អត្ថបទថ្មីបំផុត
ទំព័រដើម > ឃ្លាំង​គំនិត > ដំបូន្មានការងារដ៏មានតម្លៃពីបុគ្គលជោគជ័យក្នុងលោកចំនួន ៤រូប ដែលអ្នកមិនគួរមើលរំលង

ដំបូន្មានការងារដ៏មានតម្លៃពីបុគ្គលជោគជ័យក្នុងលោកចំនួន ៤រូប ដែលអ្នកមិនគួរមើលរំលង

ថ្ងៃនេះគេហទំព័រBizkhmer សូមណែនាំនូវដំបូន្មានសំខាន់ៗ ពីបុគ្គលជោគជ័យក្នុងលោកចំនួន៤រូប ដើម្បី​ជាមេរៀនដ៏មានប្រយោជន៍សម្រាប់ការគិត ក៏ដូចជា ការធ្វើកិច្ចការផ្សេងៗប្រកបដោយប្រសិទ្ធភាព។

Warren Buffett: ហ្វឹកហាត់នូវការបន្ទាបខ្លួននិងភាពអត់ធ្មត់ លោក Buffett ដែលជាប្រធាននិងនាយកប្រតិបត្តិរបស់ក្រុមហ៊ុនBerkshire Hathaway បានប្រាប់សិស្សថ្នាក់ទី៧ម្នាក់ថា៖ “គន្លឹះក្នុងការបង្កើតមិត្តភក្តិនិងមានសម្ព័ន្ធភាពល្អជាមួយមិត្តរួមការងារ នោះគឺជាការរៀនផ្លាស់ប្ដូរឥរិយាបថរបស់ឯងដោយយកគំរូតាមបុគ្គលដែលឯងគោរព ហើយខិតខំបណ្ដុះខ្លួនឯងនូវគុណតម្លៃទាំងឡាយដែលពួកគេមាន”។

Maya Angelou: បង្កើតនូវផ្លូវដើរមួយដោយខ្លួនឯង លោកស្រី Maya Angelou ដែលជាអ្នកនិពន្ធ អ្នកតែងកំណាព្យ អ្នករាំ តារាសម្ដែង និងជាអ្នកចម្រៀងមួយរូប បានដើរតាមដំបូន្មានដែលលោកស្រីទទួលបានពីលោកយាយខាងឪពុករបស់គាត់អស់រយៈពេល៦៥ឆ្នាំមកហើយថា “បើសិនពិភពលោកនាំអ្នកទៅផ្លូវដើរមួយដែលអ្នកមិនពេញចិត្ត ហើយបើអ្នកសម្លឹងទៅមុខ តែមិនចង់បាននូវជោគវាសនាដែលត្រូវបានផ្ដល់ឲ្យអ្នកនោះ ហើយបើអ្នកងាកត្រឡប់ក្រោយ តែអ្នកមិនចង់វិលត្រឡប់ទៅកាន់កន្លែងដែលអ្នកបានចាកចេញនោះ ដូច្នេះចូរអ្នកចាកចេញពីផ្លូវដើរមួយនោះ ហើយបង្កើតផ្លូវដើរមួយដោយខ្លួនឯងទៅ”។

J.K.Rowling: ឲ្យតម្លៃលើការបរាជ័យ លោកស្រី J.K.Rowling ត្រូវបានមនុស្សជាច្រើនស្គាល់តាមរយៈស្នាដៃនិពន្ធសៀវភៅរឿងភាគនិទានរបស់កុមារដ៏ឆ្នើមរបស់គាត់ដែលមានឈ្មោះ Harry Potter និងជាកម្រងសៀវភៅរឿងភាគដែលលក់ដាច់បំផុតនៅទូទាំងពិភពលោក ព្រមទាំងជាស្រ្តីដែលមានទ្រព្យសម្បត្តិច្រើនជាងគេបំផុតក្នុងពិភពលោកក្រោយពីឆ្លងកាត់ឆាកជីវិតដ៏ជូរចត់និងការបដិសេធរាប់មិនអស់ក្នុងជីវិត។ អ្នកស្រីបានចាត់ទុករឿងរ៉ាវបរាជ័យពីអតីតកាលរបស់គាត់ជាកាដូដ៏មានតម្លៃដែលអ្នកស្រីបានយកឈ្នះវាយ៉ាងគួរឲ្យឈឺចាប់។

Steve Jobs: កុំគ្រាន់តែដើរតាមក្ដីសុបិន្តរបស់អ្នក តែត្រូវជាអ្វីដែលធំជាងខ្លួនអ្នក មុនពេល Steve Jobs បានលាចាកលោកទៅ គាត់បានប្រាប់អ្នកសរសេរជីវប្រវត្តិរបស់គាត់ម្នាក់ គឺលោក Walter Isaacson ថា៖ “ពួកយើងតែងតែនិយាយគ្នាអំពីការដើរតាមក្ដីសុបិន្តរបស់ខ្លួនឯង ប៉ុន្ដែពួកយើងសុទ្ធតែជាចំណែកមួយនៃប្រវត្តិសាស្ត្រ ហេតុនេះអ្នកត្រូវតែមានអ្វីប្រគល់ទៅឲ្យប្រវត្តិសាស្រ្តនេះវិញដែលអាចជួយដល់សហគមន៍របស់អ្នក ជួយដល់មនុស្សជុំវិញខ្លួនអ្នក។ ដូច្នេះនៅពេល២០ឆ្នាំ ៣០ឆ្នាំ ​ឬ៤០ឆ្នាំកន្លងទៅ មនុស្សគ្រប់គ្នានឹងនាំគ្នានិយាយថា មនុស្សម្នាក់នេះមិនមែនមានត្រឹមតែក្ដីសុបិន្ដនោះទេ គេម្នាក់នោះថែមទាំងយកចិត្តទុកដាក់ទៅលើការធ្វើរឿងអ្វីមួយដែលអ្នកដទៃអាចទទួលបានផលប្រយោជន៍ពីអ្វីដែលគេបានធ្វើថែមទៀតផង”៕

ប្រែសម្រួល៖ ស្រីពៅ 

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​គំនិត ២១ ក្បាច់​​របស់ «​អ្នក​មាន» ខុស​ពី​គំនិត​​របស់​ «មនុស្ស​ទូទៅ»

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ធ្វើ​យ៉ាង​ណា​ទៅ​ដើម្បី​កាត់​បន្ថយ​ពាក្យ​ថា​ «ចាំ​ស្អែក​ចាំ​ធ្វើ​»?

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

BarCamp ឆ្នាំ​នេះ​កាន់​តែ​ប្លែក! ប្រធានបទ​“សន្និបាតបច្ចេកវិទ្យា និង​ការចាប់ផ្ដើមអាជីវកម្ម” ថ្ងៃទី ២០-២១ ខែតុលា​ នៅ​តិចណូ

ក្រុមហ៊ុនចូលរួមលក់បញ្ចុះតំលៃជាច្រើន ក្នុង​ឱកាស​ពិព័រណ៍អាពាហ៍ពិពាហ៍​ចុង​ខែ​កញ្ញា

អបអរអ្នកឈ្នះរង្វាន់ iPhoneX ពីក្រុមហ៊ុនស្រាបៀរកម្ពុជា CBL

សហគ្រិនស្ត្រីកម្ពុជាក្រោមការគាំទ្រពី ទីភ្នាក់ងារជំនួយសហរដ្ឋអាមេរិក USAID ប្រចាំនៅកម្ពុជា

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031