អត្ថបទថ្មីបំផុត
ទំព័រដើម > ឃ្លាំង​គំនិត > ចំណុចតូចតាច៣យ៉ាងដែលអ្នកអាចធ្វើឲ្យខ្លួនឯងមានសេចក្ដីសុខបាន

ចំណុចតូចតាច៣យ៉ាងដែលអ្នកអាចធ្វើឲ្យខ្លួនឯងមានសេចក្ដីសុខបាន

ប្រ​ភព៖​​ pixabay.co

ថ្ងៃ​ណា​ក៏​ជា​ថ្ងៃ​ល្អ​ដែរ អ្វី​ដែល​សំខាន់​គឺ​ស្ថិត​នៅ​ត្រង់​ក្នុង​ចិត្ត និង​ការ​គិត​របស់​អ្នក​តែ​ប៉ុណ្ណោះ​ឯង។ សេចក្ដី​សុខ​ពិត​ប្រាកដ​គឺ​ស្ថិត​នៅ​ក្នុង​ចិត្ត​ខាងក្នុង​របស់​អ្នក។ បើ​អ្នក​យល់​ថា​សេចក្ដី​សុខ​គឺ​ទាល់តែ​ទទួល​បាន​ពី​ប្រភព​នៅ​ខាងក្រៅ​មក​វិញ នោះ​អ្នក​នឹង​ដេញ​តាម​ចាប់​សេចក្ដី​សុខ​ឲ្យ​ខ្លួនឯង​អស់​មួយ​ជីវិត​រក​ទី​បញ្ចប់​មិន​ឃើញ​នោះ​ឡើយ។ អ្នក​មិន​អាច​មាន​ជីវិត​វិជ្ជមាន​ចេញ​ពី​ការ​គិត​អវិជ្ជមាន​បាន​នោះ​ទេ។ ខាងក្រោម​នេះ​គឺជា​ចំណុច​សាមញ្ញ​និង​តូចតាច​៣យ៉ាង​ដែល​អ្នក​អាច​ធ្វើ​បាន​ដើម្បី​ចាប់ផ្ដើម​ថ្ងៃ​នីមួយៗ​របស់​អ្នក​ពោរពេញ​ដោយ​សេចក្ដី​សុខ៖

១) ព្យាយាម​សម្លឹង​រក​ចំណុច​ល្អ​នៅ​ក្នុង​រាល់​ហេតុការណ៍​ទាំងឡាយ​ដែល​មិន​សម​តាម​បំណង​របស់​អ្នក៖ សេចក្ដី​ទុក្ខ​កើតឡើង​នៅ​ពេល​ដែល​អ្វីៗ​កើតឡើង​មិន​ទៅ​តាម​ចិត្ត​របស់​ខ្លួនឯង។ តែ​អ្នក​ត្រូវ​ដឹង​ថា មាន​តែ​អ្នក​តែ​ម្នាក់​គត់​ដែល​ជា​អ្នក​គ្រប់គ្រង​ទៅលើ​ការ​គិត​របស់​ខ្លួនឯង បើ​ទោះ​ជា​ស្ថានការណ៍​នៅ​ខាងក្រៅ​បាន​កើតឡើង​ហួស​ពី​អ្វី​ដែល​ដែន​កំណត់​របស់​អ្នក​បច្ចុប្បន្ន​អាច​គ្រប់គ្រង​បាន​ក៏​ដោយ។ ការ​គិត​របស់​អ្នក​បែប​ណា នោះ​លទ្ធផល​ទាំងឡាយ​ដែល​កើតឡើង​តាម​ក្រោយ​នឹង​ជា​ផល​ចេញ​ពី​ការ​គិត​របស់​អ្នក​បែប​នោះ​ដូចគ្នា​ដែរ។ មាន​មនុស្ស​តិចតួច​ណាស់​ដែល​មិន​ថា​ជា​មាន​ស្ថានការណ៍​អកុសល​បែប​ណា​កើតឡើង​នៅ​ក្នុង​ជីវិត​របស់​ពួកគេ តែ​ពួកគេ​នៅ​តែ​អាច​រក​ឃើញ​ចំណុច​ល្អៗ​នៅ​ក្នុង​ភាព​អាក្រក់​ៗ​ទាំងនោះ និង​នាំ​ខ្លួនឯង​ចាកចេញ​ពី​ទី​ងងឹត​នោះ ដើម្បី​ឆ្ពោះ​ទៅ​កាន់​ទីកន្លែង​ដ៏​ភ្លឺ​ត្រចះត្រចង់​បាន។

