អត្ថបទថ្មីបំផុត
ទំព័រដើម > ឃ្លាំង​គំនិត > ច្បាប់កម្មផលទាំង ១០ ផ្លាស់ប្ដូរទង្វើនិងការគិតរបស់អ្នក

ច្បាប់កម្មផលទាំង ១០ ផ្លាស់ប្ដូរទង្វើនិងការគិតរបស់អ្នក

កម្មផល គឺមានន័យថា អំពើ ឬទង្វើដែលអ្នកបានធ្វើ ហើយអ្នកនឹងទទួលផលពីអំពើ ឬទង្វើនោះត្រលប់មកវិញ។ រាល់ការគិត និយាយ ឬធ្វើសកម្មភាពរបស់អ្នកនឹងបង្កើតបានជាផលតបតមកវិញ។ ខាងក្រោមនេះគឺជាច្បាប់កម្មផលទាំង ១០ដែលអ្នកអាចអានហើយយកទៅគិតពិចារណា ដកស្រង់ពី Trulymind៖

១) ច្បាប់ដ៏អស្ចារ្យ៖
អ្នកសាបព្រោះ​​ពូជអ្វី អ្នកនឹងទទួលបានផលនោះ។ អ្នកមើលទៅលើពិភពលោកក្នុងផ្លូវបែបណា អ្នកនឹងទទួលបានផលត្រលប់មកអ្នកវិញបែបនោះ។ ប្រសិនបើអ្នកចង់បានភាពរីករាយ សន្តិភាព ការស្រលាញ់ និងមិត្តភាព អ្នកគួរតែរៀនធ្វើខ្លួនឲ្យសប្បាយ ឲ្យស្ងប់ មានការអាណិតស្រលាញ់ និងធ្វើជាកល្យាណមិត្តរបស់អ្នកដទៃ។
២) ច្បាប់នៃការបង្កើត៖
ជីវិតមិនមែនចេះតែកើតឡើងនោះទេ វាទាមទារនូវ​ការចូលរួមរបស់អ្នកបង្កើតវាឡើង។ អ្នករស់នៅក្នុងចក្រវាទនេះ បើអ្នកបន្សាំខ្លួនអ្នកទៅនឹងអ្វី អ្នកនឹងក្លាយទៅជានោះ។ អ្នកជាខ្លួនអ្នក បន្សាំខ្លួនអ្នកទៅនឹងអ្វីដែលអ្នកចង់បានក្នុងជីវិត។
៣) ច្បាប់នៃការលូតលាស់៖
អ្នកគឺជាអ្នកផ្លាស់ប្ដូរខ្លួនអ្នក មិនមែនមនុស្ស ទីកន្លែង ឬវត្ថុនៅជុំវិញអ្នកនោះទេ។ អ្វីដែលអ្នកមានក្នុងខ្លួនរបស់អ្នកគឺជាអ្វីដែលអ្នកត្រូវគ្រប់គ្រង។ នៅពេលអ្នកផ្លាស់ប្តូរខ្លួនអ្នក ជីវិតរបស់អ្នកនឹងផ្លាស់ប្តូរផងដែរ។
៤) ច្បាប់នៃទំនួលខុសត្រូវ៖
នៅពេលមានអ្វីមួយខុសឆ្គងក្នុងជីវិតរបស់អ្នក អ្នកប្រាកដជាបានបង្កើតកំហុសជាមិនខាន។ អ្នកឆ្លុះបញ្ចាំងពីអ្វីដែលនៅជុំវិញអ្នក ហើយអ្វីៗនៅជុំវិញអ្នកឆ្លុះបញ្ចាំងពីអ្នកផងដែរ។ អ្នកត្រូវតែមានទំនួលខុសត្រូវលើអ្វីដែលមានក្នុងជីវិតរបស់អ្នក។
៥) ច្បាប់នៃការតភ្ជាប់៖
ជំហាននីមួយៗបង្កើតឲ្យមានជំហានជាច្រើនបន្តបន្ទាប់។ អ្នកត្រូវចាប់ផ្ដើមធ្វើរឿងដំបូងសិនទើបអាចសម្រេចកិច្ចការធំបាន។ មិនមែនជំហានទីមួយឬចុងក្រោយដែលសំខាន់នោះទេ ជំហានទាំងនោះសំខាន់ទាំងអស់ពីព្រោះវាត្រូវបំពេញភារៈកិច្ចដូចគ្នា។ អតីតកាល បច្ចុប្បន្ន និងអនាគតគឺមានទំនាក់ទំនងគ្នា។
៦) ច្បាប់នៃការផ្ដោតអារម្មណ៍៖
អ្នកមិនអាចគិតរឿងពីរក្នុងពេលតែមួយបានទេ។ ប្រសិនបើអ្នកគិតតែអំពើអាក្រក់ អ្នកមិនអាចមិនគិតលើគំនិតលោភលន់ អារម្មណ៍ខឹងក្ដៅក្រហាយ ការនិន្ទាឈ្នានីសបានឡើយ។
៧) ច្បាប់នៃបច្ចុប្បន្នភាព៖
ប្រសិនបើអ្នកគិតពីអតីតកាល អតីតកាលនឹងឃុំឃាំងអ្នកមិនឲ្យគិតក្នុងពេលបច្ចុប្បន្ន។ ការខ្វល់ខ្វាយពីគំនិតចាស់គម្រិល សុបិនអតីតកាល និងរបៀបរបបទម្លាប់ចាស់ៗរបស់អ្នកនឹងមិនអាចធ្វើឲ្យអ្នកមានគំនិតថ្មីៗក្នុងបច្ចុប្បន្នបានឡើយ ។
៨) ច្បាប់នៃការផ្លាស់ប្ដូរ៖
ប្រវត្តិសាស្រ្តកើតឡើងម្ដងហើយម្ដងទៀតរហូតដល់អ្នករៀនមេរៀនមួយដែលជួយអ្នកផ្លាស់ប្ដូរការគិតរបស់អ្នក។
៩) ច្បាប់នៃការអត់ធ្មត់៖
រាល់លទ្ធផលអស្ចារ្យទាំងអស់ទាមទារការលំបាកពីដំបូង។ លទ្ធផលដែលបន្សល់នូវតម្លៃទាមទារការអត់ធ្មត់និងការតស៊ូ។ ភាពសប្បាយរីករាយដ៏ពិតប្រកដគឺការធ្វើអ្វីដែលអ្នកចង់ធ្វើ ហើយរង់ចាំទទួលផ្លែផ្កាពេលពេលវេលាសមស្របមកដល់។
១០) ច្បាប់នៃសារៈសំខាន់៖
ការចូលរួមរបស់មនុស្សម្នាក់ៗរួមចំណែកបង្កើតជាការចូលរួមដ៏ធំ។ ការស្រលាញ់របស់មនុស្សម្នាក់ៗបង្កើតជីវិតដល់មនុស្សទាំងឡាយក្នុងចក្រវាទនេះ៕

