អត្ថបទថ្មីបំផុត
ទំព័រដើម > ឃ្លាំង​គំនិត > អត្តចរិត៦ប្រភេទដែលតែងមាននៅក្នុងខ្លួនមនុស្សធម្មតា

អត្តចរិត៦ប្រភេទដែលតែងមាននៅក្នុងខ្លួនមនុស្សធម្មតា

ពិភពលោកនេះពោរពេញទៅដោយបុគ្គល២ប្រភេទគឺ បុគ្គលជោគជ័យនិងបុគ្គលធម្មតា។ តើ​បុគ្គល​ធម្មតា​ខុស​ពី​បុគ្គល​ជោគជ័យ​យ៉ាង​ដូចម្ដេច ? តើ​បុគ្គល​ធម្មតា​មាន​អត្តចរិត​បែប​ណា​ខ្លះ ?

១) មនុស្សធម្មតាតែងតែអួតអាងថាខ្លួនគេមាននូវគំនិតណាមួយមុនគេជានិច្ច៖ នៅពេលលេចឮពត៌មានថ្មីៗពីការច្នៃប្រឌិតដ៏អស្ចារ្យរបស់បុគ្គលណាមួយ វាតែងតែមាននរណាម្នាក់អួតអាងថាខ្ញុំមានគំនិតបែបនេះតាំងពីមុនការច្នៃប្រឌិតនោះចេញមកម្ល៉េះ ឬក៏សម្ដីបែបឥតប្រយោជន៍ផ្សេងៗទៀតក្នុងទម្រង់ស្រដៀងគ្នាដូច្នេះដែរ។ អ្នកចង់និយាយបែបណាវាជាសិទ្ធិរបស់អ្នកនោះទេ​​ តែអ្វីដែលសំខាន់ជោគជ័យរបស់បុគ្គលទាំងនោះកកើតឡើងបានដោយសារមានការចាប់ផ្ដើមធ្វើនិងការខិតខំប្រឹងប្រែងយ៉ាងមានវិន័យបំផុត មិនមែនមានតែការវោហាឥតបានការនោះឡើយ។ មនុស្សធម្មតាតែងនិយាយច្រើនជាងធ្វើ ដែលភាពក្អេងក្អាងរបស់គេធ្វើឲ្យគេមិនបានប្រើប្រាស់ជីវិតរបស់ខ្លួនរស់នៅឲ្យអស់លទ្ធភាពនិងមានប្រយោជន៍ទាល់តែសោះ។

២) មនុស្សធម្មតាខ្ជះខ្ជាយពេលវេលារបស់ពួកគេ៖ បុគ្គលប្រភេទនេះមិនឲ្យ​អាទិភាព​លើជីវិតការងាររបស់ពួកគេដូចបុគ្គលជោគជ័យដទៃៗទៀតនោះទេ។ ពួកគេតែងរកច្រកចេញពីទំនួលខុសត្រូវលើការងារនិងជីវិតរបស់ខ្លួន។ បុគ្គលជោគជ័យយល់ច្បាស់ថាការខិតខំប្រឹងប្រែងបំពេញការងារគឺជាផ្លូវតែមួយគត់ដែលពួកគេត្រូវដើរដើម្បីសម្រេចភាពជោគជ័យក្នុងជីវិត។ រីឯមនុស្សធម្មតាវិញប្រៀបដូចជាទូកឥតក្ដោងដែលរេចុះឡើងៗតាមទំនោរខ្យល់បក់ គ្មានទិសដៅច្បាស់លាស់ក្នុងជីវិត ម្ដងចាប់នេះម្ដងចាប់នោះ បន្សល់ទុកនូវការងារដែលមិនទាន់បញ្ចប់យ៉ាងច្រើន ហើយក៏ចូលចិត្តឲ្យតម្លៃទៅលើរឿងឥតប្រយោជន៍ជាច្រើនក្នុងជីវិត ដែលធ្វើឲ្យពួកគេខាតពេលវេលានិងប្រាក់កាសទៀតផង។

