អត្ថបទថ្មីបំផុត
ទំព័រដើម > នីតិវិធី​អាជីវកម្ម > ស្វែងយល់​អំពី​នីតិវិធី​ក្នុងការ​បង់ពន្ធ​លើ​មធ្យោបាយ​ដឹកជញ្ជូន​និង​យានជំនិះ​គ្រប់​ប្រភេទ​ ​សម្រាប់​ឆ្នាំ ២០១៧

ស្វែងយល់​អំពី​នីតិវិធី​ក្នុងការ​បង់ពន្ធ​លើ​មធ្យោបាយ​ដឹកជញ្ជូន​និង​យានជំនិះ​គ្រប់​ប្រភេទ​ ​សម្រាប់​ឆ្នាំ ២០១៧

​កាលពី​ថ្ងៃទី ២៤ ខែ ឧសភា ឆ្នាំ ២០១៧ ក្រសួង​សេដ្ឋកិច្ច និង ហិរញ្ញវត្ថុ បានចេញ​ប្រកា​សលេខ ៥៥៧ សហវ​.​ប្រក ស្តីពី​ការប្រមូល​ពន្ធ​លើ​មធ្យោបាយ​ដឹកជញ្ជូន និង យានជំនិះ​គ្រប់​ប្រភេទ​សម្រាប់​ឆ្នាំ ២០១៧ ដែល​នៅក្នុង​ប្រកាស​នោះ បានកំណត់​អំពី​កាលបរិច្ឆេទ​នៃ​ការបង់ពន្ធ ទីកន្លែង​បង់ពន្ធ ឯកសារ​ភ្ជាប់ និង ការពិន័យ ចំពោះ​ការខកខាន​មិនបាន​ប​ង់​ពន្ធ​តាម​កាលកំណត់​។
១. កាលបរិច្ឆេទ​នៃ​ការបង់ពន្ធ​
​ ​ការប្រមូល​ពន្ធ​លើ​មធ្យោបាយ​ដឹកជញ្ជូន​និង​យានជំនិះ​គ្រប់​ប្រភេទ​សម្រាប់​ឆ្នាំ​២០១៧ គឺ​ចាប់ផ្តើម​ពីថ្ងៃ​ទី ១៥ ខែ មិថុនា ឆ្នាំ ២០១៧ រហូតដល់​ថ្ងៃទី ៣០ ខែ វិច្ឆិកា ឆ្នាំ ២០១៧​។
២. ទីកន្លែង​បង់ពន្ធ​
​ ​ខាងក្រោម​នេះ​គឺជា​ទីកន្លែង​ដែល​ម្ចាស់​មធ្យោបាយ​ដឹកជញ្ជូន និង យានជំនិះ​គ្រប់​ប្រភេទ អាចធ្វើ​ការបង់ ប្រាក់​ពន្ធ​លើ​មធ្យោបាយ​ដឹកជញ្ជូន និង យានជំនិះ​គ្រប់​ប្រភេទ​សម្រាប់​ឆ្នាំ​២០១៧៖
•​ ​សាខា​ពន្ធដារ​ខេត្ត​-​ខណ្ឌ (Provincial/Khan Tax Branches)
•​ ​ធនាគារ កាណាឌីយ៉ា ក​.​អ (Canadia Bank Plc.)
•​ ​ធនាគារ អេស៊ីលីដា ភីអិលស៊ី (ACLEDA Bank Plc.)
•​ ​ធនាគារ កម្ពុជា​សាធារណៈ ភីអិលស៊ី (Cambodian Public Bank Plc)
•​ ​ធនាគារ វឌ្ឍនៈ (Vattanac Bank)
•​ ​ធនាគារ អេ អ៊ិន ហ្សេ​ត រ៉ូយ៉ាល់ (ANZ Royal Bank)​។
៣. ឯកសារ​ភ្ជាប់​សម្រាប់​ការបង់ពន្ធ​
•​ ​ចំពោះ​ម្ចាស់​យានយន្ត​ដែលមាន​ប័ណ្ណ​សម្គាល់ការ​បង់ពន្ធ​ប្រភេទ​នេះ​៖
​ ​ប័ណ្ណ​សម្គាល់ការ​បង់ពន្ធ​លើ​មធ្យោបាយ​ដឹកជញ្ជូន​និង​យានជំនិះ​គ្រប់​ប្រភេទ ដោយ​មិនចាំបាច់ ដាក់​លិខិត​ប្រកាស​បង់ពន្ធ​។​
•​ ​ចំពោះ​ម្ចាស់​យានយន្ត​ដែល​មិនមាន​ប័ណ្ណ​សម្គាល់ការ​បង់ពន្ធ​ប្រភេទ​នេះ​៖
​ ​ត្រូវបំពេញ និង ដាក់​លិខិត​ប្រកាស​បង់ពន្ធ​ចំនួន ០២ សន្លឹក តាម​ទម្រង់​ដែល​ចេញ​ដោយ​អគ្គ នាយកដ្ឋាន​ពន្ធដារ ដោយ​ភ្ជាប់​មកជា​មួយ​ឯកសារ​បង់ពន្ធ​ឆ្នាំ ២០១៦​។​
•​ ​ចំពោះ​មធ្យោបាយ​ដឹកជញ្ជូន និង យានជំនិះ​គ្រប់​ប្រភេទ ដែល​ទើប​មក​ប្រកាស​បង់ពន្ធ​លើកដំបូង​៖
​ ​ត្រូវបំពេញ និង ដាក់​លិខិត​ប្រកាស​បង់ពន្ធ​ចំនួន ០២ សន្លឹក តាម​ទម្រង់​ដែល​ចេញ​ដោយ​អគ្គ នាយកដ្ឋាន​ពន្ធដារ និង​ភ្ជាប់​មកជា​មួយ​នូវ​ឯកសារ​ដូចខាងក្រោមៈ​
o​ ​ប័ណ្ណ​សម្គាល់​យានយន្ត (​កាត​គ្រី​) ឬ​
o​ ​វិញ្ញាបនបត្រ​ត្រួតពិនិត្យ​លក្ខណៈ​បច្ចេកទេស​យានយន្ត (​ឆៀក​) ដែល​ចេញ​ដោយ ក្រសួង​សាធារណការ និង ដឹកជញ្ជូន ឬ​
o​ ​បង្កាន់ដៃ​បង់ពន្ធ​នាំចូល ឬ​
o​ ​លិខិតបញ្ជាក់​ការប្រើប្រាស់​យានយន្ត​ចេញ​ដោយ​ឃុំ​-​សង្កាត់ ចំពោះ​យានយន្ត​កែច្នៃ​ក្នុង ស្រុក និង​
o​ ​អត្តសញ្ញាណ​ប័ណ្ណសម្គាល់ខ្លួន​របស់​ម្ចាស់​មធ្យោបាយ​ដឹកជញ្ជូន​និង​យានជំនិះ ឬ លិខិត ឆ្លងដែន ឬ​លិខិតបញ្ជាក់​សំបុត្រកំណើត​ចេញ​ដោយ​មន្ត្រី​អត្រានុកូលដ្ឋាន​។
៤. ការពិន័យ​ចំពោះ​ការខកខាន​មិនបាន​ប​ង់​ពន្ធ​តាម​កាលកំណត់
ចាប់ពី​ថ្ងៃទី​០១ ខែមករា ឆ្នាំ ២០១៨ តទៅ អគ្គនាយកដ្ឋាន​ពន្ធដា​រ​នឹង​រៀបចំ​យន្តការ​ត្រួតពិនិត្យ​ការបង់ ពន្ធ និង ផាកពិន័យ​ចំពោះ​មធ្យោបាយ​ដឹកជញ្ជូន និង យានជំនិះ​ទាំងឡាយណា ដែល​មិនបាន​ប្រកាស​បង់ពន្ធ​តាម ការកំណត់​៕

