡូម៉ែត្រ​

គម្រោង​ផ្លូវ​ល្បឿន​លឿន​ថ្មី​​​ពី​​ភ្នំពេញ​ទៅ​ព្រះសីហនុ​​​នឹង​បន្ថយ​ចម្ងាយ​ ៣៨​​​គីឡូម៉ែត្រ​

កិច្ច​ប្រជុំ​កាល​ពី​ថ្ងៃ​ទី​១២ ឧសភា​

ប្រ​ភព៖​​ បណ្ដាញ​សង្គម​ ក្រសួង​សាធារណការ​ និង​ដឹក​ជញ្ជូន​

ក្រុមហ៊ុន Ernst & Young បានធ្វើបទបង្ហាញពី គម្រោងផ្លូវល្បឿនលឿនពីរាជធានីភ្នំពេញទៅខេត្តព្រះសីហនុ ដែលមានប្រវែង១៩១.៦គីឡូម៉ែត្រដល់ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ កាលពីរសៀលថ្ងៃទី១២ ខែឧសភា។ នេះបើយោងតាមបណ្ដាញសង្គមរបស់ក្រសួងសាធារណការ និងដឹកជញ្ជូន។

គម្រោងថ្មីនេះ នឹងបន្ថយចម្ងាយផ្លូវពីរាជធានីភ្នំពេញទៅក្រុងព្រះសីហនុបានប្រមាណ ៣៨,៤គីឡូម៉ែត្រ ពោលគឺបន្ថយពី ២៣០គីឡូម៉ែត្រ មកនៅត្រឹមប្រវែង១៩១.៦គីឡូម៉ែត្រ

ក្នុងកិច្ចប្រជុំនោះមានវត្តមាន ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការ ឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការនៃក្រុមប្រឹក្សាអភិវឌ្ឍន៍កម្ពុជា និងឯកឧត្តម វង្សី វិសុទ្ធ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ព្រមទាំងសមាជិកដទៃទៀត នៃគណៈកម្មាធិការផ្លូវល្បឿនលឿន បានអញ្ជើញចូលរួមស្តាប់ការធ្វើបទបង្ហាញមួយស្តីពី ការសិក្សា វាយតម្លៃព័ត៌មានទីផ្សារ និងសេចក្តីព្រាងលក្ខខណ្ឌកិច្ចសន្យា ដែលរៀបចំដោយក្រុមហ៊ុន Ernst & Young ដែលជាក្រុមហ៊ុនផ្តល់សេវាប្រឹក្សាយោបល់សម្រាប់ការសិក្សាគម្រោងផ្លូវល្បឿនលឿននេះ។

ទីប្រឹក្សាក្រុមហ៊ុនErnst & Young បានពិពណ៌នា និងបកស្រាយការវិភាគរបស់ខ្លួនអំពីទិដ្ឋភាពផ្សេងៗនៃគម្រោងសម្រាប់ផ្លូវល្បឿនលឿនពីរាជធានីភ្នំពេញទៅខេត្តព្រះសីហនុ ដែលមានប្រវែង១៩១.៦គីឡូម៉ែត្រ ក្រោម កិច្ចសន្យាសម្បទាន នៃគម្រោងBOT(កសាង ប្រតិបត្តិ ផ្ទេរ)

ឯកឧត្តមទេសរដ្ឋមន្ត្រី ស៊ុន ចាន់ថុល និងអ្នកចូលរួមទាំងអស់បានពិភាក្សាលើលទ្ធផលនៃការសិក្សានេះ និងបានជំរុញឱ្យក្រុមហ៊ុន Ernst & Young ពិនិត្យមើលឡើងវិញនូវគម្រោងនេះ ហើយផ្តល់ព័ត៌មាន និងអំណះអំណាងបន្ថែមទៀតមកឲ្យគណៈកម្មាធិការវិញ ដើម្បីឲ្យគណៈកម្មាធិការនេះអាចធ្វើការសម្រេចចិត្ត និងអាចចរចាជាមួយសាជីវកម្មស្ពានថ្នល់ចិន (CRBC) ឲ្យកាន់តែប្រសើរជាងមុន ដើម្បីធ្វើឲ្យគម្រោងនេះមានការរីកចម្រើនទៅមុខ ដោយយកចិត្តទុកដាក់លើការពិនិត្យមើលជាសំខាន់នូវបញ្ហាហានិភ័យ និងអត្ថប្រយោជន៍ សម្រាប់ប្រជាពលរដ្ឋកម្ពុជា៕

ដោយ៖ រតនៈវិភូ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031