អត្ថបទថ្មីបំផុត
ទំព័រដើម > នីតិវិធី​អាជីវកម្ម > ​លោក​​​អ្នក​ដឹង​អ្វី​ខ្លះ​ពី​ ការ​កំណត់​អត្រា​ប្តូរប្រាក់​របស់​ធនាគារ​ជាតិ​នៃ​កម្ពុជា?​

​លោក​​​អ្នក​ដឹង​អ្វី​ខ្លះ​ពី​ ការ​កំណត់​អត្រា​ប្តូរប្រាក់​របស់​ធនាគារ​ជាតិ​នៃ​កម្ពុជា?​

ប្រ​ភព៖​​ Photographer: Kimlen

គោលនយោបាយ​អត្រា​ប្តូរប្រាក់ របស់​ធនាគារជាតិ​នៃ​កម្ពុជា គឺជា​ឧបករណ៍​នយោបាយ​មួយរ​បស់គោល នយោបាយ​រូបិយវត្ថុ (Monetary Policy) ដែលមាន​គោលដៅ​ចម្បង​រក្សា​ស្ថិរភាព​ថ្លៃ ។ ជាមួយនឹង​ការអនុវត្ត​របប​អត្រា​ប្តូរប្រាក់ អណ្តែត​មានការ​គ្រប់គ្រង ធនាគារជាតិ​នឹងធ្វើ​អន្តរា​គម​លើ​ទីផ្សារ​ប្តូរប្រាក់ ដើម្បី​គ្រប់គ្រង​និង​រក្សា​ស្ថិរភាព អត្រា​ប្តូរប្រាក់ ទៅតាម​គោលដៅ​ដែល​បានកំណត់ ។

អត្រា​ប្តូរប្រាក់​ផ្លូវការ ជា​អត្រា​ទិញ​-​លក់​រវាង​រូបិយវត្ថុ​ជាតិ និង​រូបិយប័ណ្ណ​បរទេស​ផ្សេងទៀត ។ អត្រា​ប្តូរ ប្រាក់​ផ្លូវការ​នេះ​ត្រូវបាន​កំណត់ដោយ​ធនាគារជាតិ​នៃ​កម្ពុជា និង​ដាក់​ឲ្យ​ប្រើប្រាស់​សម្រាប់​រាល់​ប្រតិបត្តិការ រវាង​ធនាគារជាតិ​នៃ​កម្ពុជា​ជាមួយនឹង​ភាគី​ពាក់ព័ន្ធ ។ លើសពីនេះ ក្រសួង​-​ស្ថាប័ន​រាជរដ្ឋាភិបាល ក៏ដូចជា សាធារណៈជន​អាច​ប្រើប្រាស់​អត្រា​ប្តូរប្រាក់​ផ្លូវការ​នេះ​ទៅតាម​គោលដៅ​រៀងៗ​ខ្លួន ហើយ​អត្រា​នេះ​ក៏​ជា អត្រា​ប្តូរប្រាក់​គោល​ប្រើ​ដោយ​វិស័យ​ឯកជន ផងដែរ ។​

នីតិវិធី​នៃ​ការកំណត់​អត្រា​ប្តូរប្រាក់​ផ្លូវការ​របស់​ធនាគារជាតិ​នៃ​កម្ពុជា មាន​ដូចតទៅ ៖
​ ​“​គណៈកម្មការ​កំណត់​អត្រា​ប្តូរប្រាក់​ផ្លូវការ​” ដែល​រួមមាន​សមាសភាព​មកពី​នាយកដ្ឋាន​ពាក់ព័ន្ធ ដូចជា នាយកដ្ឋាន​គ្រប់គ្រង​ប្តូរប្រាក់ នាយកដ្ឋាន​បោះផ្សាយ​និង​ឃ្លាំង​បេឡា នាយកដ្ឋាន​ប្រតិបត្តិការ នាយកដ្ឋាន​ស្ថិតិ និង​នាយកដ្ឋាន​ស្រាវជ្រាវ​សេដ្ឋកិច្ច និង​សហប្រតិបត្តិការ​អន្តរជាតិ គឺជា​អ្នកកំណត់​អត្រា​ប្តូរប្រាក់​ផ្លូវការ ។
​ ​សមាជិក​គណៈកម្មការ​នេះ ជួបប្រជុំគ្នា​ជា​រៀងរាល់​ព្រឹក ដើម្បី​ពិភាក្សា​និង​វិភាគ​ទៅលើ​សូចនាករ សំខាន់ៗ​មួយចំនួន ដែល​ត្រូវ​ប្រើប្រាស់​ជា​មូលដ្ឋាន​ក្នុងការ​កំណត់​អត្រា​ប្តូរប្រាក់​ផ្លូវការ​ប្រចាំថ្ងៃ ។ បន្ទាប់មក អត្រា​ប្តូរប្រាក់​ផ្លូវការ​នេះ ដាក់ជូន​ថ្នាក់​អគ្គនាយក​បច្ចេកទេស​សម្រេច និង ផ្សព្វផ្សាយ ជា​សាធារណៈ ។
​ ​ករណី​ដែល​ទីផ្សារ​មានការ​ប្រែប្រួល​ខ្លាំង គណៈកម្មការ​នឹងមាន​ការប្រជុំ​ជាបន្ទាន់ ដើម្បី​រក ដំណោះស្រាយ និង​កំណត់​យុទ្ធសាស្ត្រ៕​

​ដោយ​៖ ប៉ុ​ម ទូច​
​ប្រភព​៖ ធនាគារជាតិ​នៃ​កម្ពុជា​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

​មហាសេដ្ឋី​ Bill Gates៖ ​​បើ​មាន​លក្ខណៈ​ទាំង​​ ៥​នេះ​​​​គឺ​ធានា​ថា​បាន​ជោគជ័យ​

​មហាសេដ្ឋី​ចិន​ ​លោក​ ចេក​ ម៉ា (Jack Ma) ៖ ក្មេង​ជំនាន់​ក្រោយ​ត្រូវ​ចាំ​ទុក​ ចំណុច​ទាំង​៤​នេះ

សេដ្ឋី​វ័យ​២៦ឆ្នាំ​​​លោក​ Brian Wong ​ថា ជីវិត​ជោគជ័យ​មិន​អាច​ខ្វះ​ចំណុច​ពីរ​យ៉ាង​នេះ​​ឡើយ

​គន្លឹះ​សន្សំ​លុយ​ពី​មហាសេដ្ឋី​មាន​ៗ​​​ក្នុង​លោក​សម្រាប់​លោក​អ្នក​ចង់​​​ក្លាយ​ជា​អ្នក​មានដែរ​

អត្ថបទពាណិជ្ជកម្ម​

វីង សហការជាមួយ Western Union ដើម្បីពង្រីកសេវាផ្ទេរប្រាក់អន្តរជាតិ

ព្រឹត្តិការណ៍ដ៏ធំ នៅខេត្តសៀមរាប

វីង​ បានឈ្នះពានរង្វាន់ “សហគ្រាសសង្គម ដែលមាននិរន្តភាព”និង “សហគ្រាសខ្នាតតូចនិងមធ្យម ដែលមានការរីកចម្រើន” នៅក្នុងកម្មវិធីពានរង្វាន់ធុរកិច្ចអាស៊ាន ប្រចាំឆ្នាំ ២០១៨

ឱកាសដ៏ពិសេសបំផុត ពី LG BrandShop ក្នុងឱកាល ពិធីបុណ្យអុំទូក នេះ !!

អានអត្ថបទតាមខែ

November 2018
M T W T F S S
« Oct    
 1234
567891011
12131415161718
19202122232425
2627282930