២) ផ្ដោត​ទៅលើ​បច្ចុប្បន្នកាល៖ អតីតកាល​បាន​កន្លង​ផុត​ទៅ​ហើយ ទោះ​អ្នក​រអ៊ូរទាំ​មិន​អស់​ចិត្ត​ប៉ុណ្ណា​ក៏​មិន​អាច​ទាញ​ឲ្យ​អ្វីៗ​ត្រឡប់​ថយក្រោយ​វិញ​បាន​នោះ​ដែរ។ រីឯ​អនាគត​ក៏​មិន​ទាន់​មក​ដល់ បើ​ទោះ​ជា​អន្ទះសា​ខ្វាយខ្វល់​ប៉ុណ្ណា​ក៏​មិន​អាច​កែប្រែ​អ្វី​បាន​នោះ​ដែរ។ ប៉ុន្តែ​នេះ​មិនមែន​ហាមឃាត់​មិន​ឲ្យ​អ្នក​ខ្វាយខ្វល់​គិតគូរ​ពី​អនាគត​ជីវិត​របស់​ខ្លួនឯង ឬ​ក៏​មិន​ខ្វល់ខ្វាយ​ពី​កំហុស​របស់​ខ្លួនឯង​នៅ​ក្នុង​អតីតកាល​នោះ​ឡើយ។ ផ្ទុយទៅវិញ​បើ​អ្នក​បាន​សាង​កំហុស​មែន នោះ​អ្នក​គួរតែ​ស្វែងរក​ថា​តើ​បទពិសោធន៍​មួយ​នោះ​បាន​ផ្ដល់​មេរៀន​អប់រំ​អ្វីខ្លះ​ដែល​អាច​ឲ្យ​អ្នក​រៀន​សូត្រ​និង​កែប្រែ​ទៅ​រក​ភាព​រីក​ចម្រើន​បាន។ រី​ឯ​អនាគត​វិញ​គឺ​អ្នក​ត្រូវ​គិតគូរ​ពី​វា រក​ដំណោះស្រាយ​រៀប​ចំ​ទប់ទល់​ជាមួយ​វា មិនមែន​កង្វល់​ចិត្ត​ឥត​ប្រយោជន៍​នោះ​ទេ ព្រោះ​កង្វល់​ចិត្ត​ច្រើន​ក៏​នឹង​មិន​នាំ​ផល​ប្រយោជន៍​អ្វី​មក​អ្នក​វិញ​ដែរ។

៣) ចាប់ផ្ដើម​ថ្ងៃ​ថ្មី​របស់​អ្នក​ជា​រៀង​រាល់​ថ្ងៃ​ជាមួយ​នឹង​ផ្នត់​គំនិត​វិជ្ជមាន​ជានិច្ច៖ ការ​ផ្លាស់ប្ដូរ​ចាប់ផ្ដើម​ចេញ​ពី​ខាងក្នុង​ទៅ​ខាងក្រៅ។ នៅ​ពេល​អ្នក​គ្រប់គ្រង​ខ្លួនឯង​បាន​ដោយ​ផ្លាស់ប្ដូរ​ការ​គិត​របស់​ខ្លួនឯង​ជាមួយ​នឹង​ការ​យល់​ឃើញ​ទាំងឡាយ​ណា ដែល​នាំ​អ្នក​ទៅ​រក​តែ​ភាព​រីកចម្រើន និង​ភាព​ច្នៃប្រឌិត​ថ្មីៗ នោះ​អ្នក​នឹង​អាច​ផ្លាស់ប្ដូរ​ស្ថានការណ៍​ខាងក្រៅ​នៅ​ជុំវិញ​ខ្លួន​អ្នក​ទៅ​តាម​អ្វី​ដែល​អ្នក​ចង់​បាន​ជាក់​ជា​ពុំ​ខាន។ ដើម្បី​អាច​យក​ឈ្នះ​ឧបសគ្គ​ខាងក្រៅ​បាន ជា​ដំបូង​អ្នក​ត្រូវ​យក​ឲ្យ​ឈ្នះ​ខ្លួនឯង​ជាមុន​សិន។ អ្នក​ត្រូវ​តែ​មាន​ជំនឿ​ជឿជាក់​ទៅលើ​ខ្លួនឯង​ជា​មុន នោះ​ទើប​អ្នក​អាច​ធ្វើ​អ្វី​ដែល​ខ្លួនឯង​ចង់​បាន​បាន​សម្រេច៕

ដោយ៖ ស្រីពៅ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

វីង និង ឌី អេហ្វ អាយ សហការគ្នាផ្ដល់ការទូទាត់ ដោយពុំប្រើប្រាស់ក្រដាស់ប្រាក់ ដល់អតិថិជន និងអ្នកផ្គត់ផ្គង់របស់ខ្លួន

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031