ចុចអាន៖ សម្រង់គតិ​ ១០ឃ្លាបំផុសគំនិតពញ្ញាក់ស្មារតីអ្នកឲ្យក្លាហានតស៊ូទៅមុខបន្តទៀត

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​មិន​ចង់​អាយុ​ខ្លី​ទេ ​អ្នក​គួរ​អនុវត្ត​គន្លឹះ​សុខភាព​ទាំង​នេះ

គន្លឹះទាំង ១០យ៉ាងរបស់សង្ឃសៅលិញពីរបៀបថែរក្សាសុខភាព

គតិទាំង៨ឃ្លាដែល​ពោរពេញដោយអត្ថន័យសម្រាប់សិក្សានៅក្នុងជីវិត

សកម្មភាពចំនួន ៣ដែលអ្នកគួរចៀសវាងធ្វើមុនពេលចូលគេង

អត្ថបទពាណិជ្ជកម្ម​

Tech Startups កម្ពុជា​ចំនួន ១៣ ចូលរួមបង្ហាញ​អាជីវកម្ម​​នៅ​ Echelon Asia Summit 2018 ​ខណៈ BookMeBus ឈ្នះពានអាស៊ី១

ម៉ាស៊ីនបោកនាពេលអនាគត គឺនៅទីនេះ

ហេតុផល ៤យ៉ាងដែលអ្នកគួរជ្រើសរើសម៉ាស៊ីនបោក LG Smart Inverter

កិច្ចព្រមព្រៀងផ្តល់អាហារូបករណ៍រួមគ្នារវាងវិទ្យាស្ថានជាតិ NIPTICT និងស្ថានទូតបារាំងប្រចាំកម្ពុជា

អានអត្ថបទតាមខែ

July 2018
M T W T F S S
« Jun    
 1
2345678
9101112131415
16171819202122
23242526272829
3031