អត្ថបទថ្មីបំផុត
ទំព័រដើម > ឃ្លាំង​គំនិត > គតិដកស្រង់ចំនួន១០ ពីមហាសេដ្ឋីទី៣របស់ពិភពលោក លោក Warren Buffett

គតិដកស្រង់ចំនួន១០ ពីមហាសេដ្ឋីទី៣របស់ពិភពលោក លោក Warren Buffett

ប្រ​ភព៖​​ www.greentechmedia.com

ក្នុង​វ័យ​៨៧​ឆ្នាំ នាយក​ប្រតិបត្តិ​ក្រុមហ៊ុន Berkshire Hathaway គឺ​លោក Warren Buffett គឺជា​មហាសេដ្ឋី​លំដាប់​លេខ​៣​របស់​សហរដ្ឋអាមេរិក​និង​នៅ​លើ​ពិភពលោក ជាមួយ​នឹង​ទ្រព្យសម្បត្តិ​ចំនួន​៨៧.៥​ពាន់​លាន​ដុល្លារ។ ខាងក្រោម​គឺជា​គតិ​ដកស្រង់​ចំនួន​១០ ដែល​អាច​ផ្ដល់​ជា​មេរៀន​សម្រាប់​ឲ្យ​អ្នក​បាន​រៀន​សូត្រ​ពី​ជោគជ័យ​របស់​លោក​បាន៖

១) “ជាទូទៅ​អ្នក​តែងតែ​សម្លឹង​រក​មើល​ចំណុច​៣​យ៉ាង​នៅ​ក្នុង​ខ្លួន​របស់​បុគ្គល​ម្នាក់ ភាព​ឈ្លាសវៃ កម្លាំង​ថាមពល និង​ក្រម​សីលធម៌​របស់​គេ។ ហើយ​បើ​សិន​ជា​គេ​មិន​មាន​ចំណុច​ចុង​ក្រោយ​ទេ នោះ​អ្នក​ក៏​មិន​ចាំបាច់​ទៅ​រវល់​ជាមួយ​នឹង​២​ចំណុច​ទៀត​របស់​គេ​ដែល​នៅ​សេសសល់​នោះ​ទៀត​ដែរ”។
២) “វា​ប្រសើរ​ជា​ជាង​ដែល​អ្នក​ទៅ​សេពគប់​ជាមួយ​នឹង​មនុស្ស​ទាំងឡាយ​ណា​ដែល​ប្រសើរ​ជាង​អ្នក។ ជ្រើសរើស​មនុស្ស​ជិតស្និទ្ធ​ដែល​ពួកគេ​មាន​ឥរិយាបថ​ល្អ​ប្រសើរ​ជាង​អ្នក បន្ទាប់​មក​អ្នក​នឹង​រសាត់​ទៅ​តាម​ទិសដៅ​នោះ​ដែរ​មិនខាន”។
៣) “វា​ត្រូវការ​រយៈពេល​២០​ឆ្នាំ​ដើម្បី​កសាង​កេរ្តិ៍ឈ្មោះ ហើយ​រយៈពេល​តែ​៥នាទី​ប៉ុណ្ណោះ​ដើម្បី​បំផ្លាញ​វា។ បើ​អ្នក​គិត​អំពី​រឿង​នេះ នោះ​អ្នក​នឹង​ធ្វើ​អ្វីៗ​តាម​របៀប​ខុស​ប្លែក​ពី​មុន​មិនខាន”។

