អត្ថបទថ្មីបំផុត
ទំព័រដើម > នីតិវិធី​អាជីវកម្ម > អ្វី​ទៅជា​ពន្ធ​ប៉ាតង់ (Patent Tax)?

អ្វី​ទៅជា​ពន្ធ​ប៉ាតង់ (Patent Tax)?

​ដូចដែល​លោកអ្នក​បានទទួល​ជ្រាប​រួចមកហើយ​អំពី “​អាករ​លើ​តម្លៃបន្ថែម (VAT)” ដែល​គ្រប់​ក្រុមហ៊ុន​ពាណិជ្ជកម្ម អ្នក​នាំចេញ​នាំចូល និង សហគ្រាស​វិនិយោគ​ទាំងអស់​មាន​កាតព្វកិច្ច​ចុះបញ្ជី​នៅពេល​ចាប់ផ្តើម​ប្រកប​អាជីវកម្ម​។ ដូចគ្នា​ផងដែរ ការប្រកាស​ពន្ធ​ប៉ាតង់​ក៏​ជា​កាតព្វកិច្ច​ពន្ធដារ​មួយ​ប្រភេទ ដែល​គ្រប់​សហគ្រាស​អាជីវកម្ម​ទាំងអស់​ត្រូវ បំពេញ​ជា​រៀងរាល់ឆ្នាំ​។ នៅក្នុង​អត្ថ​នេះ លោកអ្នក​នឹង​បាន​ស្វែងយល់​អំពី​ថា​តើ​អ្វី​ទៅជា​ពន្ធ​ប៉ាតង់​?
​ពន្ធ​ប៉ាតង់ គឺជា​ពន្ធ​ប្រចាំឆ្នាំ ដែល​ត្រូវ​បានកំណត់​លើ​សកម្មភាព​អា​ជីរ​កម្ម ដោយ​ផ្អែកលើ​ប្រភេទ​អ្នក​ជាប់ពន្ធ (Taxpayer) និង កម្រិត​ផលរបរ (Turnover)​។ ពន្ធ​ប៉ាតង់​ត្រូវ​បង់​នៅពេល​ចាប់ផ្តើម​ប្រកប​អាជីវកម្ម និង ក្នុងអំឡុងពេល​ចាប់ផ្តើម​ពីថ្ងៃ​ទី ០១ ខែ មករា ដល់ ថ្ងៃទី ៣១ ខែ មីនា ជា​រៀងរាល់ឆ្នាំ​។ ពន្ធ​ប៉ាតង់​ត្រូវ​បង់​នៅ​រដ្ឋ បាល​សារពើពន្ធ​ដែល​អ្នក​ជាប់ពន្ធ​មាន​ទីកន្លែង​ប្រកប​អាជីវកម្ម​ពិតប្រាកដ​។
​អ្នក​ជាប់ពន្ធ​ដែល​ចាប់ផ្តើម​ប្រកប​អាជីវកម្ម​ក្នុង​រយៈពេល ៦ ខែ​ដើមឆ្នាំ ត្រូវ​បង់ប្រាក់​ពន្ធ​ប៉ាតង់​ពេញ​មួយឆ្នាំ ប៉ុន្តែ ប្រសិនបើ​ចាប់ផ្តើម​ប្រកប​អាជីវកម្ម​ក្នុង​រយៈពេល ៦ ខែ​ចុងឆ្នាំ អ្នក​ជាប់ពន្ធ​ត្រូវ​បង់ប្រាក់​ពន្ធ​ប៉ាតង់​ពាក់កណ្តាល​។
​ប្រាក់​ពន្ធ​ប៉ាតង់​ត្រូវបាន​កំណត់​តាម​កម្រិត​អ្នក​ជាប់ពន្ធ​ដូចខាងក្រោម​៖
១. អ្នក​ជាប់ពន្ធ​តូច ត្រូវ​បង់ពន្ធ​ប៉ាតង់​ប្រចាំឆ្នាំ​ចំនួន ៤០០ ០០០ រៀល​។​
២. អ្នក​ជាប់ពន្ធ​មធ្យម ត្រូវ​បង់ពន្ធ​ប៉ាតង់​ប្រចាំឆ្នាំ​ចំនួន ១ ២០០ ០០០ រៀល​។​
៣. អ្នក​ជាប់ពន្ធ​ធំ​ដែលមាន​ផលរបរ (Turnover):
ក​. លើសពី ២ ០០០ លាន​រៀល ដល់ ១០ ០០០ លាន​រៀល ត្រូវ​បង់ពន្ធ​ប៉ាតង់​ប្រចាំឆ្នាំ​ចំនួន ៣ ០០០ ០០០ រៀល​។​
​ ​ខ​. លើសពី ១០ ០០០ លាន​រៀល ត្រូវ​បង់ពន្ធ​ប៉ាតង់​ប្រចាំឆ្នាំ​ចំនួន ៥ ០០០ ០០០ រៀល​។​
​អ្នក​ជាប់ពន្ធ​ធំ​ដែលមាន​សាខា ឃ្លាំង រោងចក្រ រោង​ជាង សម្រាប់​សកម្មភាព​អាជីវកម្ម​តែមួយ​ដែល​ស្ថិតនៅតាម​រាជ ធានី​-​ខេត្ត​ផ្សេងគ្នា ត្រូវ​បង់ពន្ធ​ប៉ាតង់​ចំនួន ៣ ០០០ ០០០ រៀល នៅតាម​រាជធានី​-​ខេត្ត​ដែល​អាជីវកម្ម​នោះ​មាន​ទី តាំង​ស្ថិតនៅ៕​​

