អត្ថបទថ្មីបំផុត
ទំព័រដើម > សេដ្ឋកិច្ច&អប់រំ > កម្ពុជា នឹងមានកំពង់ផែឱ្យនាវា ខ្នាតធំ អាចចូលចតបាន

កម្ពុជា នឹងមានកំពង់ផែឱ្យនាវា ខ្នាតធំ អាចចូលចតបាន

បន្ទាប់ពីសកម្មភាពដឹកជញ្ជូនផ្លូវទឹកកាន់តែមមាញឹកកំពង់ផែស្វយ័តក្រុងព្រះសីហនុ រាជរដ្ឋាភិបាលកម្ពុជា នៅឆ្នាំ២០១៩នេះ គ្រោង ចាប់ផ្តើមការសាងសង់កំពង់ផែថ្មីមួយទៀត ដែលអាចឱ្យ​នាវាឆ្លងទ្វីបខា្នតយក្សលំដាប់មធ្យមកំរិខ្ពស់អាចចូលចតបាន។

នាយកទីផ្សារកំពង់ផែស្វយ័តក្រុងព្រះសីហនុ លោកស្រី ជ័យ សុគន្ធ បានឱ្យដឹងនៅថ្ងៃទី១២ ខែកញ្ញា នេះថា ដោយសារកម្ពុជា នៅពេលបច្ចុប្បន្ន និងថ្ងៃអនាគត កំពុងមានលំហូរទំនិញចេញចូលកាន់តែកើនឡើងខ្លាំងជាលំដាប់នោះ គឺបានជម្រុញ​ឱ្យ​កម្ពុជា ត្រូវពង្រីកការសាងសង់កំពង់ផែដែលមានជំរៅទឹកជ្រៅ សម្រាប់​ឱ្យ​នាវាខ្នាតយក្សចូលចតបាន។

លោកស្រី បន្តថា កំពង់ផែថ្មី ដែលគ្រោងនឹងសាងសង់ក្នុងជម្រៅទឹកប្រមាណជាង ១៤.៥ម៉ែត គ្រោងសាងសង់ចាប់ពីឆ្នាំ២០១៩ នឹងបញ្ចប់នៅឆ្នាំ២០២៣ ចំណាយថវិកាកំចីពីប្រទេសជប៉ុនប្រមាណជាង ២០៩លានដុល្លាអាមេរិច ហើយចំណតផែនេះអាចអនុញ្ញាត្តិ​ឱ្យ​នាវាផ្ទុកទំនិញប្រមាណពី៥០០០ទៅ៦០០០TEU អាចចូលចតបាន ។

លោកស្រី ជ័យ សុគន្ធ បន្តថា ស្ថានភាពចំណតផែក្រុងព្រះសីហនុ ដែលកំពុងមានបច្ចុប្បន្ន គឺអាចអនុញ្ញាត្តិ​ឱ្យ​នាវាផ្ទុកទំនិញប្រមាណ១០០០ទៅ២០០០TEU អាចចូលចតបាន។ ហើយនៅពេលដែលសាងសង់កំពង់ផែជម្រៅទឹក១៤.៥ម៉ែតនេះសាងសង់រួចហើយ រំពឹងថា លំហូរទំនិញចេញចូលឆ្លងកាត់កំពង់ផែក្រុងសីហនុ នឹងកើនឡើង ពី ៥សែនTEUនៅពេលបច្ចុប្បន្ន រហូតដល់ ១លាន TEU នៅថ្ងៃអនាគត។

លោកស្រី បញ្ជាក់ថា សម្រាប់កំពង់ផែ ដែលកម្ពុជា មានបច្ចុប្បន្ន គឺអាចអនុញ្ញាត្តិ​ឱ្យ​ នាវាខ្នាតតូច ដែលអាចបើកបរដឹកទំនិញនៅក្នុងតំបន់អាស៊ានអាចចូលចត មិនអាចទទួលការចូលចតនាវាខ្នាតធំលំដាប់ពិភពលោកទេ ហើយបន្ទាប់ពីកំពង់ផែថ្មីនេះសាងសង់រួច រំពឹងថា កម្ពុជា នឹងមានភាពប្រកួតប្រជែងកំពង់ផែទឹកជ្រៅ និងប្រកួតប្រជែងលើផ្នែកសមត្ថភាពផ្ទុកទំនិញចេញចូលឆ្លងកាត់លឿន។

កាលពីចុងខែមិថុនាឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រីព្រះរាជាណាចក្រកម្ពុជា បានអញ្ជើញបើកដំណើរការផ្លូវការចំណតផែពហុបំណង តម្លៃប្រមាណជា ៧៤លានដុល្លារអាមេរិក ដែលកំពង់ផែថ្មីនេះបានសាងសង់ចំណតផែមានប្រវែង ៣៣០ម៉ែត្រ និងជម្រៅទឹក ១៣,៥ម៉ែត្រ មានទីលានស្តុកទំនាញរាយទំហំ ២៨០០០ម៉ែត្រការ៉េ និងទីលានស្តុកធ្យូងថ្មទំហំ ១៣០០០ម៉ែត្រការ៉េ រួមជាមួយទីលានស្តុកទំនិញទូទៅ ១៤០០០ម៉ែត្រការ៉េថែមទៀត៕
អត្ថបទ៖ ចន្ថា

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031