អត្ថបទថ្មីបំផុត
ទំព័រដើម > ឃ្លាំង​គំនិត > គោលការណ៍ជោគជ័យទាំង ១០ របស់លោក Conrad Hilton មហាសេដ្ឋីសណ្ឋាគារ

គោលការណ៍ជោគជ័យទាំង ១០ របស់លោក Conrad Hilton មហាសេដ្ឋីសណ្ឋាគារ

ប្រ​ភព៖​​ Addictedtosuccess

លោក Conrad Hilton គឺជាស្ថាបនិកនិងជាម្ចាស់ Hilton Family Hotels ដែលជាក្រុមហ៊ុនដែលកាន់កាប់សណ្ឋាគារជាង ៥០០ទូទាំងពិភពលោក។ លោក Conrad Hilton កើតនៅថ្ងៃទី ២៥ ធ្នូ ឆ្នាំ ១៨៨៧ នៅ San Antonio រដ្ឋ New Mexico សហរដ្ឋអាមេរិក។ លោកត្រូវបានគេស្គាល់ថាជាមហាសេដ្ឋីសណ្ឋាគារនៅក្នុងសហរដ្ឋអាមេរិក។ ខាងក្រោមនេះគឺជាគោលការណ៍ជោគជ័យទាំង ១០ របស់លោក Conrad Hilton៖

១) រកឲ្យឃើញនូវភាពប៉ិនប្រសប់របស់អ្នក

លោក Conrad Hilton គឺជាអ្នកដែលមានជំនឿថាមនុស្សម្នាក់ៗមានទេពកោសល្យរបស់ខ្លួនរៀងៗខ្លួន ដោយពួកគេអាចពូកែលើរឿងអ្វីមួយ។ អ្នកត្រូវចំណាយពេលវេលាស្វែងរកទេពកោសល្យរបស់អ្នកឲ្យឃើញ។ អ្នកនឹងពូកែនៅពេលដែលអ្នកដឹងថាអ្វីដែលអ្នកស្រលាញ់ និងចង់ធ្វើវា។ ដូចនេះ កុំបោះ​បង់ ថ្ងៃណាមួយអ្នកនឹងស្វែងរកឃើញនូវអ្វីដែលអ្នកស្រលាញ់ពេញចិត្តជាមិនខាន។

២) ធ្វើខ្លួនឲ្យធំ

លោក Conrad Hilton៖ ដើម្បីធ្វើរឿងធំឲ្យជោគជ័យ អ្នកត្រូវមានក្ដីសុបិនធំសិន។» លោក មានជំនឿថាការពង្រីកខ្លួនអ្នកឲ្យកាន់តែធំ នោះអ្នកនឹងទទួលបានជោគជ័យជាមិនខាន។ ការមានសុបិនធំ ទើបធ្វើឲ្យអ្នកថាមពលក្នុងការរុញច្រានអ្នកទៅដល់ភាពជោគជ័យ។

៣) ស្មោះត្រង់

លោក Conrad Hilton មានប្រសាសន៍ថា ភាពស្មោះត្រង់គឺជាអ្វីៗទាំងអស់។ ការស្មោះត្រង់ឬការពិតតែងតែបង្កើតជាលទ្ធផល ប៉ុន្តែការកុហក់បោកប្រាស់នឹងមិនធ្វើឲ្យអ្នកជោគជ័យនោះទេ។ មនុស្សចង់រាប់អានអ្នកដោយសារតែភាពស្មោះត្រង់របស់អ្នក ដោយគ្មានមនុស្សណាម្នាក់ដែលហ៊ានប្រថុយជឿទុកចិត្តមនុស្សមិនស្មោះត្រង់នោះទេ។

៤) ភាពចង់ចេះចង់ដឹង

លោក Conrad Hilton មានប្រសាសន៍ថា អ្នកគួរតែរស់នៅដោយជីវិតមួយរីករាយ ហើយមានភាពចង់ចេះចង់ដឹងគ្រប់ពេលវេលា។ ប្រសិនបើអ្នកមិនមានភាពចង់ចេះចង់ដឹងនោះទេ នោះអ្នកនឹងមិនអាចរៀនសូត្រ និងរីកចម្រើនបាននោះទេ។

៥) កុំអនុញ្ញាតិឲ្យទ្រព្យសម្បត្តិគ្រប់គ្រងអ្នក

ទ្រព្យសម្បត្តិគឺជាវត្ថុក្រៅខ្លួនរបស់អ្នកប៉ុណ្ណោះ។ ប្រសិនបើអ្នកនៅតែស្មុគស្មាញនឹងទ្រព្យសម្បត្តិក្រៅខ្លួន នោះអ្នកមិនបាត់បង់វត្ថុទាំងឡាយដែលអ្នកអាចធ្វើវាបានដោយមិនអស់ប្រាក់មួយសេន។ អ្នកត្រូវចាំថាទ្រព្យសម្បត្តិត្រឹមតែជារបស់ក្រៅខ្លួនប៉ុណ្ណោះ ពេលអ្នកស្លាប់ទៅអ្នកមិនអាចយកទៅជាមួយបានទេ។ តែអ្វីដែលអ្នកត្រូវធ្វើគឺរីករាយនឹងអ្វីដែលអ្នាកមានសិន។

