អត្ថបទថ្មីបំផុត
ទំព័រដើម > ឃ្លាំង​គំនិត > ដែន ឡក់៖ រឿង ៧ យ៉ាងដែលអ្នកមានតែងធ្វើជារឿយៗ

ដែន ឡក់៖ រឿង ៧ យ៉ាងដែលអ្នកមានតែងធ្វើជារឿយៗ

ការដែល​មនុស្ស​ម្នាក់​អាច​ក្លាយ​ជា​អ្នក​មាន​ មិន​មែន​សុទ្ធ​តែមកពី​ព្រេង​វាសនា ឬសំណាងដែលជាអ្នកកំណត់ ឬ​តម្រូវ​​ឲ្យ​ម្នាក់នោះក្លាយ​ជា​អ្នកមានដោយ​ងាយៗស្រួល​ឡើយ។ ជាក់​ស្តែង​វា​កើត​មក​ពីការ​ខិត​ខំ​ប្រឹង​ប្រែង​ដើម្បី​ទទួល​បាន​អ្វី ដែល​ជា​ការ​រំពឹង​របស់​ពួកគេ។ ដែន​ ឡក់ អ្នក​ប្រឹក្សា​ធុរកិច្ច​រយ​លាន​​ បាន​បង្ហាញពី​រឿង​រ៉ាវ​មួយ​ចំនួន​ដែល​អ្នក​មាន​តែង​ធ្វើជារឿយៗ៖

១) អាន​សៀវភៅ៖ អ្ន​កមាន​ អ្នកដែល​ជាសហគ្រិន​ល្បី​ៗធំៗ តែង​មាន​ទម្លាប់​អាន​សៀវ​ភៅ​ជានិច្ច ខណៈដែល​អ្នកក្រ ឬ​អ្នក​ដទៃចូល​ចិត្ត​ធ្វើរឿង​អ្វី​ផ្សេងៗ ដូចជា​ការ​មើល​ទូរទស្សន៍ ចេញ​ទៅ​មើល​កុន​ ជួប​ជុំ​គ្នា​ស៊ី​ផឹក។ អ្នក​មាន​អាន​សៀវភៅ​ស្ទើរគ្រប់​ប្រភេទ​ដើម្បី យកវា​មក​អនុវត្ត​ក្នុ​ងការ​ប្រកប​របរ ឬ​ទុក​វា​ជា​ទិន្នន័យ​ដើម្បីបទពិសោធន៍​ជីវិត​ធ្វើ​យ៉ាង​ណា​ឲ្យ​ជីវិត​កាន់​តែ​ប្រសើរ​ជាង​មុន។

២) ​​​អ្វី​​ដែល​​គេទទួល​គឺបាន​មកពី​អ្វី​ដែល​គេ​បាន​សាង​​៖ គ្រប់​គ្នា​តែង​គិត​ថាត្រូវ​តែខិត​ខំ​រៀន​សូត្រឲ្យ​បាន​ខ្ពស់ រក​ការ​ងារ​ធ្វើ​ដែល​អាចទទួល​បាន​ប្រាក់​ខែ​ច្រើនដើម្បីក្លាយ​ជាអ្នក​មាន​​។ តែអ្នក​មាន​តែង​គិត​ថា​ការ​រៀន​សូត្រគឺ​សំខាន់ តែ​អ្វី​ដែលសំខាន់ជាង​នោះគឺរៀន​ពី​អ្វីដែលនៅ​ជុំ​វិញ​ខ្លួន​ឲ្យ​បាន​ច្រើន​​ ហើយ​ព្យាយាម​ផ្លាស់​ប្តូរ​ខ្លួនពី​ការ​រក​កម្រៃ​ត្រឹម​តែ​ប្រាក់​ខែ​ មក​ជា​ការ​បន្ថែម​ចំណូល​តាម​ការ​វិនិយោគ​លើអាជីវកម្ម​ផ្ទាល់​ខ្លួន។ ព្យាយាម​ស្វែង​រក​អ្វី​ដែលជា​តម្រូ​វការ​របស់​មនុស្ស​ជុំ​វិញ​ខ្លួន​ ក៏​ដូចជា​អតិថិជន​ហើយ​កែប្រែ​ការ​បំពេញ​ចិត្តរបស់​អតិថិជន​​នោះ​ទៅ​ជា​លុយ​​​​របស់​ខ្លួន។