៣) មនុស្សធម្មតាតែងតែដាច់លុយជានិច្ច​៖ បើអ្នកចំណាយប្រាក់ទៅតាមចំណង់តណ្ហាមិនចេះចប់មិនចេះហើយរបស់អ្នក នោះអ្នកនឹងគ្មានសេសសល់ប្រាក់អ្វីជាដុំកំភួនសម្រាប់ប្រើការទៅលើរឿងចាំបាច់នៅក្នុងជីវិតនោះទេ។ អ្នកត្រូវចាប់ផ្ដើមមាន​គណនី​សន្សំប្រាក់ បញ្ឈប់ការចំណាយទៅលើរបស់ដែលអ្នកចង់បានជាជាងរបស់ដែលអ្នកត្រូវការ សងបំណុលដែលបានជំពាក់ឲ្យអស់ និងចាយយ៉ាងសន្សំសំចៃទៅលើប្រាក់ដែលនៅសេសសល់។

៤)​ មនុស្សធម្មតាអោបក្រសោបអតីតកាលរបស់ពួកគេ៖ ពួកយើងម្នាក់ៗសុទ្ធតែមានអតីតកាលជូរចត់ បទពិសោធន៍ឈឺចាប់រាប់មិនអស់នៅក្នុងជីវិត តែអ្វីដែលសំខាន់នោះគឺគ្មាននរណាម្នាក់ក្នុងចំណោមពួកយើងដែលអាចទាញពេលវេលាត្រឡប់ថយក្រោយវិញបាននោះទេ។ ម្យ៉ាងទៀតអតីតកាលនិងអនាគតកាលគ្រាន់តែកើតឡើងនៅក្នុងការគិតរបស់អ្នកប៉ុណ្ណោះ។ នៅពេលអ្នកផ្ដោតទៅលើបច្ចុប្បន្នកាលរបស់អ្នកដោយយកចិត្តទុកដាក់បំផុត នោះ អ្នកនឹងរស់នៅជីវិតមួយដែលមិនមែនមានតែភាពធម្មតានោះឡើយ។

៥) មនុស្សធម្មតាជ្រើសរើសរស់នៅជីវិតដែលធម្មតា៖ ពួកគេប្រៀបដូចជាកង្កែបក្នុងអណ្ដូងដែលភ័យខ្លាចនូវការផ្លាស់ប្ដូរជោគវាសនារបស់ខ្លួន និងបានត្រឹមតែមានវិប្បដិសារីទៅលើអ្វីដែលខ្លួនមានត្រឹមតែក្ដីសុបិន្តតែមិនបានចាប់ផ្ដើមបោះជំហានជាសកម្មភាពធ្វើវាឲ្យចេញជារូបរាង។ ត្រូវចាំថាបញ្ហាមិនមែនចេះតែមានរូបភាពដូចអ្វីដែលអ្នកមើលឃើញនោះទេ មានតែការចាប់ផ្ដើមប៉ុណ្ណោះទើបអ្វីៗនឹងអាចសម្រេចដូចប្រាថ្នារបស់អ្នកបាន។

៦) មនុស្សធម្មតាមិនដែលមានការទទួលខុសត្រូវលើជីវិតពួកគេឡើយ៖ ស្របពេលដែលបុគ្គលជោគជ័យប្រឹងប្រែងយ៉ាងសស្រាក់សស្រាំទៅលើការងាររបស់ពួកគេ បុគ្គលធម្មតាមើលទូរទស្សន៍ ខ្ជះខ្ជាយពេលវេលាជាច្រើនលើបណ្ដាញសង្គម ហើយនៅពេលពួកគេមើលមិនឃើញពីភាពផ្លាស់ប្ដូរនៅក្នុងជីវិតខ្លួន ពួកគេបន្ទោសទៅលើកត្តាខាងក្រៅ ប៉ុន្ដែពួកគេមិនងាកមកកែប្រែខ្លួនឯងនោះឡើយ។ អ្នកត្រូវចាំថាមានតែអ្នកប៉ុណ្ណោះ ដែលជាអ្នកមានសិទ្ធិជ្រើសរើសក្លាយទៅជាបែបណាទៅតាមការជ្រើសរើសរបស់អ្នកលើជីវិត៕

ប្រភព៖ lifehack
ប្រែសម្រួល៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

​ជូគឺលាង​ (Zhuge Liang ​) ៖«​​ជឿជាក់​ជ្រុល​ហួស​ហេតុ​ពេក ​នាំ​ឲ្យ​បរាជ័យ​»​

អត្ថបទពាណិជ្ជកម្ម​

កម្មវិធី Uncaged Night របស់ស្រាបៀរថៃហ្គ័របានបញ្ចប់ដោយជោគជ័យ

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31