៦) កុំព្រួយបារម្ភអំពីបញ្ហា

 លោក Conrad Hilton មានប្រសាសន៍ថា «ការព្រួយបារម្ភពេក មិនជួយអ្នកឲ្យដោះស្រាយបញ្ហាបានទេ ប៉ុន្តែការបួងសួង គំនិត និងសកម្មភាព អាចដោះស្រាយបញ្ហាបាន។» ការព្រួយបារម្ភប្រៀបដូចជាកៅអ៊ីយោលអ៊ីចឹង វានឹងធ្វើឲ្យអ្នកមានសកម្មភាពរវល់គ្រប់ពេល ប៉ុន្តែវាមិនអាចជួយដោះស្រាយអ្វីបានឡើយ។ ការព្រួយបារម្ភពេកនឹងធ្វើឲ្យអ្នកបាត់បង់ឱកាសក្នុងការស្វែងរកដំណោះស្រាយ។ ដូចនេះ កុំចំណាយថាមពលរបស់អ្នកលើការព្រួយបារម្ភ អ្នកត្រូវធ្វើវាដោយភាពឆ្លាតវៃ។

៧) រៀនសូត្រ

អ្នកត្រូវព្យាយាមរៀនសូត្រពីមនុស្សជុំវិញខ្លួនអ្នកបើទោះបីអ្នកនោះមានឋានៈតូចទាបយ៉ាងណាក៏ដោយ។ អ្វីទាំងអស់នេះ លោក Conrad Hilton តែងតែប្រើប្រាស់ទៅលើបុគ្គលិករបស់លោក។ ការរៀនសូត្រនេះហើយទើបធ្វើឲ្យអ្នករីកចម្រើន។ អ្នកត្រូវចាំថា អ្នកអាចរៀនសូត្របានគ្រប់ទីកន្លែង និងពីមនុស្សដែលនៅជុំវិញអ្នក។

៨) កុំខ្វល់ពីអតីតកាល

អ្នកត្រូវមានជំនឿជាក់លើខ្លួនអ្នកដើម្បីដឹកនាំជីវិតរបស់អ្នកឆ្ពោះទៅមុខ។ អ្នកត្រូវចេះរៀនសូត្រពីបទពិសោធន៍ ឬកំហុសរបស់អ្នក ប៉ុន្តែកុំខ្វាយខ្វល់ច្រើនពេកអំពីអតីតកាលដែលវាកន្លងហួសទៅហើយ។ ការព្រួយបារម្ភអំពីអតីតកាល មិនអាចជួយអ្នកបាននោះទេ មានតែការរៀនសូត្រអំពីកំហុស ហើយខិតខំអភិវឌ្ឍខ្លួនដើម្បីពេលអនាគតតែប៉ុណ្ណោះ។

៩) ការខិតខំប្រឹងប្រែង

ការខិតខំប្រឹងប្រែងតែងតែហុចផលត្រលប់មកវិញ។ គ្មាននរណាម្នាក់មានបាន ជោគជ័យ ដោយគ្រាន់តែអង្គុយលេង មិនខិតខំព្យាយាមនោះទេ។

១០) ការបួងសួង

មិនថាអ្នកកាន់សាសនាអ្វីនោះទេ ការបួងសួងជួយឲ្យអ្នកមានកម្លាំងចិត្ត មានថាមពលដើម្បីបន្តដំណើរទៅមុខទៀត។ ការបួងសួងបូកផ្សំនឹងការខិតខំ មិនបោះបង់ធ្វើឲ្យអ្នកទទួលបានលទ្ធផលកាន់តែប្រសើរ កាន់តែល្អថែមទៀត៕

ដោយ៖ លង់ វណ្ណៈ

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មូលហេតុ​៥​យ៉ាង​ ដែល​បុគ្គលិក​ទ្រាំ​​លែង​បាន​​ ហើយ​សម្រេច​​​លាឈប់​ពី​ក្រុមហ៊ុន​​

សញ្ញា ​៦​យ៉ាង​ ​ដែល​បញ្ជាក់​ថា ​​បុរស​ម្នាក់​នោះ​នឹង​មិន​អាច​ឈប់​ស្រលាញ់​អ្នក​ជា​ដាច់​ខាត

កុំ​ព្យាយាម​ជាមួយ​​​មនុស្ស​៤​ប្រភេទ​នេះ ​​ ​​ព្រោះ​អ្នក​មិន​ងាយ​នឹង​បង្កើត​ទំនាក់ទំនង​ល្អ​បាន​ដោយ​ងាយ​ឡើយ​!​

សៀវភៅ​ ​៦​ក្បាល​​នេះ​​​អាច​ផ្លាស់​ប្ដូរ​គំនិត​របស់​​អ្នក​​​ ដើម្បី​​ឱ្យ​​អាជីវកម្ម​​ទៅ​មុខ​ជា​​និច្ច​

អត្ថបទពាណិជ្ជកម្ម​

ស្រាបៀរអាន់ឆ័រចាប់រង្វាន់លើកទី១ សម្រាប់កម្មវិធីអាពាហ៍ពិពាហ៍ ឆ្នាំ ២០១៨-២០១៩

រួសរាន់ឡើងចូលរួមពិព័រណ៍លំនៅដ្ឋានកម្ពុជា២០១៩ដើម្បីទទួលបានការទិញផ្ទះដែលមានតម្លៃពិសេស

ក្តៅៗ Huawei អេ 7​ អាចកុម្ម៉ងទុកមុន  តម្លៃត្រឹម $189 កាដូខប់ៗ​​ សមត្ថភាពខ្លាំងសាហាវ!

សំណាងផ្ទួនៗ ជាមួយអាំងប៉ាវ ហេង ហេង ពី LG Brandshop

អានអត្ថបទតាមខែ

January 2019
M T W T F S S
« Dec    
 123456
78910111213
14151617181920
21222324252627
28293031