អត្ថបទថ្មីបំផុត
ទំព័រដើម > ឃ្លាំង​គំនិត > ​សុភាសិត​ដ៏​មាន​តម្លៃ​របស់​អ៊ីស្រាអែល​​៖ ​«​កុំ​ដេក​ ​ប្រសិន​បើ​អ្នក​ចង់​ឲ្យ​សុបិន​ក្លាយ​ជា​ការ​ពិត​»

​សុភាសិត​ដ៏​មាន​តម្លៃ​របស់​អ៊ីស្រាអែល​​៖ ​«​កុំ​ដេក​ ​ប្រសិន​បើ​អ្នក​ចង់​ឲ្យ​សុបិន​ក្លាយ​ជា​ការ​ពិត​»

ប្រ​ភព៖​​ SunCity Travel LLC

«​កុំ​ដេក​ ​ប្រសិន​បើ​អ្នក​ចង់​ឲ្យ​សុបិន​ក្លាយ​ជា​ការ​ពិត​» ​។​​នេះ​ជា​សុភាសិត​របស់​ជនជាតិ​អ៊ីស្រាអែល ​ដែល​ជា​ជនជាតិ​មួយ​ត្រូវ​​ពិភពលោក​ទទួលស្គាល់​ថា ​​ពូកែ​ ខ្លាំង​ ​​ឬ ​អាច​និយាយ​ថា ជា​ជនជាតិ​គំរូ​មួយ​។ ​​តាម​រយៈ​សុភាសិត​នេះ ​​យើង​អាច​សន្និដ្ឋាន​បាន​ខ្លះ​ៗ​ថា​ ​ភាព​រីកចម្រើន​របស់​អ៊ីស្រាអែល​​សព្វ​ថ្ងៃ​​នេះ​គឺ​មិន​មែន​ជា​រឿង​ចៃដន្យ​នោះ​ទេ​។

​​​និយាយ​ដល់​សុភាសិត​នេះ យើង​សូម​រម្លឹក​អំពី​ភាព​តស៊ូ ​និង ​ភាព​អស្ចារ្យ​របស់​​ជនជាតិ​មួយ​នេះ​បន្តិច​។ ​ជនជាតិ​ជន​ជ្វីហ្វ​ ឬ ​អ៊ីស្រាអែល​ ​​​ធ្លាប់​បាន​បាត់បង់​ប្រទេស​របស់​ខ្លួន​រាប់ពាន់​ឆ្នាំ​ ​​ប៉ុន្តែ​ជនជាតិ​មួយ​នេះ​មិន​ដែល​ភ្លេច​ពី​គោលដៅ​ក្នុង​ការ​បង្កើត​ប្រទេស​របស់​ខ្លួន​ឡើង​វិញ​នោះ​ទេ ទោះបី​ជា​ពួកគេ​បាន​រស់នៅ​រសាត់អណ្ដែត​លើ​ទឹកដី​​ជាតិ​សាសន៍​ដទៃ​អស់​រយៈកាល​​ដ៏​យូរ​​ក៏​​ដោយ​​។ ​ ​

​​អ៊ីចឹង​​​​នៅ​សម័យ​សង្គ្រាម​លោក​លើក​ទី១​ ​ជនជាតិ​ជ្វីហ្វ​កាន់​តែ​ច្រើន​​ឡើង​ៗ​បាន​ចូល​​ទៅ​ ​តាំង​​ទី​លំនៅ​នៅ​​លើ​ទឹកដី​ប៉ាឡេស្ទីន​ ដែល​ជា​អតីត​​ទឹកដី​របស់​ខ្លួន​​កាល​ពី​រាប់ពាន់​ឆ្នាំ​មុន​។ ​ហើយ​នៅ​ក្នុង​សម័យ​សង្គ្រាម​លោក​លើក​ទី២​ ​​ដោយ​សារ​តែ​មាន​ការ​កាប់សម្លាប់​ជនជាតិ​ជ្វីហ្វ​យ៉ាង​ព្រៃផ្សៃ​​នៅ​អាល្លឺម៉ង់​ ក៏​បាន​ធ្វើ​ឲ្យ​ចលនា​ត្រឡប់​​​​មក​កាន់​ទឹកដី​កំណើត​របស់​ខ្លួន​វិញ​កាន់​តែ​ច្រើន​ រហូត​​បង្កើត​ជា​រដ្ឋ​ឡើង​វិញ ​ដែល​ស្គាល់​ថា ​ជា​ប្រទេស​អ៊ីស្រាអែល​។ ​​