​ដោយ​៖ ប៉ុ​ម ទូច​

ប្រសិន​ជា​អ្នក​ចូល​ចិត្ត​អត្ថបទ​នេះ​សូម​ជួយ​ Like & Shared

អត្ថបទពេញនិយម

ចង់​ស្គាល់​ចរិត​ មនុស្ស​លាក់​ពុត​ទេ? ភាគ​ច្រើន​ពួក​គេ​តែង​សម្តែង​បែប​នេះ​នៅ​មុខ​អ្នក

សៀវភៅ​ទាំង​ ១០​ដែល​សហគ្រិន​ល្បី​ៗ​ទូទាំង​ពិភពលោក​ចង់​ឲ្យ​អ្នក​អាន​ដើម្បី​កែប្រែ​ជីវិត

​​ត្រូវ​ហ៊ាន​លះបង់​​ ​៣​យ៉ាង​នេះ​សិន ​មុន​ពេល​បោះជំហាន​​​​ជោគជ័យ​ក្នុង​​​វិស័យ​ជំនួញ​

​​ហេតុផល​៤​សំខាន់ៗ ​ដែល​អ្នកមាន​គ្រួសារ​​ត្រូវ​ជំនះ​​ទិញ​ផ្ទះ​ឲ្យ​បាន​ ​ជៀសវាង​ការ​បន្ត​ជួល​គេ​រាប់​ឆ្នាំ​!

អត្ថបទពាណិជ្ជកម្ម​

ឱកាសបុណ្យភ្ជុំបិណ្ឌទទួលបានការបញ្ចុះតម្លៃពិសេសពី LG Brandshop

សន្និសីទ​រៀន​ធ្វើ​ជំនួញ​លើក​ទី​៣ ក្រោម​ប្រធាន​បទ៖ “ត្រៀម​សម្រាប់​ដំណើរ​ដ៏​វែង​ឆ្ងាយ”

ជួប​គ្នា​នៅ​ក្នុង​កម្មវិធី​វិថី សុបិន​រដូវ​កាល​ទី ​៣​នា​ថ្ងៃ​អាទិត្យ​សប្ដាហ៍​នេះ

កម្មវិធីសិក្ខារសាលាស្តីពី «សវនកម្ម និង ការគ្រប់គ្រងអាជីវកម្មនៅក្នុងសហគ្រាស»

អានអត្ថបទតាមខែ

September 2018
M T W T F S S
« Aug    
 12
3456789
10111213141516
17181920212223
24252627282930