អត្ថបទថ្មីបំផុត
ទំព័រដើម > ឃ្លាំង​គំនិត > ហេតុអ្វី​អ្នកត្រូវផ្លាស់ប្ដូរខ្លួនឯង ដើម្បីផ្លាស់ប្ដូរស្ថានការណ៍ដែលមិនសម​បំណងនៅខាងក្រៅ ?

ហេតុអ្វី​អ្នកត្រូវផ្លាស់ប្ដូរខ្លួនឯង ដើម្បីផ្លាស់ប្ដូរស្ថានការណ៍ដែលមិនសម​បំណងនៅខាងក្រៅ ?

ភាព​រឹងមាំ​ខ្លាំងក្លា​របស់​អ្នក គឺជា​លទ្ធផល​ដែល​ទទួល​បាន​មក​ពី​ការណ៍​ដែល​អ្នក​អាច​គ្រប់គ្រង​ខ្លួនឯង ក្នុង​ការ​ផ្លាស់ប្ដូរ​ការ​ឆ្លើយតប​របស់​ខ្លួនឯង​ចំពោះ​ស្ថានការណ៍​ខាងក្រៅ​ទាំងឡាយ​ដែល​មិន​សម​តាម​បំណង​របស់​អ្នក មិនមែន​ជា​លទ្ធផល​ដែល​ទទួល​បាន​មក​ពី​ការណ៍​ដែល​អ្នក​អាច​គ្រប់គ្រង​អ្វី​គ្រប់​បែប​យ៉ាង​នៅ​ខាងក្រៅ​ដែល​មិន​សម​តាម​បំណង​អ្នក​នោះ​ឡើយ។

ឡៅជឺ ធ្លាប់​និយាយ​ថា៖ “ជីវិត​គឺ​សាមញ្ញ​ណាស់ ប៉ុន្តែ​មនុស្ស​ខ្លួនឯង​ទេ​តើ​ដែល​ចេះ​តែ​ចង់​ធ្វើឲ្យ​វា​ស្មុគស្មាញ​នោះ”។ ទុក្ខ​លំបាក​វេទនា​កើត​ចេញ​មក​ពី​អ្វីៗ​នៅ​ខាងក្រៅ​កើត​ឡើង​មិន​ដូច​ចិត្ត​ខាងក្នុង​របស់​អ្នក​ដែល​ប៉ង។ ពួកគេ​យល់​ថា​បើ​សិន​ជា​អ្វីៗ​កើត​ឡើង​ទៅ​តាម​សេចក្ដី​ប្រាថ្នា​របស់​ពួកគេ នោះ​ពួកគេ​នឹង​មាន​សេចក្ដី​សុខ​ហើយ។ ប៉ុន្តែ​ការ​ពិត​គឺ​បុគ្គល​ដែល​មាន​សេចក្ដី​សុខ​យ៉ាង​ពិត​ប្រាកដ មិនមែន​ជា​បុគ្គល​ដែល​មាន​អ្វីៗ​គ្រប់​បែបយ៉ាង ឬ​ក៏​ពួកគេ​មាន​សិទ្ធិ​អំណាច​អាច​គ្រប់គ្រង​ពិភពលោក​ទាំងមូល​បាន​នោះ​ទេ។ យ៉ាងណាមិញ ពួកគេ​មាន​អ្វីៗ​គ្រប់​យ៉ាង​ក៏​ព្រោះ​តែ​ពួកគេ​អាច​គ្រប់គ្រង​ខ្លួនឯង​បាន​នេះឯង។ ការ​ផ្លាស់ប្ដូរ​គ្មាន​អ្វី​ដែល​គួរឲ្យ​ឈឺចាប់​នោះ​ទេ មាន​តែ​ការ​ចចេស​រឹងរូស​នឹង​ការ​ផ្លាស់ប្ដូរ​ប៉ុណ្ណោះ​ដែល​ធ្វើឲ្យ​អ្នក​ឈឺចាប់។

តារា​សម្ដែង លី សៀវឡុង ធ្លាប់​និយាយ​ថា៖ “ចូរ​កុំ​បន់ស្រន់​សុំ​ឲ្យ​ជីវិត​របស់​អ្នក​ងាយស្រួល​ជាង​នេះ ប៉ុន្តែ​ចូរ​បន់ស្រន់​សុំ​នូវ​កម្លាំង​ចិត្ត​ដ៏​ខ្លាំងក្លា​សម្រាប់​ទប់ទល់​ជាមួយ​នឹង​ការ​លំបាក​ទាំងអស់​ក្នុង​ជីវិត​របស់​អ្នក​វិញ”។ នៅ​ពេល​ដែល​អ្នក​ចេះ​តែ​ចង់​ឲ្យ​អ្វីៗ​នៅ​ខាងក្រៅ​ប្រព្រឹត្ត​ទៅ​តាម​ចិត្ត​ចង់​បាន​របស់​អ្នក នោះ​វា​ក៏​មិន​ខុស​អ្វី​ពី​ការណ៍​ដែល​អ្នក​យក​ទុក្ខ​លំបាក​មក​ដាក់​ឲ្យ​ខ្លួនឯង​នោះ​ដែរ។ វា​នឹង​បង្កើត​ជា​ស្ត្រេស សេចក្ដី​ព្រួយបារម្ភ​ឥត​ឈប់ឈរ សេចក្ដី​ភ័យខ្លាច តប់ប្រមល់ ចង្អៀតចង្អល់​ច្រើន ពោរពេញ​ដោយ​សេចក្ដី​ខឹង​ក្រោធ​និង​មួម៉ៅ ដែល​ជា​ហេតុ​នាំឲ្យ​អ្នក​មិន​ដែល​មាន​អារម្មណ៍​ថា​ខ្លួនឯង​មាន​ជីវិត​មួយ​ដែល​មាន​សេចក្ដី​សុខ​នេះ​ឯង។ បើ​ចិត្ត​ខាងក្នុង​របស់​អ្នក​មិន​ស្ងប់ នោះ​អ្នក​ក៏​នឹង​គ្មាន​ថ្ងៃ​ដែល​អាច​មាន​សេចក្ដី​ស្កប់ស្កល់​នោះ​ដែរ។

ថ្ងៃ​ណា​ក៏​ជា​ថ្ងៃ​ល្អ​សម្រាប់​អ្នក​ដែរ ដរាប​ណា​អ្នក​ចេះ​ធ្វើ​ឲ្យ​អារម្មណ៍​របស់​ខ្លួនឯង​ល្អ។ ដូច​គ្នា​ដែរ ជីវិត​ដែល​ពោរពេញ​ដោយ​សេចក្ដី​ទុក្ខ​ឬ​សេចក្ដី​សុខ គឺ​អាស្រ័យ​ទៅលើ​ការ​គិត​របស់​អ្នក​ដែល​មាន​ចំពោះ​អ្វីៗ​ដែល​កើត​ឡើង​នៅ​ក្នុង​ជីវិត​របស់​អ្នក៕

ដោយ៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អ្វីទៅជា គំនិតធុរកិច្ច (Business Ideas)? ចង់​ដឹង ​នាំគ្នា​ចូលរួម​សិក្ខាសាលាអំពីប្រធាន​នេះ!

AMK ផ្អាកដំណើរការប្រតិបត្ដិការហិរញ្ញវត្ថុ​​​បណ្ដោះ​អាសន្ន ៤ថ្ងៃ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31