ក្នុង​ចលនា​បង្កើត​ប្រទេស​ឡើង​វិញ​នោះ ​មាន​ប្រទេស​ជាច្រើន​ដែល​នៅ​តំបន់​អារ៉ាប​បាន​មូល​មាត់​គ្នា ​ដើម្បី​កម្ទេច​ចលនា​បង្កើត​រដ្ឋ​របស់​អ៊ីស្រាអែល ប៉ុន្តែ​ទោះបី​ជា​ប្រជាជន​តិច ​​ធនធាន​តិច ​អាវុធ​មិន​សូវ​ទំនើប​ ​និង ​​ទ័ព​ក៏​តិច​ ​ក៏​ដោយ​ក៏​ជនជាតិ​អ៊ីស្រាអែល​មិន​ដែល​ចុះ​ចាញ់​នោះ​ឡើយ ពោល​គឺ​មិន​ដែល​ស្គាល់​ពាក្យ​ថា ចាញ់​សង្គ្រាម​​ ព្រោះ​វា​គឺ​​ជា​ការ​តាំង​ចិត្ត​ក៏​មុតមាំ ​ដើម្បី​ធ្វើ​ឲ្យ​សុបិន​ក្លាយ​ជា​ការ​ពិត​។ ទី​បំផុត​ ​នៅ​ឆ្នាំ​១៩៤៨ ​​​ប្រទេស​អ៊ីស្រាអែល​បាន​ប្រកាស​ឯករាជ្យ​ពេញ​ទី​របស់​ខ្លួន​​​ ​​ហើយ​នៅ​ឆ្នាំ​១៩៤៩​ ​អង្គការ​សហប្រជាជាតិ​ក៏​​ទទួល​ស្គាល់​ឯករាជ្យ​​​ភាព​ប្រទេស​​នេះ​ជា​ផ្លូវ​ការ​។

​សរុប​សេចក្ដី​មក​​ ​​គ្មាន​ភាព​ជោគជ័យ​ណា​មួយ​ដែល​កើត​ឡើង​ដោយ​មិន​មាន​ការ​ប្រឹងប្រែង​នោះ​ទេ ​​​ដូច្នេះ​ហើយ​​ ​បើ​ចង់​ជោគជ័យ​ក្នុង​ជីវិត​ ​គឺ​ត្រូវ​​បំភ្លេច​ពាក្យ​ថា «​ខ្ជិល​» ​​​ហើយ​​ត្រូវ​ដាក់​ចិត្ត​ធ្វើ​ការ​ងារ​នោះ​ រហូត​បាន​សម្រេច​៕

​ដោយ​៖ រតនា​ ​វិចិត្រ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

សម្រាប់​អ្នក​ដែល​មាន​រាង​ស្គម​សង្វិត ​ចង់​ឡើង​ទម្ងន់​ស្អាត​ជាង​មុន​ ​កុំ​ភ្លេច​វិធី​ទាំង​នេះ

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ជំនាញ​សំខាន់​ៗ​ទាំង​ ៦​ របស់​គណនេយ្យករ​ ​Skill Set of Accountant?​ ដឹង​ថា​មាន​អ្វី​ខ្លះ​អត់?​

អ្នក​និពន្ធ​​ដ៏​ល្បី​ លោក​ ​​សន  ខូវិយ៍ (Sean Covey)៖ ​ទម្លាប់​អាក្រក់​៧​យ៉ាង​ ​​ធ្វើ​ឲ្យ​យុវជន​​​រក​មិន​ឃើញ​ភាព​ជោគជ័យ​ក្នុង​ជីវិត

អត្ថបទពាណិជ្ជកម្ម​

Tiger Street Football Festival 2019 នៅមណ្ឌលទី៧បើកការប្រកួតជាផ្លូវការហើយ

ដំណើរការ១០ឆ្នាំរបស់ក្រុមហ៊ុនមិត្តហ្វូន ប្រកបដោយសមិទ្ធផលនិងជីវិតរីកចម្រើន

Viber បញ្ចេញវីដេអូរាងជា “បេះដូង” ថ្មីដើម្បីផ្ញើទៅអ្នកជាទីស្រឡាញ់ នៅក្នុងថ្ងៃ “ទិវានៃក្តីស្រឡាញ់”

កាន់តែកក្រើកជាមួយរង្វាន់យក្សពី Huawei! ទិញ Huawei អេ 7 ឈ្នះរង្វាន់​ Mazda2​​​ និងរង្វាន់ជាច្រើនទៀត​សរុប 200,000,000 រៀល!

អានអត្ថបទតាមខែ

February 2019
M T W T F S S
« Jan    
 123
45678910
11121314151617
18192021222324
25262728