អត្ថបទថ្មីបំផុត
ទំព័រដើម > ឃ្លាំង​គំនិត > រឿងកសិករចិន របស់លោក Alan Watts ទស្សនៈវិទូជនជាតិអង់គ្លេស ផ្លាស់ប្ដូរការគិតរបស់អ្នកអំពី «លាភ&គ្រោះ»!

រឿងកសិករចិន របស់លោក Alan Watts ទស្សនៈវិទូជនជាតិអង់គ្លេស ផ្លាស់ប្ដូរការគិតរបស់អ្នកអំពី «លាភ&គ្រោះ»!

farmer

ប្រ​ភព៖​​ ​

កាលពីយូរលង់ណាស់មកហើយ មានបុរសកសិករជនជាតិចិនម្នាក់បានបាត់សេះមួយក្បាល ដោយសេះនោះបានរត់ចូលទៅក្នុងព្រៃ។ នៅល្ងាចថ្ងៃដដែលនោះអ្នកភូមិផងរបងជាមួយក៏បានមកសួរអំពីការបាត់សេះនោះ ហើយពួកគេនិយាយថា៖ វាពិតជារឿងអាក្រក់មែន។ កសិករនោះក៏និយាយថា៖ ប្រហែលហើយមើលទៅ។

ប៉ុន្តែនៅថ្ងៃបន្ទាប់សេះនោះក៏បានត្រលប់មកវិញដោយបាននាំសេះព្រៃ៧ក្បាលដទៃទៀតមកជាមួយផង។ អ្នកភូមិក៏បានមកជួបកសិករនោះហើយនិយាយថា៖ វាពិតជារឿងល្អមែន។ កសិករនោះក៏តបវិញថា៖ ប្រហែលជារឿងល្អហើយមើលទៅ។

នៅថ្ងៃបន្ទាប់ កូនប្រុសរបស់កសិករនោះចង់ជិះសេះ ហើយក៏បានឡើងជិះ ប៉ុន្តែជាអកុសលកូនប្រុសរបស់កសិករនោះក៏បានធ្លាក់ពីលើខ្នងសេះបណ្ដាលឲ្យបាក់ជើងមួយចំហៀង។ នៅល្ងាចដដែលនោះ អ្នកភូមិក៏បានមកសួរសុខទុក្ខបន្ទាប់ពីបានឮថាកូនប្រុសរបស់កសិករនោះរងរបួស ហើយបាននិយាយថា៖ វាពិតជាគ្រោះកាចមែន។ បុរសនោះក៏បានឆ្លើយតបវិញថា ប្រហែលហើយមើលទៅ។

នៅថ្ងៃបន្ទាប់ ក្រុមកងទ័ពក៏បានដើរកេណ្ឌប្រជាជនដើម្បីយកទៅធ្វើទាហាន ប៉ុន្តែវាជារឿងដ៏សំណាង ដោយសារកូនប្រុសរបស់កសិករនោះមានជំងឺ ទើបក្រុមកងទ័ពនោះមិនបានកេណ្ឌយកទៅធ្វើទាហាន។ អ្នកភូមិក៏បាននិយាយទៅកាន់បុរសកសិករនោះថា៖ កូនរបស់អ្នកពិតជាសំណាងមែន។ កសិករនោះក៏បានតបថា៖ ប្រហែលជាសំណាងមែនហើយ។

លោក Alan Watts ទស្សនៈវិទូជនជាតិអង់គ្លេស បានមានប្រសាសន៍ថា៖ «ដំណើរការទាំងមូលនៃធម្មជាតិគឺមានដំណើរការទាក់ទងគ្នាដោយភាពរញ៉េរញៃស្មុគស្មាញ ហើយវាជារឿងដែលពិបាកនឹងប្រាប់ថាវាជារឿងល្អឬអាក្រក់ណាស់ ពីព្រោះតែអ្នកមិនដឹងថាតើអ្វីដែលជាលទ្ធផលនៃគ្រោះ និងអ្វីដែលជាលទ្ធផលនៃលាភនោះឡើយ។ គ្រោះអាចក្លាយជាលាភ លាភអាចក្លាយជាគ្រោះ»៕

ចុចអាន៖ ច្បាប់នៃជីវិតដ៏អស្ចារ្យទាំង ៨របស់ Miyamoto Musashi វីរៈបុរសកាប់ដាវរបស់ជប៉ុន ផ្លាស់ប្ដូរជីវិតអ្នក

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

​ទម្លាប់​​ប្រចាំ​ថ្ងៃ​១​​ដែលអ្នក​គួរ​ធ្វើ​រាល់​ថ្ងៃ​ដើម្បី​​​អាច​ក្លាយ​ជា​អ្នក​មាន​បាន​

សៀវភៅ​ទាំង​ ១០​ដែល​សហគ្រិន​ល្បី​ៗ​ទូទាំង​ពិភពលោក​ចង់​ឲ្យ​អ្នក​អាន​ដើម្បី​កែប្រែ​ជីវិត

វិធី ៤យ៉ាងដើម្បីធ្វើការងារឱ្យកាន់តែឆ្លាតជាងមុន មិន​មែន​កាន់តែលំបាកជាងមុន (Work Smarter, Not Harder)

អត្ថបទពាណិជ្ជកម្ម​

សន្និសីទ​រៀន​ធ្វើ​ជំនួញ​លើក​ទី​៣ ក្រោម​ប្រធាន​បទ៖ “ត្រៀម​សម្រាប់​ដំណើរ​ដ៏​វែង​ឆ្ងាយ”

ជួប​គ្នា​នៅ​ក្នុង​កម្មវិធី​វិថី សុបិន​រដូវ​កាល​ទី ​៣​នា​ថ្ងៃ​អាទិត្យ​សប្ដាហ៍​នេះ

កម្មវិធីសិក្ខារសាលាស្តីពី «សវនកម្ម និង ការគ្រប់គ្រងអាជីវកម្មនៅក្នុងសហគ្រាស»

សាលា​អន្តរជាតិ​រៀប​ចំ​កម្មវិធី​សប្បាយ​ៗ​សម្រាប់​​កុមារ​​​ចូល​រួម​ដោយ​សេរី​ ថ្ងៃទី១៤-១៥-១៦ ខែកញ្ញា

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930