​ដោយ​៖ ប៉ុ​ម ទូច​
​ ​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

បើ​ខ្សោយ​ផ្នែក​ការ​សម្រេចចិត្ត​ ​អ្នក​គួរ​​អនុវត្ត​គន្លឹះ​ទាំង​៤​នេះ​​ ​ដើម្បី​ពង្រឹង​វា​ឡើង​វិញ​!

បើ​ជិត​ឈាន​​ដល់​វ័យ​ខ្ទង់​៣០​​ហើយ​ នៅ​តែ​គ្មាន​ចំណុច​ទាំង​នេះ​ទៀត​ នោះ​​ជីវិត​នឹង​វេទនា​មិន​ខាន

ត្រូវ​​បង្កើត​ទម្លាប់​ល្អៗ​ទាំង​​៦​យ៉ាង​នេះ​ ​មុន​ឈាន​ដល់​វ័យ​៣០​ ដើម្បី​ធានា​អំពី​ភាព​ជោគជ័យ​​របស់​អ្នក​

គំនិត​អាថ៌កំបាំង​​ទាំង​ ១០​​ដើម្បី​ក្លាយ​ជា​សេដ្ឋី

អត្ថបទពាណិជ្ជកម្ម​

មកស្គាល់ និងយល់ដឹងពីអាហារូបករណ៍ល្បីៗរបស់បញ្ញវនទាំង១៥រូបក្នុងសន្និសីទអាហារូបករណ៍លើកទី៧

លើកទី១សម្រាប់កម្ពុជា អំពី “ពិព័រណ៍យន្តហោះ និង បច្ចេកវិទ្យា”

ស្រាបៀរ ABC Extra Stout, Heineken, Tiger បានប្រគល់រង្វាន់ផ្តាច់ព្រ័ត្រ ជូនគូស្វាមីភរិយាថ្មី ឆ្នាំ ២០១៧-២០១៨

វគ្គបណ្តុះបណ្តាល៖ គន្លឹះក្នុងការធ្វើអាជីវកម្មអចលនទ្រព្យប្រកបដោយភាពជោគជ័យ

អានអត្ថបទតាមខែ

December 2018
M T W T F S S
« Nov    
 12
3456789
10111213141516
17181920212223
24252627282930
31