៣) ​ភាព​ទទួល​ខុស​ត្រូវ​៖ អ្នក​មាន​តែង​ទទួល​ខុស​ត្រូវ​នូវ​អ្វី​ដែល​ខ្លួន​បាន​ធ្វើ ខណៈដែល​អ្នក​ដទៃ​តែង​ធ្វើការ​ដាក់​បន្ទុក​នូវ​ភាព​បរាជ័យ​របស់​ខ្លួន​ទៅ​លើ​ពិភពលោក​ទាំង​មូល ឬ​បន្ទោស​ឪពុក​ម្តាយ​ បង​ប្អូន អ្នក​ជុំ​វិញ​ខ្លួន​ថា​មក​ពី​គេ​ទើប​ខ្លួន​បរាជ័យ។ ការ​ដែល​អ្នក​មាន​ទទួល​ស្គាល់​នូវ​អ្វីដែលជាកំហុស​ខ្លួន​ព្រោះ គេ​នឹង​យក​កំហុស​នោះ​ធ្វើ​ជា​បទពិសោធន៍ ជា​មេរៀន​ទៅ​ថ្ងៃ​ខាង​មុខ។​

៤) វិនិយោគ​៖ អ្នក​មាន​តែង​ប្រើ​ប្រាស់​លុយ​កាក់ ទ្រព្យ​សម្បត្តិ​ដែលពួកគេ​មាន​ទៅ​វិនិយោគ​ ធ្វើ​ឲ្យ​លុយ​បង្កើត​លុយ​ជាជាង​ឱបក្រសោប​លុយ​កាក់ដោយ​មិន​ធ្វើអ្វីសោះ។ ពួកគេមិនចំណាយប្រាក់ដែលគេមានទៅ​លើ​ការ​ផឹក​កាហ្វេដូចជា Starbuck គ្រប់​ពេល ឬទិញតែ​របស់​របរ​ brand រហូត​នោះ​ដែរ គេ​តែង​គិត​គូរ​ណាស់​ពី​ការ​ចំណាយ ការសន្សំ ការ​បណ្តាក់​ទុន​វិនិយោគ​គ្រប់​ពេល​វេលា។

៥) រៀន​បន្ថែម៖ មនុស្សធម្ម​តាតាំង​ខ្លួន​ជា​កែវ​ដែលមាន​ទឹក​ពេញ ចេះ​ដឹង​គ្រប់​រឿងគ្រប់​រ៉ាវ​ ពូកែ​សព្វ​មុខ នឹង​ដឹង​រឿង​ក្នុង​លោក​នេះ​គ្មាន​ចន្លោះ​កន្លែង​ណាទេ មិន​ត្រូវ​ការ​ការ​អភិ​វឌ្ឍ​ខ្លួន​បន្ថែម​អ្វីទៀត​ឡើយ។​ ដោយ​ឡែក​អ្នក​មាន​ពិត​ប្រាកដតែង​តាំង​ខ្លួន​ជា​មនុសុ្ស​ទឹក​កន្លះកែវគេ​ត្រូវកា​រការ​ចាក់​បំពេញ​បន្ថែម​នូវចំណេះ​ដឹង​​​​​ ពួក​គេ​មាន​ជំនាញ​ណាស់​ក្នុ​ង​ការ​សួរ​ និងស្តាប់​រឿង​ល្អៗ ហើយ​យក​រឿង​ល្អ​ៗទាំង​នោះ​មក​អភិ​វឌ្ឍ​ខ្លួន​បន្ថែម។

៦) ពួក​គេ​គិតកើត​មក​ជា​អ្នក​ក្រ​វា​មិន​ខុស​ទេ តែ​បើ​អ្នក​ស្លាប់​ទៅវិញ​នៅតែក្រ​ទើបជារឿង​ខុស៖ មនុស្ស​មួយ​ចំនួន​ចូល​ចិត្ត​គិត​ថា​អ្នក​មាន​ កើត​មក​គឺ​មាន​ស្រាប់ មិនឲ្យ​គេ​មាន​យ៉ាង​ម៉េច​បើ​ឪពុក​ម្តាយ​ ជីដូន​ជីតា​គេ​ជាអ្នកមាន។ តែពួ​កគេ​ភ្លេច​គិត​ថា​ ការ​ដែល​បានក្លាយជាអ្នក​មានពិត​ប្រាកដ​ព្រោះតែ​ការ​ខិត​ខំ​ប្រឹង​ប្រែង​ និង​គំ​និត​វិនិយោគ​របស់​អ្នក​មាន​ទៅ​វិញ។ អ្នក​ក្រគិត​ថាទោះ​ខំ​យ៉ាង​ណា​ក៏​មួ​យ​ជាតិ​នេះ​មិនអាច​ក្លាយ​ជាអ្នក​មាន​បានដូច​គេ​ដែរ ព្រោះ​ខ្លួន​មិនស្គាល់​អ្នកនេះមិនស្គាល់​អ្នក​នោះ​ ហើយ​ដេក​ចាំ​ព្រេង​សំណាងដោយ​គ្មាន​ខិត​ខំប្រឹង​ប្រែង​អ្វីសោះ។ កុំ​ភ្លេច​ថា​មនុស្ស​ម្នាក់​ៗ​មិនអាច​រើស​កំណើត​បាន​ឡើយ តែ​បើ​កើត​មក​ហើយ​ដឹង​ក្តី​ហើយ​គេអាចរើស​ផ្លូវ​ដើរ​ដើម្បី​ទៅ​ដល់​ជីវិត​ប្រសើរ​មួយបាន។