សូមអាន៖ មេរៀនជីវិតដ៏មានតម្លៃទាំង ៥ របស់លោក Warren Buffett

៤) “ដោយ​គ្មាន​ជំនាញ​ប្រាស្រ័យ​ទាក់ទង​ដ៏​ល្អ​ទេ អ្នក​នឹង​មិន​អាច​ធ្វើ​ឲ្យ​អ្នកដទៃ​ជឿ​អ្នក​ហើយ​ដើរ​តាម​អ្នក​ឡើយ បើ​ទោះ​ជា​អ្នក​អាច​មើល​ឃើញ​រំលង​ផុត​ពី​ភ្នំ​ហើយ​ពួកគេ​មិន​អាច​មើល​ឃើញ​ក៏​ដោយ”។
៥) “វា​មិន​ចាំបាច់​នោះ​ទេ​ក្នុង​ការ​ធ្វើ​នូវ​រឿង​ដែល​អស្ចារ្យ​មិន​ធម្មតា​ដើម្បី​ទទួល​បាន​នូវ​លទ្ធផល​ដែល​អស្ចារ្យ​មិន​ធម្មតា​នោះ”។
៦) “ខ្ញុំ​វាស់វែង​ភាព​ជោគជ័យ​របស់​ខ្ញុំ​ដោយ​ចំនួន​មនុស្ស​ដែល​គេ​ស្រឡាញ់​រាប់អាន​ខ្ញុំ”។
៧) “ក្នុង​ចំណោម​មហាសេដ្ឋី​ពាន់​លាន​ដែល​ខ្ញុំ​ធ្លាប់​ស្គាល់ លុយ​គ្រាន់តែ​គាស់​រំលើង​ចេញ​នូវ​អត្តចរិត​គោល​របស់​ពួកគេ​ប៉ុណ្ណោះ។ បើ​ពួកគេ​ជា​មនុស្ស​ល្ងីល្ងើ​មុន​ពេល​មាន​លុយ នោះ​ពួកគេ​ក៏​នៅតែ​ជា​មនុស្ស​ល្ងីល្ងើ​ជាមួយ​នឹង​លុយ​១​ពាន់​លាន​ដុល្លារ​នោះ​ដែរ”។
៨) “ហានិភ័យ​កើតឡើង​មក​ពី​កាល​ដែល​មិន​ដឹង​ថា​ខ្លួនឯង​កំពុងតែ​ធ្វើ​អ្វី”។
៩) “ចូរ​ផ្ដោត​ទៅលើ​អតិថិជន​របស់​អ្នក ហើយ​ដឹកនាំ​មនុស្ស​របស់​អ្នក​ឲ្យ​ដូចជា​ជីវិត​របស់​ពួកគេ​ត្រូវ​អាស្រ័យ​លើ​ជោគជ័យ​របស់​អ្នក​ដូច្នោះ​ដែរ”។
១០) “សាលា​អាជីវកម្ម​លើក​តម្កើង​ទៅលើ​ឥរិយាបថ​ស្មុគស្មាញ​ជាង​ឥរិយាបថ​សាមញ្ញ យ៉ាងណាមិញ​ឥរិយាបថ​សាមញ្ញ​មាន​ប្រសិទ្ធភាព​ជាង”៕

ដោយ៖ ស្រីពៅ

អត្ថបទទាក់ទង៖ ទ្រឹស្ដី​ ​៤​​​​​​ ​យ៉ាង​របស់​ Warren Buffett​ ​ជា​មូលដ្ឋាន​គ្រឹះ​នៃ​ភាព​​ជោគជ័យ និង​មាន​បាន! ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​​គំនិត ២១ ក្បាច់​​របស់ «​អ្នក​មាន» ខុស​ពី​គំនិត​​របស់​ «មនុស្ស​ទូទៅ»

គន្លឹះ​១០​យ៉ាង​ ដើម្បី​កុំ​ឲ្យ​ស្គាល់​ពាក្យ​ថា​«​ក្រ​»​ ពី​លោក​ រ៉ូប៊ឺត គីយ៉ូសាគី ​​​អ្នក​និពន្ធ​«​ឪពុក​អ្នក​មាន​បង្រៀន​កូន​អ្នក​ក្រ​»

ធ្វើ​យ៉ាង​ណា​ទៅ​ដើម្បី​កាត់​បន្ថយ​ពាក្យ​ថា​ «ចាំ​ស្អែក​ចាំ​ធ្វើ​»?

ហេតុផល​៦​យ៉ាង​​បញ្ជាក់​ថា អ្នក​អាច​នឹង​ត្រូវ​គេ​ដេញ​ចេញ​ពី​ការងារ​ ​​ឬ ​​ធ្វើ​ការ​មួយ​ជីវិត​ក៏​​​​​មិន​រីកចម្រើន​ដែរ

អត្ថបទពាណិជ្ជកម្ម​

BarCamp ឆ្នាំ​នេះ​កាន់​តែ​ប្លែក! ប្រធានបទ​“សន្និបាតបច្ចេកវិទ្យា និង​ការចាប់ផ្ដើមអាជីវកម្ម” ថ្ងៃទី ២០-២១ ខែតុលា​ នៅ​តិចណូ

ក្រុមហ៊ុនចូលរួមលក់បញ្ចុះតំលៃជាច្រើន ក្នុង​ឱកាស​ពិព័រណ៍អាពាហ៍ពិពាហ៍​ចុង​ខែ​កញ្ញា

អបអរអ្នកឈ្នះរង្វាន់ iPhoneX ពីក្រុមហ៊ុនស្រាបៀរកម្ពុជា CBL

សហគ្រិនស្ត្រីកម្ពុជាក្រោមការគាំទ្រពី ទីភ្នាក់ងារជំនួយសហរដ្ឋអាមេរិក USAID ប្រចាំនៅកម្ពុជា

អានអត្ថបទតាមខែ

October 2018
M T W T F S S
« Sep    
1234567
891011121314
15161718192021
22232425262728
293031