៧) អ្នក​មានគិត​ថាជីវិតគឺជារបស់​គេ៖ ពេល​ខ្លះ​អ្នក​អាចឃើញ​អ្នកមាន​មួយ​ចំនួន​ទិញឆ្នោត ឬចូល​​លេងក្នុ​ងកាស៊ី​ណូ​នានាដោយ​ចំណាយលុយ​អស់ច្រើន​ តែ​ពួក​គេ​គិត​ថា​វា​ជា​ក្តី​សុខ​មួយ​ផ្នែក​ដែល​គេ​ត្រូវ​ចំណាយ​សម្រាប់​ខ្លួន​ឯង​ខ្លះ​។ ពួក​គេ​ទិញ​ផ្ទះ​ ទិញ​ឡាន ធ្វើ​ដំណើរ​កំសាន្ត​នានាក្នុ​ងប្រទេស ក្រៅ​ប្រទេស ធ្ចើ​អ្វី​ផ្សេងៗទៀត​ដែលពួក​គេចង់​បាន​ ហើយ​គេ​ក៏​មិន​ចុះ​ចាញ់​នូវ​ទុក្ខ​លំបាក​នានា​ដែរ ដោយ​សារ​នេះគឺជាជីវិត​ផ្ទាល់​ខ្លួន​របស់​ពួកគេ៕

ដោយ៖ យ៉ាយ៉ា
ប្រភព៖ YouTube Blue O’clock

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​កម្រង​គំនិត​សំខាន់ៗ​របស់​ ឡៅ សឺ (​Lao Tzu)​​​ទស្សនវិទូ​របស់​ចិន​

មេរៀន​សំខាន់ៗ​ដែល​​អ្នក​អាច​រៀន​សូត្រ​ពី​​​​សម្រង់​សម្ដី​ទាំង​៨​​របស់​លោក ​Jack Ma មហាសេដ្ឋី​ចិន​​ ​

គន្លឹះ​សម្ងាត់​ទាំង ៦​ ដែល​ជួយ​អភិវឌ្ឍ​ចិត្ត​គំនិត​របស់​អ្នក​ឲ្យ​ដូច​មហា​សេដ្ឋី

គន្លឹះ​ដ៏​មុត​ស្រួច​ទាំង​៣​ក្នុង​ការ​កែ​ប្រែ​និង​អភិវឌ្ឍ​អ្នក​ឲ្យ​ក្លាយ​ទៅ​ជា​មនុស្ស​ថ្មី​មួយ​ទៀត

អត្ថបទពាណិជ្ជកម្ម​

លោក ព្រាប សុវត្ថិ ដឹកដៃកូនប្រុសទំាង២នាក់ធ្វើកក្រើកឆាកតន្រ្តី Tiger Street Football Festival 2019នាវគ្គផ្តាច់ព្រ័ត្រទូទាំងប្រទេស

ក្រុមស្នងការដ្ឋាននគរបាលខេត្តព្រះសីហនុ “A” ឈ្នះជើងឯកនៃ Tiger Street Football Festival 2019 លើកទី៧ ទូទាំងប្រទេសជាលើកដំបូង

អេ អឹម ខេ ត្រូវបានទទួលស្គាល់ជាគ្រឹះស្ថានមីក្រូហិរញ្ញវត្ថុ ដែលជួយឱ្យជីវភាពប្រជាពលរដ្ឋក្រីក្រមានភាពប្រសើរឡើង

ពិព័រណ៍ ឌីជីថលកម្ពុជាឆ្នាំ ២០១៩ បង្ហាញពីទិដ្ឋភាពផ្នែកឌីជីថលនៅអាស៊ីអាគ្នេយ៍ នាថ្ងៃអនាគត

អានអត្ថបទតាមខែ

March 2019
M T W T F S S
« Feb    
 123
45678910
11121314151617
18192021222324
25262728293031